1 Vakorintho 9
9
1Inze si mbeye muboholole? Inze si mbeye mutumwa? Inze si nda lola Yesu Mwami wetu? Mwinye si mu veye miyinzi gyange mu Mwami? 2Inze ni mba ni nta veye mutumwa ku vandi, navutswa mbeye mulumwa ku mwinye; kigira mu veye muhuri gwange mu Mwami. 3Litivula lyange kuvo avidera inze ni yili. 4Si ku veye netsingulu kulia nokunwa? 5Si ku veye netsingulu kuvugula mukali u suuvira, kali kuli avatumwa avandi, kandi avamwavo vo Mwami, kandi Kefa? 6Naho inze tsyeng'ine na Baranaba, si ku veye netsingulu kuleka kuyinzira? 7Ni musikari ki kutumika vutswa? Nibwaha u similiangn kizabibu na a ta lia ku mazabibu? Naho ibwaha wayanga kyayo na a ta nwa maveere gekyayo? 8Mbola yaga kuli avandu? Naho lilaga si li vola ndiyo? 9Kigira ga ng'odwa mu lilaga lya Musa, U ta boha ing'ombe mu munwa inyinga i huulanga ubuswage. Nyasaye a ganagana ageng'ombe, 10naho a vola yili kigira kwinye, ligali? Yee, ga ng'odwa kigira kwinyekigira uyu u limanga nu bulahi a lime nelisuuvira, na uyu u huulanga a huule nelisuuvira a la nyola ku vya a huula. 11Kwinye ni ku va ni kwa mu simikira vindu vyo nwoyo, ni kindu kinene ni ku va ni ku gesa vindu vyenyu vyomubiri? 12Avandi ni va va ni va nyola tsingulu yitsi ku mwinye, nasindi kwinye? Navutswa si kwa tumekira tsingulu yitsi; navutswa kwikudzira ku vindu vyosi ku duke kuvula kwigalira ivangeli ya Kristo. 13Si mu manya yava ava tumikanga mu vindu vyelitempeli, va litsanga ku vindu vyelitempeli, na yava ava tumikanga ku bwali va veye nekidieli kyavo halala nobwnli? 14Kandi ndiyo, Mwami ya laga yava ava landidzanga ivangeli va duke kunyola ku ivangeli yivi va konya. 15Navutswa inze si nda tumekira vindu yivi kali kilala; kandi si ng'oda vindu yivi vi kolwe ku inzekigira ku inze nu bulahi nkudze kuvita mundu kali mulala kukola lidzominya lyange li ve lyavutswa. 16Kigira kali ni nzilwadza ivangeli, si mbeye nago kwiidzominya; kigira mbikeywi linigwa; kigira ubudamano bu veye ku inze ni mbula kwilwadza ivangeli. 17Kigira ni nkola yaga nobuyanzi bwange mwene, mbeye namadanyi: navutswa ni bu ta li ubuyanzi bwange mwene, mbebeywi ubulindi bwevangeli. 18Kunangwa madanyi gange ga veye ki? Ga veye yaga inyinga nzilwadza ivangeli nduke kukola ivangeli i ta va nomutungu, mbule kutumekira tsingulu tsyange tsyosi mu ivangeli. 19Kigira kali nda li muboholole ku vandu vosi, ndivika mu butuzwa ku vosi, nduke kunyola vanyingi. 20Ku Vayuda nda gwa kuli Muyuda, nyole Avayuda; ku yava ava veve ku lilaga, nda gwa kuli u veye ku lilaga, (mwene si nda li ku lilaga), nduke kunyola ava veye ku lilaga. 21Ku yavo ava ta li nelilaga, nda gwa kuli u ta li nelilaga, mwene si nda vula kuva nelilaga ku Nyasaye, navutswa ku lilaga ya Kristo, nyole ava ta li nelilaga. 22Ku vadedekere nda gwa mudedekere, nyole avadedekere: ku vandu vosi nda kolwa vyosi, ku vyosi nduke kuhonnya v alala. 23Na inze nkolanga vindu vyosi kigira ivangeli, nduke kuva u sangi muyo. 24Si mu manya yava ava gerana tsimbiru va nyagula vosi, navutswa mulala a nyola madanyii? Na ndiyo kandi mu nyagule; mu duke kunyola. 25Ku vosi u veye neli gerana mu bukino yegayanga ku vindu vyosi. Yava va kola ndiyo va nyole itaji yonekanga, navutswa kwinye kunyola itaji i tonekanga. 26Kunangwa inze nyagulanga si ga li kuli aga nta manya; kandi kuli nduyananga si ga li kuli u duyanga mwika: 27navutswa nkindukidza mubiri gwange, nokugutuma: gase inyinga mmali kwilwadzira avandi inze mwene nda sulwa.
Currently Selected:
1 Vakorintho 9: MBE
Highlight
Share
Compare
Copy
Want to have your highlights saved across all your devices? Sign up or sign in
©Bible Society of Kenya, 1967
