1 Vakorintho 16
16
1Rangwa avatakatifu; kuli nda laga mavugano gosi ge Galatia, mwinye kandi mu kole ndiyo. 2Ku lidiku lyokutanga lisidza mundu sa mulala ku mwinye yivikire akiba kuli vya a nyola, li ta va livungidza lwa inze mwene nzidza. 3Kandi lwa nduka ku mwinye, nda tuma yava netsibaruwa ava mu li tovola, kuhila ubuhaani bwenyu kuduka Yerusalemi: 4kandi ni ga va ni ga ndukira kutsia, ku la tsia kwosi. 5Navutswa ndadza ku mwinye lwa ndi vita Makedonia; kigira nda vita Makedonia; 6mbula nda menya hakekeke ku mwinye, kinga nda menya nemwinye kuduka inyinga yobukindu i vite, mwinye mu mbereke ha ndi tsia. 7Kigira si nyenyi kulolana nemwinye mu lugendo mweng'ine; kigira nyenya kumenya nemwinye inyinga inkekeke, Mwami na a yanza. 8Navulswa nda menya Efeso kuduka lilia lya Pentekote; 9kigira nziguleywi muliango munene kandi gwokukonya, kandi va veye avasigu vanyingi.
10Navutswa Timoteo ni yadza, mu henze a ve ne mwinye bugira ubutii; kigira a kolanga miyinzi gyo Mwami, kuli inze nkolanga: 11kunangwa mundu kali mulala a ta mu lega. Navutswa mu mbereke nemirembe, yadze ku inze: kigira inze mu henzerera yadze halala navamitu. 12Navutswa ku makuva ga Apolo amitu wetu, nda mwenya ligali a tsie ku mwinye halala navamitu; navutswa si ya yanza ligali kuudza kalunu; navutswa a la kadze lwa a li va nobwiyangu.
13Mu linde, mu dinye mu lisuuvira mu ve avasatsa, mu ve avetsinguiu. 14Gosi ga mu kolanga ga kolwe nobuyanzi.
15Kalunu, avamitu, ngoonya mwinye (mu manye inyumba ya Stefano i veye ubuhya bwa Akaiya, kandi avene vivika kutumekira avatakatifu), 16mwinye kandi mwegehidze ku va veye ndi, kandi ku vosi avakonyanga mu miyinzi nokudidikana. 17Inze nyanza kigira liidza lya Stefano na Fortunato na Akayiko; kigira kya geha ku mwinye yava va dukidzi. 18Kigira va sosidza roho gwange negyenyu kandi: kunangwa mu bugirira ava veye ndi.
19Mavugano ga Asia va mu chelidza. Akula na Prisila va mu chelidza ligali mu Mwami, halala nelivugana li veye mu inyumba yavo. 20Avamitu vosi va mu chelidza. Mu chelidzane avene navene nelibusa litakatifu.
21Lichelidza lya inze Paulo nomukono gwange mwene. 22Ku vosi mundu na a ta yanza Mwami, a laamwe lwo Mwami a ladza. 23Tsimbabasi tsyo Mwami Yesu Kristo tsi ve nemwinve. 24Ubuyanzi bwange bu ve nemwinye vosi mu Kristo Yesu. Amini.
Currently Selected:
1 Vakorintho 16: MBE
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 1967
