1 Vakorintho 10
10
1Kigira si nyenya mwinye, avamitu, mu vule kumanya avaguga vetu vosi va li mu lilesi, kandi vosi va vita mu inyanza; 2navo vosi va batidzwa va gwe ava Musa mu lilesi nomu inyanza; 3navo vosi va lia kyokulia kilala kya roho 4kandi vosi va nwa kyokunwa kilala kya roho: kigira va nwa ku lwanda lwa roho lwa va londa: nolwanda yilwo lwa li Kristo. 5Navutswa avanyingi kuvo si va yanzidza Nyasaye: kigira va dividzirwa mu kyangalangwi. 6Kunangwa vindu yivi vya li viioleru vyetu; ku ta kayirwa vindu vidamano kuli yavo va kayi rwa. 7Kandi mu ta va ava londa misambwa kuli avalala kuvo va kola kuli ga ng'odwa, Avandu vikala kulia nokunwa, kandi va singira kukina. 8Kandi ku ta kola malaya kuli avandi kuvo va kola, ni va gwa lidiku lilala avandu tsielfu amakumi gaviri na tsivaka. 9Kandi ku ta geridza Mwami kuli avalala kuvo va mu geridza, ni viitwa netsinzoka. 10Kandi mu ta monya kuli avalala kuvo va mo nya, nomudividzi ya va dividza. 11Kunangwa vindu yivi vyosi vya va gwira vi ve viloleru; kandi vya ng'odwa kigira lyeganehidzwa lyetu, avekiheri kyenyinga ki dukira. 12Kigira yaga, uyu u ganagana a singiye, a henze bulahi gase a la gwa. 13Si li nyala kugwira mwinye ligeridzwa, lyomundu a ta nyala kwiku dzira ku: navutswa Nyasaye a veye musuuvirifu, u ta nyala kumuleka mu geridzwe kuvita lya mu nyala kwikudzira ku; navutswa halala neligeridzwa a la lomba inzira yokuhona mu duke kullyola tsingulu tsyokwikudzira.
14Kigira yaga, avayanze vange, mwiruke miima gyemisambwa. 15Mbola kuli mbolera avageeri; mu henze aga mbola. 16Kikombe kyobugasu kya ku gasidza si ki veye lisanga lyamasahi ga Kristo? Ubukima bwa ku megannya si bu veye lisanga lyomubiri bwa Kristo? 17Kigira kwinye ava ku veye vanyingi ku veye mulango mulala kandi mubiri mulala: kigira kwosi hiu vugulanga ku kidonyi kyomulango mulala. 18Mu henze Israeli wa va veye ku mubiri: yava ava litsanga tsisadaka si va veye nelisanga nobwali? 19Kunangwa mbola ki? Ki lombangwa ki ve isadaka yomisambwa ki veye kindu? Naho mbole kif wananyi kyene ki veye kindu? 20Navutswa mbola vindu vye Tsihiri tsi lombanga vi ve isadaka va lombera amademone, si va lombera Nyasaye: inze si nyenya mwinye mu sange namademone. 21Si mu nyala kunwa kikombe kyo Mwami nekikombe kyamademone: si mu nyala kusanga ku mesa yo Mwami noku mesa yamademone. 22Naho ku kendekidza Mwami? Ku veye netsingulu kumuvita?
23Vindu vyosi vi veye vinyalika, navutswa si vi li vyosi vi konyanga. Vindu vyosi vi veye vinyalika navutswa si vi li vyosi vyombakanga. 24Navutswa mundu a tenya vivye navutswa vyowakye. 25Vyosi vi gulangwa mu kitu mu lie, mu ta teveridza kigira mwoyo; 26kigira lirova li veye lyo Mwami, nevindu vizula mu. 27Mundu u ta suuvira na a mu langa mu tsie kllihullea, ni mwenya kutsia, mu lie ki vikeywi imbiri wenyu, mu ta teveridza kigira mwoyo. 28Navutswa mundu na a mu volera, Inyama yiyi i lombeywi i ve kisyuviriru, mu ta lia mba, kigira uyu u vuuye, kandi kigira mwoyo: 29mbola mwoyo, si gu veye gugwo, navutswa gwowundi; kigira ki libohololwa lyange li kalagirwa nomwoyo gwowundi? 30Inze ni mba ni ntumekira netsimbabasi, kigira ki nyegerangwa ku yiki kya nsantidzira? 31Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye. 32Mu ta leta likigitala ku Vayuda kinga ku Vagreki, kinga ku livugana lya Nyasaye: 33ga ve kuli inze nyanzidza avandu vosi ku vindu vyosi, ni mbula kwenya vyambeti vyange mwene, navutswa vyambeti vyavanyingi, va.
Currently Selected:
1 Vakorintho 10: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
