2 Vakorintho 13
13
1Nzidza ku mwinye kalunu hali kavaka. Ku minwa gyavaloli vaviri kinga vavaka amakuva gosi ga la dinyeridzwa. 2Ntangi kumuvolera, kandi mbola habulavu, kuli lwa nda li ho lwa kaviri, kandi ndiyo kalunu, lwa nta veye ho, kuvolera ava tanga kukola ubwoni, navandi vosi, ni nzidza kandi si nda va vererera; 3kigira mwenya kulola amakuva gobulungi ga Kristo u volanga mu inze; u ta veye mude dekere ku mwinye, navutswa a veye wetsingulu mu mwinye: 4kigira ya bambwa mmudedekere, navutswa a veye mwoyo mu tsingulu tsya Nyasaye. Kigira kwinye kandi ku veye avadedekere muye, navutswa ku la va mwoyo halala naye ku tsingulu tsya Nyasaye itsi veye ku mwinye. 5Mwehenze mwinye avene, ni mu va ni mu veye mu lisuuvira; mwegeridze mwinye avene. Naho si mu manya amakuva genyu avene, Yesu Kristo a veye mu mwi nve? Ni ga ta li mwa sulwa. 6Navutswa nsuuvira mu la manya kwinye si ku suleywi. 7Kalunu ku saala Nyasaye mu vule kukola ubudamano; si ga li kwinye ku duke kubugirirwa, navutswa mwinye mu kole aga veye malahi, kali ni ku veye kuli avasuleywi. 8Kigira si ku nyala kukola kindu kali kilala kyokuhing'ana nageligali, navutswa aga veye ku ageligali. 9Kigira ku sangala lwa ku veye avadedekere, na mwinye mu veye avetsingulu: kandi ku saala yaga mwinye mu ve avadukiru. 10Kigira yaga ng'oda vindu yivi ni nta veye ho, lwa mbeye ho nduke kuvula kutumekira ubululu, kuli tsingulu tsyo Mwami ya mpa kwombaka, kandi si tsi veye tsyokusambula.
11Inyima, avamitu, mu gase. Mu dukire; mu leme mwoyo; mu ve nomwoyo mulala; mu menye mu mirembe: kandi Nyasaye wobuyanzi nemirembe a la va nemwinye halala. 12Mu chelidzane mwinye avene navene nelibusa litakatifu.
13Avatakatifu vosi va mu chelidze.
14Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.
Currently Selected:
2 Vakorintho 13: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
