OBUBALI 36
36
Obulaame bwabakhasi abatesibwa
1Ne abemeli bebilibwa bietsinyumba tsia Gileadi omwana Makiri wa Manase, abokhunyumba tsiabaana ba Yosefu, nibesunda ahembi nibabool'la imbeli wa Musa nende imbeli wabakhulundu yabo, abali abemeli bebilibwa biabaana ba Isiraeli; 2mbu “OMWAMI yakhulaka, Ibe omwami wefwe, okhuhelesia abandu ba Isiraeli esibala khulwa obulaame munjila yokhukhupa imbulu; khandi OMWAMI yakhulaka ibe mbu ohelesie abakhaana bomusiani wefwe Selofehadi obulaamebwe.#Obub. 27:7 3Ne nibaba nibakhateesibwa nabasiani betsinzibulo tsindi tsiabandu ba Isiraeli, kho obulaame bwabwe, bwakhahiinibwa mubulaame bwabakuka befwe, nibumeetwa khubulaame bwolwibulo tsana ahababa nibateesibwa nimbwo bulahinibwa mumukabwa kwobulame bwefwe. 4Ma olwomuhika kwamakhumi karano kwola, kho obulaame bwabwe bulameet'twa obulaame bwolwibulo tsana aha bateesibwa, ne nilwo olwobulaame bwabwe bulahiinibwa mubulaame bwolwibulo lwabakuka befwe.”
5Kho Musa nalaka abandu ba Isiraeli singa obweling'ana lio MWAMI liali mbu, “Abolwibulo lwa Manase babooye lili habwene. 6Elio MWAMI alaka khumang'ana kabakhaana ba Selofehadi ngakano; ‘Batekhele ababayanza; habula abeinzu yolwibulo lwa papa wabwe bonyene nibo ababakwanile okhutesania n'nabo.’ 7Nikali mbwo, kho obulaame bwosi bwabandu ba Isiraeli sibulahiinibungwa khulwibulo luno butsie khulwibulo lundi tawe; okhuba obulaame bwabandu ba Isiraeli bulatsilil'la okhuba mulwibulo lwabwe. 8Khandi buli mukhaana oba nali nobulaame mulwibulo lwosi lwabandu ba Isiraeli ateesibwe nomundu weinzu yolwibulo lulwe. Munjila iyi, buli mundu alanyoola obulaame abe nobulaame bwabakukabe, 9ne obulaame bwosi sibulahiinibungwa khulwibulo l'lala butsie khulwibulo lundi tawe. Buli olwibulo lwabandu ba Isiraeli lulatsilil'la okhubukula obulaame bwalwo olwene.”
10Ne singa OMWAMI yali nalachile Musa, nimbwo abakhaana ba Selofehadi bakhola; 11okhuba Mala, Tirisa, Hokila, Milika nende Noa abakhaana ba Selofehadi, bateesibwa nababotso babwe abelubeka wa papa wabwe. 12Batsia okhuteekha mubesilibwa sia Manase omusiani wa Yosefu, ne obulaame bwabwe bwasikala mulwibulo lweinyumba ya samwana wabwe.
13Kano niko amalako nende obukhalachi singa OMWAMI yalaka abandu ba Isiraeli okhubir'ra khu Musa nibali musipaapi sia Moabu ahembi na Yorodani musibala sia Yeriko.
Currently Selected:
OBUBALI 36: EBAIBO
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
