OKHURULA 36
36
1“Besaleli, Oholiabu, nende abasitsa bandi bosi abemilimo chiamakhono abo MWAMI yali naheye obuchesi nende okhumanyilisia, abamanyile obwokhulomba ebindu biosi ebienyekhanga mukhwombokha khwe Liheema litsienukhu, bakhoya bombokhe okhulondokhana nende lilako elio MWAMI yali nahan'ne.”
Abandu baleera ebihanwa ebinji
2Musa yalanga Besaleli, Oholiabu nende abasitsa bandi bosi abo MWAMI yali naheye obuchesi khandi abali nesinani sikhukhonyel'la omulimo, ma Musa nababool'la bachiake okhukhola omulimo. 3Babukula ebihanwa biosi ebia Abaisiraeli bali nibaleer're khulwokhwombokha Liheema litsineukhu. Nebutswa abandu ba Isiraeli batsilil'la okhuleer'ranga Musa ebihanwa biemisango buli mukamba. 4Ma abasitsa yabo abali nibambokhanga nibatsia 5khu Musa nibamubool'la mbu, “Abandu baleeranga ebindu ebiyomba esichelo khulwomulimo kwo MWAMI alachile mbu kukholwe.”
6Kho Musa yaruma lilako mubandu bosi mukambi mbu omundu wosi aratsilil'la okhuhaana ebihanwa khulwe Liheema litsienukhu tawe; kho abandi sibaleera ebihanwa khandi tawe. 7Ebiali nibimal'le okhuleerwa biali ebinji okhubira esichelo khumulimo kwosi okwenyekhanga kukholwe.
Okhulomba Liheema liokhubaho khwo MWAMI
(Okhur. 26:1-37)
8Abandu bobusitsa obwinji mubakholi bemilimo yabo nibo abombokha Liheema liokhubaho khwo MWAMI. Balilomba okhurula mubitonye likhumi biekatani isiyikhu etsokan'nemwo obuusi bwabuluu, obusembe nende obwakhanyu ma enabiywekhwo ebilombe bietsimbaha. 9Ebitonye biosi biali ebihelanu, mbu tsimita likhumi natsibili oburambi ne obuchiikha etsimiita tsibili. 10Banaba birano khubio halala okhuba esitonye silala khandi nibanaba ebindi birano halala. 11Balombe ebifuuli biemiluhu tsie ingubo yabuluu khundulo khwesitonye silala khubuli birano nibili halala. 12Babikha ebifuuli amakhumi karano khungubo inzelesia eyokhuranga khandi nibalomba ebindi amakhumi karano khungubo yakhabili. 13Balomba ebifuuli biefetsa amakhumi karano ebiokhurumikhila okhuhongania halala tsingubo tsibili yitsio okhuba ingubo ndala.
14Ma nibalomba esifuunikho sie Liheema okhurula khubitonye likhumi nasilala ebieingubo eyanabwa khubwoya bweimbusi. 15Babihelania biosi okhuba noburambi bwetsimita likhumi natsitaru ne obuchiikha etsimiita tsibili. 16Banaba ebitonye birano bietsingubo khubwabio ne ebindi bisasaba khubwabio. 17Balomba ebifuuli biemiluhu amakhumi karano khundulo khwesitonye siekhumal'likha khubitonye biokhuranga birano ne ebifuuli bindi amakhumi karano khundulo khwesitonye siokhumal'likha mubitonye bindi bisasaba. 18Balomba ebifuuli biemiluhu amakhumi karano chiomukasa okhuhongania ebitonye bibili yibio okhubikhola esifuunikho silala. 19Khandi balomba ebifuunikho bindi bibili, silala okhurula khwiselo liesimeme elienikhwa murangi inzakhanyu ne esindi okhurula khwiselo litubukhu, okhurumikha singa esifunikho sie ikulu.
20Balomba ebikhongo bie Liheema okhurula khumusaala kwomusisia. 21Esikhongo silala siali noburambi okhutsia ikulu obuhela etsimiita tsine ne obuchiikha bwali etsisentimita amakhumi kasasaba nachisasaba; 22ne chibe netsinzika tsibili etsimbelani kho ebikhongo yibio bionganibwe halala. Ebikhongo bie Liheema biosi biali netsinzika yitsi. 23Balomba ebikhongo amakhumi kabili biokhusinjisia Liheema elubeka lwenandete, 24nende ebikuru bietsahabu amakhumi kane khulwokhurebwa isi wesikhongo biosi, ebikuru bibili isi wabuli esikhongo okhuletel'la tsinzika. 25Balomba ebikhongo amakhumi kabili biokhusinjisia Liheema elubeka lwesinyolu 26nende ebikuru bietsahabu amakhumi kane, bibili isi wa buli esikhongo silala. 27Emukongo we Liheema khulubeka lwe Emasaba balombayo ebikhongo bisasaba 28nende ebikhongo bibili mutsikona. 29Ebikhongo biomutsikona yibi biahonganibwa okhurula hasi okhwola ikulu. Ebikhongo bibili ebialombanga etsikona tsibili bialondanibwa munjila yiyi. 30Kho khwaliho nebikhongo munane nende ebikuru bietsahabu likhumi nabisasaba, buli bibili ise wabuli esikhongo.
31Balomba chisimbo likhumi nende chirano okhurula khumisaala chiemisisia, chirano khubikhongo ebiali elubeka l'lala lwe Liheema, 32ne chirano khulubeka lundi, khandi chirano khulubeka lwemasaba, emukongo we Liheema. 33Olusimbo lwahakari, lwabukhania hakari webikhongo okhurula elubeka l'lala lwe Liheema okhwola khulubeka lundi. 34Bafuunikha ebikhongo yibio netsahabu ma nibatsiongania nende tsingaka tsietsahabu okhutiila tsisimbo, etsiali nitsifuunikhilwekhwo etsahabu.
35Balomba epasia yekatani isiyikhu, eyanabilwa obuusi bwabuluu, obusembe nende obwakhanyu ma niyanabilwakhwo ebilombe bietsimbaha. 36Balomba ebikhongo bibili okhurula khumusisia okhubohakhwo epasia, nibatsifunikhakhwo efetsa ma nibachiongania halala nebifuli biefetsa. Ma nibalomba ebikuru bine bietsahabu okhusinjisiamwo ebikhongo yibio. 37Mubwinjil'lo bwe Liheema baramwo epasia eyanabilwa obuusi bwabuluu, nobusembe nende obwakhanyu, eyang'oonibwa khulwokhunabilwakhwo amahwa. 38Khupasia tsana batsilombela ebikhongo birano ebilikhwo ebifuuli biemiluhu, echiafuunikhwa netsahabu ikulu nende hasi, ma nibalomba ebikuru biomukasa khulwe ebikhongo yibio:
Currently Selected:
OKHURULA 36: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 36
36
1“Besaleli, Oholiabu, nende abasitsa bandi bosi abemilimo chiamakhono abo MWAMI yali naheye obuchesi nende okhumanyilisia, abamanyile obwokhulomba ebindu biosi ebienyekhanga mukhwombokha khwe Liheema litsienukhu, bakhoya bombokhe okhulondokhana nende lilako elio MWAMI yali nahan'ne.”
Abandu baleera ebihanwa ebinji
2Musa yalanga Besaleli, Oholiabu nende abasitsa bandi bosi abo MWAMI yali naheye obuchesi khandi abali nesinani sikhukhonyel'la omulimo, ma Musa nababool'la bachiake okhukhola omulimo. 3Babukula ebihanwa biosi ebia Abaisiraeli bali nibaleer're khulwokhwombokha Liheema litsineukhu. Nebutswa abandu ba Isiraeli batsilil'la okhuleer'ranga Musa ebihanwa biemisango buli mukamba. 4Ma abasitsa yabo abali nibambokhanga nibatsia 5khu Musa nibamubool'la mbu, “Abandu baleeranga ebindu ebiyomba esichelo khulwomulimo kwo MWAMI alachile mbu kukholwe.”
6Kho Musa yaruma lilako mubandu bosi mukambi mbu omundu wosi aratsilil'la okhuhaana ebihanwa khulwe Liheema litsienukhu tawe; kho abandi sibaleera ebihanwa khandi tawe. 7Ebiali nibimal'le okhuleerwa biali ebinji okhubira esichelo khumulimo kwosi okwenyekhanga kukholwe.
Okhulomba Liheema liokhubaho khwo MWAMI
(Okhur. 26:1-37)
8Abandu bobusitsa obwinji mubakholi bemilimo yabo nibo abombokha Liheema liokhubaho khwo MWAMI. Balilomba okhurula mubitonye likhumi biekatani isiyikhu etsokan'nemwo obuusi bwabuluu, obusembe nende obwakhanyu ma enabiywekhwo ebilombe bietsimbaha. 9Ebitonye biosi biali ebihelanu, mbu tsimita likhumi natsibili oburambi ne obuchiikha etsimiita tsibili. 10Banaba birano khubio halala okhuba esitonye silala khandi nibanaba ebindi birano halala. 11Balombe ebifuuli biemiluhu tsie ingubo yabuluu khundulo khwesitonye silala khubuli birano nibili halala. 12Babikha ebifuuli amakhumi karano khungubo inzelesia eyokhuranga khandi nibalomba ebindi amakhumi karano khungubo yakhabili. 13Balomba ebifuuli biefetsa amakhumi karano ebiokhurumikhila okhuhongania halala tsingubo tsibili yitsio okhuba ingubo ndala.
14Ma nibalomba esifuunikho sie Liheema okhurula khubitonye likhumi nasilala ebieingubo eyanabwa khubwoya bweimbusi. 15Babihelania biosi okhuba noburambi bwetsimita likhumi natsitaru ne obuchiikha etsimiita tsibili. 16Banaba ebitonye birano bietsingubo khubwabio ne ebindi bisasaba khubwabio. 17Balomba ebifuuli biemiluhu amakhumi karano khundulo khwesitonye siekhumal'likha khubitonye biokhuranga birano ne ebifuuli bindi amakhumi karano khundulo khwesitonye siokhumal'likha mubitonye bindi bisasaba. 18Balomba ebifuuli biemiluhu amakhumi karano chiomukasa okhuhongania ebitonye bibili yibio okhubikhola esifuunikho silala. 19Khandi balomba ebifuunikho bindi bibili, silala okhurula khwiselo liesimeme elienikhwa murangi inzakhanyu ne esindi okhurula khwiselo litubukhu, okhurumikha singa esifunikho sie ikulu.
20Balomba ebikhongo bie Liheema okhurula khumusaala kwomusisia. 21Esikhongo silala siali noburambi okhutsia ikulu obuhela etsimiita tsine ne obuchiikha bwali etsisentimita amakhumi kasasaba nachisasaba; 22ne chibe netsinzika tsibili etsimbelani kho ebikhongo yibio bionganibwe halala. Ebikhongo bie Liheema biosi biali netsinzika yitsi. 23Balomba ebikhongo amakhumi kabili biokhusinjisia Liheema elubeka lwenandete, 24nende ebikuru bietsahabu amakhumi kane khulwokhurebwa isi wesikhongo biosi, ebikuru bibili isi wabuli esikhongo okhuletel'la tsinzika. 25Balomba ebikhongo amakhumi kabili biokhusinjisia Liheema elubeka lwesinyolu 26nende ebikuru bietsahabu amakhumi kane, bibili isi wa buli esikhongo silala. 27Emukongo we Liheema khulubeka lwe Emasaba balombayo ebikhongo bisasaba 28nende ebikhongo bibili mutsikona. 29Ebikhongo biomutsikona yibi biahonganibwa okhurula hasi okhwola ikulu. Ebikhongo bibili ebialombanga etsikona tsibili bialondanibwa munjila yiyi. 30Kho khwaliho nebikhongo munane nende ebikuru bietsahabu likhumi nabisasaba, buli bibili ise wabuli esikhongo.
31Balomba chisimbo likhumi nende chirano okhurula khumisaala chiemisisia, chirano khubikhongo ebiali elubeka l'lala lwe Liheema, 32ne chirano khulubeka lundi, khandi chirano khulubeka lwemasaba, emukongo we Liheema. 33Olusimbo lwahakari, lwabukhania hakari webikhongo okhurula elubeka l'lala lwe Liheema okhwola khulubeka lundi. 34Bafuunikha ebikhongo yibio netsahabu ma nibatsiongania nende tsingaka tsietsahabu okhutiila tsisimbo, etsiali nitsifuunikhilwekhwo etsahabu.
35Balomba epasia yekatani isiyikhu, eyanabilwa obuusi bwabuluu, obusembe nende obwakhanyu ma niyanabilwakhwo ebilombe bietsimbaha. 36Balomba ebikhongo bibili okhurula khumusisia okhubohakhwo epasia, nibatsifunikhakhwo efetsa ma nibachiongania halala nebifuli biefetsa. Ma nibalomba ebikuru bine bietsahabu okhusinjisiamwo ebikhongo yibio. 37Mubwinjil'lo bwe Liheema baramwo epasia eyanabilwa obuusi bwabuluu, nobusembe nende obwakhanyu, eyang'oonibwa khulwokhunabilwakhwo amahwa. 38Khupasia tsana batsilombela ebikhongo birano ebilikhwo ebifuuli biemiluhu, echiafuunikhwa netsahabu ikulu nende hasi, ma nibalomba ebikuru biomukasa khulwe ebikhongo yibio:
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019