1 Vatesalonike 3
3
1Kigira yaga lwa kwa vula kunyala kwikudzira, kwa lola bulahi kulekwa Athene kweng'ine; 2kandi kwa tuma Timoteo, amitu wetu, mutumwa wa Nyasaye mu ivangeli va Kristo, a duke kuha mwinye tsingulu, nokumuleminya myoyo mu lisuuvira lyenyu; 3ku vosi mundu kali mu lala, kivi yiki ki ta mu sunda; kigira mwinye avene mu manya kwa vikwa kigira yiki. 4Kigira ligali inyinga lwa kwa li nemwinye kwa tanga kumuvolera ku tsitsa nmu lidambidzwa; kuli lya ku gwira, mwinye mu manya. 5Kigira yaga inze lwa nda vula kunyala kwikudzira kandi, nda tuma mutumwa nduke kumanya lisuuvira lyenyu, namsya mugeridzi wa mu geridza ku makuva gosi, nemiyinzi gyetu gyi ve gya vutswa. 6Navutswa Timoteo lwa a duki kalunu ku kwinye kutwula ku mwinye, nokukuletera amakuva malahi gelisuuvira lyenyu nobuyanzi bwenyu, nokwidzulira kwinye bulahi kazozo, nokukayirwa kukulola, kuli kwinye kandi ku kayirangwa kumulola; 7kigira yaga, avamitu, kwa leminywa myoyo ku mwinye mu kivi kyetu kyosi, nomu lidambidzwa lyetu kigira lisuuvira lyenyu: 8kigira kwinye ku veye mwoyo, ni mu va ni mwidinyeridza mu Mwami. 9Kigira lisantidza ki lya ku nyala kandi kuha Nyasaye kigira mwinye, ku lisangala lyosi lya ku sangalira mwinye imbiri wa Nyasaye wetu; 10ubudiku nombasu ku saalanga ligali ku duke kulola mumoni mwenyu, kandi ku duke kudukidza kya geha ku lisuuvira lyenyu?
11Kalunu Nyasaye wetu Dada mwene na Mwami wetu Yesu, a kwimirire ku duke ku mwinye: 12kandi Mwami a mu mede nokumukiridza mu buyanzi avene navene, noku vandu vosi, kuli wa kwinye ku veye ku mwinye; 13a duke kumuluviriridza mu myoyo gyenyu mu butakatifu bugira kuva nekindu mbiri wa Nyasaye wetu Dada mu inyinga yeliduka lyo Mwami wetu Yesu halala navatakatifu veve vosi.
Currently Selected:
1 Vatesalonike 3: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
