OKHURULA 34
34
Amachina amapapale kalombwa olwakhabili
(Okhuka. 10:1-5)
1OMWAMI yabool'la Musa mbu, “Khalaka amachina amapapale kabili singa akali kokhuranga ma nzia okhuhandika khumachina amapapale yako amang'ana kandahandika khukokhuranga akawali okhwaraka. 2Werechekhe mukamba tsuli okhutsia khusikulu sia Sinai habutenje ha nobukaane n'nase. 3Abulaho omundu wosi wanotsie n'naye khusikulu; omundu arakhalolekhakhwo habundu hosi khusikulu tawe; kata amakondi nohomba tsing'ombe tsirakhayakhwo khundulo khwesikulu tawe.” 4Kho Musa nakhalaka amachina kandi amapapale ne mukamba tsuli kwelitukhu lialondakhwo, yabukula amachina ma niyanikila khusikulu sia Sinai singa obwo MWAMI yali namulachile.
5OMWAMI yekha hasi nali mwilumbesi, ma nasinjila ha Musa yali nali ma naribula eliira lilie lietsienukhu, elili Nyasaye. 6Ma OMWAMI nabira imbeli wa Musa ma naboola mbu, “Ise, OMWAMI, ndi Nyasaye wetsula nende tsimbabasi nesirenda, orahambwanga nelileko bwangu tawe, omanyianga obuyanzi nende obusubilwa.#Okhur. 20:5-6; Obub. 14:18; Okhuka. 5:9-10; 7:9-10 7Mbesianga lisubisio lianje khutsinzibulo tsinyinji, ma mbalekhela amabi kabwe halala netsimbi tsiabwe, nebutswa sindakhalekhe okhuhaana esinyasio khubaana nohomba abetsukhulu okhwola khulwibulo lwa khataru nende olwakhane khulwe tsimbi tsiabebuli babwe tawe.”
8Musa yenama bwangu hasi khulwokhwekayakaya OMWAMI. 9Musa naboola, “OMWAMI nikali uyanzisiibwe n'nase, khureebanga noyanza otsie n'nefwe. Abandu yaba nabemioyo emitinyu, kho okhulekhele amabi kefwe halala netsimbi tsiefwe ma okhuhuchil'le khube abandu baabo.”
Okhutsienulwa khwe Indakano
(Okhur. 23:14-19; Okhuka. 7:1-5; 16:1-17)
10OMWAMI yabool'la Musa mbu, “Luno nzia okhulomba Indakano nende abandu ba Isiraeli. Imbeli wabwe nakhole ebindu ebikali ebiasili okhukholakhwo habundu hosi musibala mubandu betsimbia. Abandu bosi beetsa okhulola ebindu biosi ebikali ebie Ise OMWAMI nyala okhukhola sichila nzia okhumukhol'la esindu siokhurisia. 11Mulonde amalako kanzitsanga okhumuhelesia olwaleelo. Nakhunge Abaamori Abakanaani, Abahiti, Abaperisi, Abahiwi nende Abayebusi imbeli wa musili okhwola khubo. 12Murakhalombakhwo indakano nende abandu bomusibala esia namutsiemwo tawe sichila lino linyala okhuba lireko liibi khwinywe. 13Musilenje yisio, musambule tsisambwa tsiabwe, mufunake etsisiilo tsiachio tsinzienukhu, ma muremake ebiniini bia Ashera ouli nyasaye wabwe omukhasi.#Okhuka. 16:21
14“Murakhekayakayakhwo nyasaye undi wosi tawe, sichila Ise OMWAMI sindi onyala okhwefwila nyasaye undi wosi tawe. 15Murakhalomba emuma yosi nende abandu bomusibala yisio tawe, sichila olwa bekayakaya emisambwa khandi nibahaana omusango khubanyasaye babwe, nabamulange okhusanga n'nabo, ne mwakhonyonywa okhulia khubiakhulia biabahaananga omusango khubanyasaye babwe. 16Abasiani benywe bakhetsukhila nibateesia abakhaana bomusibala imwo. Abakhaana yabo bakhabahinia khu Ise, ma bekayakaye abanyasaye bemisambwa.
17“Murakhalombakhwo nohomba okhwekayakaya abanyasaye abalombwa khubimili tawe.#Okhur. 20:4; Abal. 19:4; Okhuka. 5:8; 27:15
18“Mwitsul'lenje okhukhola Lisabo lio Mukaati okuralimwo Amamela singa obwa ndamulaka mulie omukaati okuralimwo amamela khulwa amatukhu kane nakataru mumwesi kwa Abibu sichila kwali mumwesi yikwo olwa mwarula Emisiri.#Okhur. 12:14-20; Abal. 23:6-8; Obub. 28:16-25
19“Omwana omusaini wosi owambeli okhwibulwa khandi esibulwa siambeli siosi es'saatsa siemiruko nebianje,#Okhur. 13:2 20nebutswa okhwola mununule esibulwa siosi esiokhuranga esiepunda khulwokhuhaana omusango kwesimeme sielikondi mubukono bwasio. Norasinunula tawe, ofunake likosi liayo. Omusiani wosi owokhuranga okhwibulwa mumununule.
“Abulaho onyala okhwitsa imbeli wanje sila okhuhaana omusango.#Okhur. 13:13
21“Inywe muli namatukhu kasasaba akokhutiyilamwo emilimo, nebutswa murakhola emilimo litukhu liakhane nakhataru tawe kata nikali amatukhu kokhulima nohomba akokhuchesa.#Okhur. 20:9-10; 23:12; 31:15; 35:2; Abal. 23:3; Okhuka. 5:13-14
22“Mwitsul'lenje okhukhola Lisabo lie Lichesa olwa muchiakanga okhuchesa ingano yokhuranga khandi mwitsul'le Lisabo lia Mahindu nimumalilanga omuhika olwa muchesanga amatunde.#Abal. 23:15-21,39-43; Obub. 28:26-31
23“Hali khataru khumuhika abasaatsa benywe okhwola betse okhundekayakaya ise OMWAMI Nyasaye wa Isiraeli. 24Nimal'le okhutabia abetsinzibulo nenywe nimusili okhubambula esibala sienywe, abulaho omundu wosi owakhateema okhuleka esibala sienywe hakari hamasabo kenywe kataru yaka.
25“Murakhahaanakhwo omukaati okulimwo amamela olwa muhaananga omusango kwomuruko khu Ise tawe. Murakhabikhakhwo esitonye sieinyama yomuruko okwir'rwe Khwisabo lie Pasaka okhwola mukamba kulondakhwo tawe.#Okhur. 12:10
26“Buli muhika muleerenje munyumba yo MWAMI Nyasaye wenywe obuswache obwamuranganga okhuchesa.
“Murakhatekhelakhwo esimeme sielikondi nohomba esieimbusi mumabeele kanyina wasio tawe.”#Okhuka. 24:21; 26:2
27OMWAMI nabool'la Musa mbu, “Handika, amang'ana yaka hasi, musitapu sichila amang'ana yaka niko akachilanga ninomba Indakano yanje n'nawe nende Isiraeli.” 28Musa yamenya khusikulu nende OMWAMI khulwa amatukhu amakhumi kane om'basu nobutukhu, naralitsangakhwo esindu siosi khandi naranywetsanga amaatsi tawe. OMWAMI nahandika khumachina amapapale amang'ana ke Indakano mbu, Amalako Likhumi.
Musa yeekha okhurula khusikulu sia Sinai
29Olwa Musa yekha okhurula khusikulu sia Sinai nachingile Amalako Likhumi, obweni bubwe bwali nibwakhanga obulafu sichila yali niyakhal'lomanga nende OMWAMI; nebutswa Musa siamanyakhwo mbu obweni bubwe bwali nibwakhanga tawe.#2 Kor. 3:7-16 30Haruni nende abandu bosi bahenga Musa ne nibalola obweni bubwe bwali nibwakhanga, ma nibaba noburi okhwesunda ahembi khuye. 31Nebutswa Musa yabalanga, ne Haruni halala nabemeli ba Baisiraeli batsia aha Musa yali nali ma Musa nal'loma khubo. 32Olunyuma Abaisiraeli bosi bebunjikha aha Musa yali nali ma Musa nabahelesia amalako kosi ako MWAMI yali namuhelesisie nali khusikulu sia Sinai. 33Olwa Musa yali niyakhamala okhul'loma khubo, yafuunikha obweni bubwe ne ingubo. 34Lwosi olwa Musa yatsitsanga Mwiheema liokhubaho khwo MWAMI okhul'loma no MWAMI, yahinianga ingubo khubweni bubwe. Olwa yarulanga esioba we Liheema, yabool'langa abandu ba Isiraeli kosi ako MWAMI yali nalachile ababool'le, 35ne balolanga obweni bubwe nibwakhanga. Ma yefuunikha ingubo mubweni okhwola olwa alikalukha okhul'loma nende OMWAMI.
Currently Selected:
OKHURULA 34: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 34
34
Amachina amapapale kalombwa olwakhabili
(Okhuka. 10:1-5)
1OMWAMI yabool'la Musa mbu, “Khalaka amachina amapapale kabili singa akali kokhuranga ma nzia okhuhandika khumachina amapapale yako amang'ana kandahandika khukokhuranga akawali okhwaraka. 2Werechekhe mukamba tsuli okhutsia khusikulu sia Sinai habutenje ha nobukaane n'nase. 3Abulaho omundu wosi wanotsie n'naye khusikulu; omundu arakhalolekhakhwo habundu hosi khusikulu tawe; kata amakondi nohomba tsing'ombe tsirakhayakhwo khundulo khwesikulu tawe.” 4Kho Musa nakhalaka amachina kandi amapapale ne mukamba tsuli kwelitukhu lialondakhwo, yabukula amachina ma niyanikila khusikulu sia Sinai singa obwo MWAMI yali namulachile.
5OMWAMI yekha hasi nali mwilumbesi, ma nasinjila ha Musa yali nali ma naribula eliira lilie lietsienukhu, elili Nyasaye. 6Ma OMWAMI nabira imbeli wa Musa ma naboola mbu, “Ise, OMWAMI, ndi Nyasaye wetsula nende tsimbabasi nesirenda, orahambwanga nelileko bwangu tawe, omanyianga obuyanzi nende obusubilwa.#Okhur. 20:5-6; Obub. 14:18; Okhuka. 5:9-10; 7:9-10 7Mbesianga lisubisio lianje khutsinzibulo tsinyinji, ma mbalekhela amabi kabwe halala netsimbi tsiabwe, nebutswa sindakhalekhe okhuhaana esinyasio khubaana nohomba abetsukhulu okhwola khulwibulo lwa khataru nende olwakhane khulwe tsimbi tsiabebuli babwe tawe.”
8Musa yenama bwangu hasi khulwokhwekayakaya OMWAMI. 9Musa naboola, “OMWAMI nikali uyanzisiibwe n'nase, khureebanga noyanza otsie n'nefwe. Abandu yaba nabemioyo emitinyu, kho okhulekhele amabi kefwe halala netsimbi tsiefwe ma okhuhuchil'le khube abandu baabo.”
Okhutsienulwa khwe Indakano
(Okhur. 23:14-19; Okhuka. 7:1-5; 16:1-17)
10OMWAMI yabool'la Musa mbu, “Luno nzia okhulomba Indakano nende abandu ba Isiraeli. Imbeli wabwe nakhole ebindu ebikali ebiasili okhukholakhwo habundu hosi musibala mubandu betsimbia. Abandu bosi beetsa okhulola ebindu biosi ebikali ebie Ise OMWAMI nyala okhukhola sichila nzia okhumukhol'la esindu siokhurisia. 11Mulonde amalako kanzitsanga okhumuhelesia olwaleelo. Nakhunge Abaamori Abakanaani, Abahiti, Abaperisi, Abahiwi nende Abayebusi imbeli wa musili okhwola khubo. 12Murakhalombakhwo indakano nende abandu bomusibala esia namutsiemwo tawe sichila lino linyala okhuba lireko liibi khwinywe. 13Musilenje yisio, musambule tsisambwa tsiabwe, mufunake etsisiilo tsiachio tsinzienukhu, ma muremake ebiniini bia Ashera ouli nyasaye wabwe omukhasi.#Okhuka. 16:21
14“Murakhekayakayakhwo nyasaye undi wosi tawe, sichila Ise OMWAMI sindi onyala okhwefwila nyasaye undi wosi tawe. 15Murakhalomba emuma yosi nende abandu bomusibala yisio tawe, sichila olwa bekayakaya emisambwa khandi nibahaana omusango khubanyasaye babwe, nabamulange okhusanga n'nabo, ne mwakhonyonywa okhulia khubiakhulia biabahaananga omusango khubanyasaye babwe. 16Abasiani benywe bakhetsukhila nibateesia abakhaana bomusibala imwo. Abakhaana yabo bakhabahinia khu Ise, ma bekayakaye abanyasaye bemisambwa.
17“Murakhalombakhwo nohomba okhwekayakaya abanyasaye abalombwa khubimili tawe.#Okhur. 20:4; Abal. 19:4; Okhuka. 5:8; 27:15
18“Mwitsul'lenje okhukhola Lisabo lio Mukaati okuralimwo Amamela singa obwa ndamulaka mulie omukaati okuralimwo amamela khulwa amatukhu kane nakataru mumwesi kwa Abibu sichila kwali mumwesi yikwo olwa mwarula Emisiri.#Okhur. 12:14-20; Abal. 23:6-8; Obub. 28:16-25
19“Omwana omusaini wosi owambeli okhwibulwa khandi esibulwa siambeli siosi es'saatsa siemiruko nebianje,#Okhur. 13:2 20nebutswa okhwola mununule esibulwa siosi esiokhuranga esiepunda khulwokhuhaana omusango kwesimeme sielikondi mubukono bwasio. Norasinunula tawe, ofunake likosi liayo. Omusiani wosi owokhuranga okhwibulwa mumununule.
“Abulaho onyala okhwitsa imbeli wanje sila okhuhaana omusango.#Okhur. 13:13
21“Inywe muli namatukhu kasasaba akokhutiyilamwo emilimo, nebutswa murakhola emilimo litukhu liakhane nakhataru tawe kata nikali amatukhu kokhulima nohomba akokhuchesa.#Okhur. 20:9-10; 23:12; 31:15; 35:2; Abal. 23:3; Okhuka. 5:13-14
22“Mwitsul'lenje okhukhola Lisabo lie Lichesa olwa muchiakanga okhuchesa ingano yokhuranga khandi mwitsul'le Lisabo lia Mahindu nimumalilanga omuhika olwa muchesanga amatunde.#Abal. 23:15-21,39-43; Obub. 28:26-31
23“Hali khataru khumuhika abasaatsa benywe okhwola betse okhundekayakaya ise OMWAMI Nyasaye wa Isiraeli. 24Nimal'le okhutabia abetsinzibulo nenywe nimusili okhubambula esibala sienywe, abulaho omundu wosi owakhateema okhuleka esibala sienywe hakari hamasabo kenywe kataru yaka.
25“Murakhahaanakhwo omukaati okulimwo amamela olwa muhaananga omusango kwomuruko khu Ise tawe. Murakhabikhakhwo esitonye sieinyama yomuruko okwir'rwe Khwisabo lie Pasaka okhwola mukamba kulondakhwo tawe.#Okhur. 12:10
26“Buli muhika muleerenje munyumba yo MWAMI Nyasaye wenywe obuswache obwamuranganga okhuchesa.
“Murakhatekhelakhwo esimeme sielikondi nohomba esieimbusi mumabeele kanyina wasio tawe.”#Okhuka. 24:21; 26:2
27OMWAMI nabool'la Musa mbu, “Handika, amang'ana yaka hasi, musitapu sichila amang'ana yaka niko akachilanga ninomba Indakano yanje n'nawe nende Isiraeli.” 28Musa yamenya khusikulu nende OMWAMI khulwa amatukhu amakhumi kane om'basu nobutukhu, naralitsangakhwo esindu siosi khandi naranywetsanga amaatsi tawe. OMWAMI nahandika khumachina amapapale amang'ana ke Indakano mbu, Amalako Likhumi.
Musa yeekha okhurula khusikulu sia Sinai
29Olwa Musa yekha okhurula khusikulu sia Sinai nachingile Amalako Likhumi, obweni bubwe bwali nibwakhanga obulafu sichila yali niyakhal'lomanga nende OMWAMI; nebutswa Musa siamanyakhwo mbu obweni bubwe bwali nibwakhanga tawe.#2 Kor. 3:7-16 30Haruni nende abandu bosi bahenga Musa ne nibalola obweni bubwe bwali nibwakhanga, ma nibaba noburi okhwesunda ahembi khuye. 31Nebutswa Musa yabalanga, ne Haruni halala nabemeli ba Baisiraeli batsia aha Musa yali nali ma Musa nal'loma khubo. 32Olunyuma Abaisiraeli bosi bebunjikha aha Musa yali nali ma Musa nabahelesia amalako kosi ako MWAMI yali namuhelesisie nali khusikulu sia Sinai. 33Olwa Musa yali niyakhamala okhul'loma khubo, yafuunikha obweni bubwe ne ingubo. 34Lwosi olwa Musa yatsitsanga Mwiheema liokhubaho khwo MWAMI okhul'loma no MWAMI, yahinianga ingubo khubweni bubwe. Olwa yarulanga esioba we Liheema, yabool'langa abandu ba Isiraeli kosi ako MWAMI yali nalachile ababool'le, 35ne balolanga obweni bubwe nibwakhanga. Ma yefuunikha ingubo mubweni okhwola olwa alikalukha okhul'loma nende OMWAMI.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019