OKHURULA 35
35
Amalako kokhurumikhila khu Sabato
1Musa yalanga omukanda kwosi okwabandu ba Isiraeli ma nababool'la mbu, “Kano niko ako MWAMI alachile namukholenje: 2Muli namatukhu kasasaba akokhukhol'lamwo emilimo chienywe, nebutswa litukhu liakhane nakhataru libe litsienukhu, litukhu lioluyali eliokhuhuluukha eliahanwa khu ise, ouli OMWAMI. Omundu wosi owakhakhola omulimo kwosi litukhu yilio okhwola yerwe.#Okhur. 20:8-11; 23:12; 31:15; 34:21; Abal. 23:3; Okhuka. 5:12-14 3Kata murakhabwanakhwo omul'lo munyumba tsienywe litukhu lie Sabato tawe.”
Okhuhaana esihanwa sie Liheema Litsienukhu
(Okhur. 25:1-9)
4Musa nabool'la abandu bosi Abaisiraeli “Kano niko ako MWAMI alakanga mukhole: 5Muhaane omusango khu MWAMI. Omundu wosi owenyanga okhuhaana omusango akhoyele okhuleera esihanwa siefetsa, etsahabu nohomba omukasa; 6nende ingubo yekatani, eyabuluu, isembe nende obwoya obwakhanyu nende ingubo eyalombwa khubwoya bweimbusi, 7liseelo lielikondi elienikhwa murangi inzakhanyu, liseelo lisiyikhu; emisaala chiomuruba. 8Amafura kokhutsukha mutsitaya, ebihunyanga bulahi khulwo khureebwa mumafura kokhubakha ebielwa bia Nyasaye, nende okhureebwa mubwali obuhunyanga bulahi; 9khandi amachina keshohamu okhureebwa khu kanzu nende ingubo yo mukari yo Mwesaalisi Omukhongo.
Ebindu bie Liheema liokhubaho khwo MWAMI
(Okhur. 39:32-43)
10“Abatiyi bosi abasitsa mu inywe betse balombe siesindu siosi esio MWAMI yalaka silombwe. 11Balombe Liheema, esiokhulifuunikha nende esiofuunikhakhwo ikulu, tsingaka tsialio nende ebikhongo. 12Lisanduku lie Indakano, emisaala chialio, esifuunikho sialio nende etsipasia tsiokhulisinga; 13emesa, nende emisaala chiayo nende ebindu biayo biosi; emikaati echihanwanga khu Nyasaye; 14Esihani sietsitaya khulwobulafu nende ebirumikhilo biakhwo; etsitaya namafura katsio; 15olusambwa lwokhusamba obwali nende emisaala chiokhuluchinga, amafura kokhubakha esielwa sia Nyasaye, nende obwali obuhunyanga bulahi; epasia yomubwinjil'lo bwe Liheema: 16Olusambwa lwokhusambilakhwo emisango nende etsising'eng'e tsialwo tsiomukasa, emisaala chiokhuluchinga nende biosi ebirumikhangakhwo, ebeseni yokhwesaabilakhwo nende esierenjekhwangakhwo; 17etsipasia tsiokhusinga Liheema, ebikhongo biatsio nende epasia tsio mubwinjil'lo bwomulukaka lwe Liheema, 18ebibambo nende emikoye tsie Liheema nende ebiokhusira Liheema; 19nende tsingubo tsieing'ono indahi etsiabesaalisi okhwebikha olwa baba nibarumikhanga Habundu Hatsienukhu, tsingubo tsinzienukhu tsiomwesaalisi Haruni nende etsia basiani baabe.”
Abandu baleera ebihanwa biabwe
20Kho Abaisiraeli bosi barula ha Musa yali nali, 21ne buli mundu wosi owali nobunaayi okhuhaana esihanwa khu MWAMI khulwo khwombokhela Liheema liokhubaho khwo MWAMI yakhola mbwo. Baleera buli sindu siosi esienyekha khulwokhwekayakaya nende esiokhulomba tsingubo tsiabesaalisi. 22Buli musaatsa nohomba omukhasi owenya khuleera ebindu yibio, yaleera ebindu biokhung'onia singa ebikwasi, ebimili bio mumarwi, tsingaka, ebiyuma biomumakosi nende ebindu bindi biosi ebialombwa khutsahabu nibabihaana khu MWAMI. 23Omundu wosi owali neingubo yekatani, eyabuluu, isembe nohomba obwoya obwakhanyu, ingubo eyalombwa khubwoya bweimbusi; liseelo lielikondi elienikhwa murangi inzakhanyu; nohomba liseelo lisiyikhu, yali okhuleera. 24Yabo bosi abali abanyala khuhaana etsahabu nohomba omukasa baleera ebihanwa biabwe khu MWAMI, khandi yabo abali nemisaala chiemisisia echinyala okhurumikha khubutiyi baleera. 25Abakhasi abasitsa mubunabi baleera obuusi bwekatani isiyikhu, obuusi bwabuluu, obusembe nende obwakhanyu obwa bali nibalombele. 26Khandi balomba obuusi okhurula khubwoya bwetsimbusi. 27Abemeli baleera amachina keshohamu obukali nikali mutsirangi tsiabukhan'ne khulwo okhureebwa khungubo ya efoti nende khusichengwa. 28Khandi baleera ebindu bietaya nende amafura ketsitaya nende amafura kokhubakha ebielwa bia Nyasaye nende obwali obuhunyanga bulahi. 29Abandu bosi Abaisiraeli abali nokhunaaya khwokhuhaana, baleera ebihanwa biabwe khu MWAMI khulwo omulimo kwo MWAMI yali nalachile Musa akukhole.
Abasitsa bokhwombokha Liheema liokhubaho khwo MWAMI
(Okhur. 31:1-11)
30Musa nabool'la Abaisiraeli MBU, “OMWAMI wel'le Basaleli, Omusiani wa Uri ouli omwitsukhulu wa Huri okhurula mulwibulo lwa Yuda. 31OMWAMI umwitsusisie nobunyali bubwe, ma umuheye obusitsa, obuchesi nende okhumanyilisia kosi akakhenye kekhole, 32khulwo okhuloosia amang'oole kobusitsa ma okhulombamwo ebindu biefetsa, etsahabu nende emikasa; 33khulwo okhubaatsa amachina keshohamu kokhwombokha; nende okhubaatsa tsimbao nende omulimo kundi kwosi okwakhenya obusitsa. 34OMWAMI umal'le okhuhelesia Basaleli halala nende Oholiabu omusaini wa Abisamachi okhurula mulwibulo lwa Dani, obuchesi bwokhwechia obusitsa bwabwe khubandi. 35OMWAMI ubaheye obusitsa obwemilimo chiosi echieletanga khububaatsi; obungooli nende obunabi bwekatani isiyikhu, eyabuluu, isembe, inzakhanyu neingubo yindi yosi. Basaleli nende Oholiabu banyala khukhola emilimo chiosi khandi nabangooli abalahi.
Currently Selected:
OKHURULA 35: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 35
35
Amalako kokhurumikhila khu Sabato
1Musa yalanga omukanda kwosi okwabandu ba Isiraeli ma nababool'la mbu, “Kano niko ako MWAMI alachile namukholenje: 2Muli namatukhu kasasaba akokhukhol'lamwo emilimo chienywe, nebutswa litukhu liakhane nakhataru libe litsienukhu, litukhu lioluyali eliokhuhuluukha eliahanwa khu ise, ouli OMWAMI. Omundu wosi owakhakhola omulimo kwosi litukhu yilio okhwola yerwe.#Okhur. 20:8-11; 23:12; 31:15; 34:21; Abal. 23:3; Okhuka. 5:12-14 3Kata murakhabwanakhwo omul'lo munyumba tsienywe litukhu lie Sabato tawe.”
Okhuhaana esihanwa sie Liheema Litsienukhu
(Okhur. 25:1-9)
4Musa nabool'la abandu bosi Abaisiraeli “Kano niko ako MWAMI alakanga mukhole: 5Muhaane omusango khu MWAMI. Omundu wosi owenyanga okhuhaana omusango akhoyele okhuleera esihanwa siefetsa, etsahabu nohomba omukasa; 6nende ingubo yekatani, eyabuluu, isembe nende obwoya obwakhanyu nende ingubo eyalombwa khubwoya bweimbusi, 7liseelo lielikondi elienikhwa murangi inzakhanyu, liseelo lisiyikhu; emisaala chiomuruba. 8Amafura kokhutsukha mutsitaya, ebihunyanga bulahi khulwo khureebwa mumafura kokhubakha ebielwa bia Nyasaye, nende okhureebwa mubwali obuhunyanga bulahi; 9khandi amachina keshohamu okhureebwa khu kanzu nende ingubo yo mukari yo Mwesaalisi Omukhongo.
Ebindu bie Liheema liokhubaho khwo MWAMI
(Okhur. 39:32-43)
10“Abatiyi bosi abasitsa mu inywe betse balombe siesindu siosi esio MWAMI yalaka silombwe. 11Balombe Liheema, esiokhulifuunikha nende esiofuunikhakhwo ikulu, tsingaka tsialio nende ebikhongo. 12Lisanduku lie Indakano, emisaala chialio, esifuunikho sialio nende etsipasia tsiokhulisinga; 13emesa, nende emisaala chiayo nende ebindu biayo biosi; emikaati echihanwanga khu Nyasaye; 14Esihani sietsitaya khulwobulafu nende ebirumikhilo biakhwo; etsitaya namafura katsio; 15olusambwa lwokhusamba obwali nende emisaala chiokhuluchinga, amafura kokhubakha esielwa sia Nyasaye, nende obwali obuhunyanga bulahi; epasia yomubwinjil'lo bwe Liheema: 16Olusambwa lwokhusambilakhwo emisango nende etsising'eng'e tsialwo tsiomukasa, emisaala chiokhuluchinga nende biosi ebirumikhangakhwo, ebeseni yokhwesaabilakhwo nende esierenjekhwangakhwo; 17etsipasia tsiokhusinga Liheema, ebikhongo biatsio nende epasia tsio mubwinjil'lo bwomulukaka lwe Liheema, 18ebibambo nende emikoye tsie Liheema nende ebiokhusira Liheema; 19nende tsingubo tsieing'ono indahi etsiabesaalisi okhwebikha olwa baba nibarumikhanga Habundu Hatsienukhu, tsingubo tsinzienukhu tsiomwesaalisi Haruni nende etsia basiani baabe.”
Abandu baleera ebihanwa biabwe
20Kho Abaisiraeli bosi barula ha Musa yali nali, 21ne buli mundu wosi owali nobunaayi okhuhaana esihanwa khu MWAMI khulwo khwombokhela Liheema liokhubaho khwo MWAMI yakhola mbwo. Baleera buli sindu siosi esienyekha khulwokhwekayakaya nende esiokhulomba tsingubo tsiabesaalisi. 22Buli musaatsa nohomba omukhasi owenya khuleera ebindu yibio, yaleera ebindu biokhung'onia singa ebikwasi, ebimili bio mumarwi, tsingaka, ebiyuma biomumakosi nende ebindu bindi biosi ebialombwa khutsahabu nibabihaana khu MWAMI. 23Omundu wosi owali neingubo yekatani, eyabuluu, isembe nohomba obwoya obwakhanyu, ingubo eyalombwa khubwoya bweimbusi; liseelo lielikondi elienikhwa murangi inzakhanyu; nohomba liseelo lisiyikhu, yali okhuleera. 24Yabo bosi abali abanyala khuhaana etsahabu nohomba omukasa baleera ebihanwa biabwe khu MWAMI, khandi yabo abali nemisaala chiemisisia echinyala okhurumikha khubutiyi baleera. 25Abakhasi abasitsa mubunabi baleera obuusi bwekatani isiyikhu, obuusi bwabuluu, obusembe nende obwakhanyu obwa bali nibalombele. 26Khandi balomba obuusi okhurula khubwoya bwetsimbusi. 27Abemeli baleera amachina keshohamu obukali nikali mutsirangi tsiabukhan'ne khulwo okhureebwa khungubo ya efoti nende khusichengwa. 28Khandi baleera ebindu bietaya nende amafura ketsitaya nende amafura kokhubakha ebielwa bia Nyasaye nende obwali obuhunyanga bulahi. 29Abandu bosi Abaisiraeli abali nokhunaaya khwokhuhaana, baleera ebihanwa biabwe khu MWAMI khulwo omulimo kwo MWAMI yali nalachile Musa akukhole.
Abasitsa bokhwombokha Liheema liokhubaho khwo MWAMI
(Okhur. 31:1-11)
30Musa nabool'la Abaisiraeli MBU, “OMWAMI wel'le Basaleli, Omusiani wa Uri ouli omwitsukhulu wa Huri okhurula mulwibulo lwa Yuda. 31OMWAMI umwitsusisie nobunyali bubwe, ma umuheye obusitsa, obuchesi nende okhumanyilisia kosi akakhenye kekhole, 32khulwo okhuloosia amang'oole kobusitsa ma okhulombamwo ebindu biefetsa, etsahabu nende emikasa; 33khulwo okhubaatsa amachina keshohamu kokhwombokha; nende okhubaatsa tsimbao nende omulimo kundi kwosi okwakhenya obusitsa. 34OMWAMI umal'le okhuhelesia Basaleli halala nende Oholiabu omusaini wa Abisamachi okhurula mulwibulo lwa Dani, obuchesi bwokhwechia obusitsa bwabwe khubandi. 35OMWAMI ubaheye obusitsa obwemilimo chiosi echieletanga khububaatsi; obungooli nende obunabi bwekatani isiyikhu, eyabuluu, isembe, inzakhanyu neingubo yindi yosi. Basaleli nende Oholiabu banyala khukhola emilimo chiosi khandi nabangooli abalahi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019