2 Vakorintho 11
11
1Nkano nu bulahi mwikudzire ku inze kigira ubusiru bukekeke bwange: navutswa mwikudziye ku inze ligali. 2Kigira mbeye nelikendeka ku mwinye, nelikendeka lya Nyasaye: kigira mmu sereye ku musatsa mulala, nduke kuserera mwinye kuli mukana mugyima mulahi ku Kristo. 3Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo. 4Kigira uyu uudza na a va na a mwilwadzira Yesu wundi wa kwa vula kumwilwadzira, naho mu vugula roho wundi wa mwa vula kuvugula, naho ivangeli yindi ya mwa vula kubugirira, mu kola bulahi kwikudzira kuye. 5Kigira ng'ana gana inze si ngehi kindu ku vatumwa avanene. 6Navutswa kali ni nta veye wa lonya mu livola, navutswa mu limanya si mbeye ndiyo mba kwinye ku mali kumuvuulira likuva yili ku vindu vyosi. 7Naho nda kola ubwoni lwa ndegehidza inze mwene, mwinye mu duke kunene hidzwa, kigira nda mwilwadzira ivangeli bugira madanyi? 8Nda nuula mavugano gandi, ni mbugula kuvo madanyi nduke kutumekira mwinye 9kandi lwa nda li halala nemwinye nokugehera ivindu, si nda yeka ku mundu kali mulala; kigira avamitu lwa va twula Makedonia, va nzizulitsira ubugeheru bwange; kandi mu vindu vyosi inze mwene ndilinda nta gwa ubuliduhu ku mwinye, ndelinda kandi ndiyo. 10Kuli ageligali ga Kristo ga veye mu inze si ha veye nomundu u li ngaya mu liidzominya yili mu kivala kya Akaiya. 11Kigira ki?Kigira si nyanza mwinye? Nyasaye a manya. 12Navutswa aga nkolanga, nda kola, nduke kwigalira ubwiyangu bwa yavo avenya ubwiyangu; va duke kuloleka va veye kuli kwinye ku yago aga viidzominyira mu. 13Kigira ava ndu kuli yava va veye avatumwa vobubehi, ava kolanga miyinzi gyobugadi, ni vegirunkannya avene kugwa kuli avatumwa va Kristo. 14Kandi si li veye ligenya; kigira kali Setani mwene yegirunkanya a fwane ingelosi wobulavu. 15Kunangwa si ki veye kindu kinene, avatumwa veve ni vegirunkanya avene va fwane avatumwa vobulungi; avekiheri kyavo ki li va kuli miyinzi gyavo.
16Kandi mbola, Mundu a ta ganagana inze mbeye musiru; navutswa ni ga veye ndi, mu mbugirira kuli mbeye nobusiru, nduke kwiidzominya hakekeke. 17Aga mbolanga si mbolanga kuli ga twulanga ku Mwami, navutswa kuli ga veye mu busiru, mu kilema mwoyo kyokwiidzominya. 18Kigira vanyingi viidzominya mu vindu vyomubiri, inze ndiidzominya kandi. 19Kigira mwikudzira ku vasiru nobuyanzi, na mwinye avene mu veye nobugeeri. 20Kigira mwikudzira ku mundu na a mu kola avatugwa, na a mu fuula vindu, na a mu lanya, ni yenenehidza, na a mwala lwasaya. 21Mbola ku lyegehidza, kuli kwinye ku veye avadedekere. Navutswa ku vyosi vyowundi a luviriye (mbola kuli musiru), inze kandi nduviriye. 22Va veye Avahebraina? Na inze ndiyo kandi. Va veye Avaisraeli? Na inze ndiyo kandi. Va veye kisukululwi kya Abrahamu? Na inze ndiyo kandi. 23Va veye avatumwa va Kristo? (Mbola kuli mulalu) inze nkiri; mu miyinzi nkiri kuvita yava, mu libofwa hali kanyingi kuvita, mu likuywa lya vitira, mu likudza hali kanyingi. 24Nda nyola mu makono ga Vayuda, ubukinduki hali gatano amakumi gane kuvula mu bulala. 25Nda kuywa nempimbo hali kavaka, nda laswa namagina lulala, ndononnyirwa liatu hali kavaka, nda li mu inyanza ubudiku bulala nomhasu mulala; 26mu lugendo hali kanyingi, mu buhimwa bwemigera, mu buhimwa bwavanuuli mu buhimwa bwavehiri yange, mu buhimwa bwe Tsihiri, mu buhimwa mu lidala, mu buhimwa bwomigendanyama, mu buhimwa bwomu inyanza, mu buhimwa bwomu vamitu vobubehi; 27mu miyinzi nomu busaliri, mu lihenzerera hali kanyingi, mu inzala nomu buluhu, mu lihonga lilia hali kanyingi, mu bukindu nomu kyahonyo. 28Bugira yaga ga nkiri kutala, ha veye nemiyinzi gyi minanga kazozo, nagyo ni kihenda mwoyo kya mbendera mavugano gosi. 29Ibwaha u veye mudedekere na inze mbuli kuva mudedekere? Ibwaha yikigitalidzangwa na inze mbuli kuvihirwa? 30Ni ga ndukira kwiidzominya ndiidzominya mu vindu vyobudedekere bwange. 31Nyasaye Dada wo Mwami Yesu, uyu u veye nobugasu mihiga nemihiga, a manyi si mbola ububehi. 32Mu lidala lya Damasko, munyampara mukekeke ku mwami Areta ya linda lidala lya Vadamasko navasikari, a duke kungumira: 33na inze ndikidzerwa mu kideera mu lidirisha mwidigi, na inze nda hona mu makono gege.
Currently Selected:
2 Vakorintho 11: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
