OKHURULA 33
33
OMWAMI yalaka Isiraeli okhurula khusikulu sia Sinai
1OMWAMI yabool'la Musa mbu, “Rula habundu hano, ibe halala nende abandu bawahinia Emisiri, ma otsie musibala siandasubisia okhuhelesia Aburahamu, Isaka nende Yakobo halala nabolwibulo lwabwe.#Okhuch. 12:7; 26:3; 28:13 2Ise narume om'malaika khulwo khumwemel'la ne nakhunge Abakanaani, Abahiti, Abaperisi, Abahiwi nende Abayebusi okhurula musibala yisio. 3Mutsitsanga mwiloba lili nobunolu obwinji. Nebutswa sinzia n'nenywe tawe sichila muli abandu abarali abahulili ne haundi ndamumuma mwesi nimusili khuluchendo.”
4Olwabandu bahulila amang'ana yaka bachiaka okhwekhuula ma sibayebiikhakhwo ebimili khandi tawe. 5OMWAMI yali nalachile Musa okhubabool'la amang'ana yaka mbu, “Inywe muli abandu bemioyo emitinyu. Nindakhatsiye ninenywe, kata khulwe inyinga ndititi, khane ndakhamumuluye mwesi pe. Luno hinie ebimili biosi, ne ndalola elianyala okhumukhol'la.” 6Kho olwabandu barula khusikulu sia Sinai, Abaisiraeli sibayebiikhakhwo ebimili khandi tawe.
Liheema liokhubaho khwo MWAMI
7Lwosi olwabandu ba Isiraeli bakhupanga ekambi habundu, Musa yabukulanga Liheema litsienukhu ne aliombokha olurambukho luti okhurula khukambi. Liali okhulangwa Liheema liokhubaho khwo MWAMI ne uyo wosi owali niyenya obwibaali okhurula khu MWAMI yarulanga mukambi ma atsiamwo. 8Olwa Musa yatsitsanga Mwiheema, abandu basinjilanga mumiliango tsiamaheema kabwe ne bahenga Musa okhwola olwa yenjila Mwiheema. 9Olwa Musa yali niyenjiye Mwiheema esiilo yelilumbesi yeekha okhurula mwikulu ma eba hamuliangokwe Liheema, ne OMWAMI yal'lomanga khu Musa okhurula mwilumbesi yilio. 10Khubwangu bwabandu balolanga esiilo yelilumbesi yilio hamuliangokwe Liheema balisikamilanga. 11OMWAMI yal'lomanga khu Musa moni namoni, singa obwomundu al'lomanga khumulinawe. Ma Musa akalukha mukambi. Nebutswa, Omusiani omubuukha owali omukhonyel'li uwe, Yoshwa omusiani wa Nuni yasikalanga Mwiheema.
OMWAMI yasubisia okhuba nabandu baabe
12Musa yabool'la OMWAMI mbu, “Lola ibe umbooleye nyemel'le abandu yaba okhurula Emisiri okhutsia musibala siawabahelesia nebutswa siwaimbool'la niwina owakhutsia n'naye tawe. Ibe ubooye mbu umanyile bulahi khandi osangasibwanga n'nase. 13Luno khusaayanga nikali khuyanzisianga, mbool'la akopaalanga okhukhola khe mbe onyala okhukhurumikhila ma nzilil'le okhukhuyanzisia. Orebil'la mbu wayela lihanga lino okhuba elilio tawe.”
14OMWAMI naboola mbu, “Nanzie n'nawe ma nakhuhelesie obulechi.”
15Musa nakalusia mbu, “Noratsia n'nefwe, oralekha ifwe khurule habundu hano tawe. 16Abulaho owanomanye mbu ibe wayanzisibwa nende abandu baabo halala n'nase norakhatsia n'nefwe tawe. Okhutsia khukhwo n'nefwe nakhuleere obwabukhani hakari wefwe Abaisiraeli nende abandu bandi bosi abali khusibala.”
17OMWAMI nabool'la Musa mbu, “Nzia okhukhola singa oreebele sichila ndakhumanya bulahi bwene khandi nyanzisibwanga n'nawe.”
18Kho Musa nareeba OMWAMI mbu, “Noyanza lekha khulole mubukhongo bubwo bwosi.”
19OMWAMI nakalusia mbu, “Nzia okhubir'ra imbeli uwo ma khumanyie obukasu bwanje bwosi khandi nzia okhukhuribul'la eliira lianje litsienukhu. Ise ndi OMWAMI ne manyianga tsimbabasi nende esirenda khu yabo bosi abaamal'le okhwela.#Rom. 9:15 20Sinambuchil'le inywe okhulola obweni bwanje tawe, sichila abulaho onyala khulola obweni bwanje ma abe mwoyo tawe, 21nebutswa hano buliho obukono ahembi khu ise ahonyala okhusinjila khulwanda. 22Olwe ise mba nimbir'ranga imbeli wenywe ma mumanyie obulafu bwanje, nakhure mulwande lwolwanda ma khufuunikhe tsimoni okhwola olwa nambe nimbir're. 23Kho nambinie omukhono kwanje mumoni mumwo ne nolole omukongo kwanje, ne tawe obweni bwanje.”
Currently Selected:
OKHURULA 33: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 33
33
OMWAMI yalaka Isiraeli okhurula khusikulu sia Sinai
1OMWAMI yabool'la Musa mbu, “Rula habundu hano, ibe halala nende abandu bawahinia Emisiri, ma otsie musibala siandasubisia okhuhelesia Aburahamu, Isaka nende Yakobo halala nabolwibulo lwabwe.#Okhuch. 12:7; 26:3; 28:13 2Ise narume om'malaika khulwo khumwemel'la ne nakhunge Abakanaani, Abahiti, Abaperisi, Abahiwi nende Abayebusi okhurula musibala yisio. 3Mutsitsanga mwiloba lili nobunolu obwinji. Nebutswa sinzia n'nenywe tawe sichila muli abandu abarali abahulili ne haundi ndamumuma mwesi nimusili khuluchendo.”
4Olwabandu bahulila amang'ana yaka bachiaka okhwekhuula ma sibayebiikhakhwo ebimili khandi tawe. 5OMWAMI yali nalachile Musa okhubabool'la amang'ana yaka mbu, “Inywe muli abandu bemioyo emitinyu. Nindakhatsiye ninenywe, kata khulwe inyinga ndititi, khane ndakhamumuluye mwesi pe. Luno hinie ebimili biosi, ne ndalola elianyala okhumukhol'la.” 6Kho olwabandu barula khusikulu sia Sinai, Abaisiraeli sibayebiikhakhwo ebimili khandi tawe.
Liheema liokhubaho khwo MWAMI
7Lwosi olwabandu ba Isiraeli bakhupanga ekambi habundu, Musa yabukulanga Liheema litsienukhu ne aliombokha olurambukho luti okhurula khukambi. Liali okhulangwa Liheema liokhubaho khwo MWAMI ne uyo wosi owali niyenya obwibaali okhurula khu MWAMI yarulanga mukambi ma atsiamwo. 8Olwa Musa yatsitsanga Mwiheema, abandu basinjilanga mumiliango tsiamaheema kabwe ne bahenga Musa okhwola olwa yenjila Mwiheema. 9Olwa Musa yali niyenjiye Mwiheema esiilo yelilumbesi yeekha okhurula mwikulu ma eba hamuliangokwe Liheema, ne OMWAMI yal'lomanga khu Musa okhurula mwilumbesi yilio. 10Khubwangu bwabandu balolanga esiilo yelilumbesi yilio hamuliangokwe Liheema balisikamilanga. 11OMWAMI yal'lomanga khu Musa moni namoni, singa obwomundu al'lomanga khumulinawe. Ma Musa akalukha mukambi. Nebutswa, Omusiani omubuukha owali omukhonyel'li uwe, Yoshwa omusiani wa Nuni yasikalanga Mwiheema.
OMWAMI yasubisia okhuba nabandu baabe
12Musa yabool'la OMWAMI mbu, “Lola ibe umbooleye nyemel'le abandu yaba okhurula Emisiri okhutsia musibala siawabahelesia nebutswa siwaimbool'la niwina owakhutsia n'naye tawe. Ibe ubooye mbu umanyile bulahi khandi osangasibwanga n'nase. 13Luno khusaayanga nikali khuyanzisianga, mbool'la akopaalanga okhukhola khe mbe onyala okhukhurumikhila ma nzilil'le okhukhuyanzisia. Orebil'la mbu wayela lihanga lino okhuba elilio tawe.”
14OMWAMI naboola mbu, “Nanzie n'nawe ma nakhuhelesie obulechi.”
15Musa nakalusia mbu, “Noratsia n'nefwe, oralekha ifwe khurule habundu hano tawe. 16Abulaho owanomanye mbu ibe wayanzisibwa nende abandu baabo halala n'nase norakhatsia n'nefwe tawe. Okhutsia khukhwo n'nefwe nakhuleere obwabukhani hakari wefwe Abaisiraeli nende abandu bandi bosi abali khusibala.”
17OMWAMI nabool'la Musa mbu, “Nzia okhukhola singa oreebele sichila ndakhumanya bulahi bwene khandi nyanzisibwanga n'nawe.”
18Kho Musa nareeba OMWAMI mbu, “Noyanza lekha khulole mubukhongo bubwo bwosi.”
19OMWAMI nakalusia mbu, “Nzia okhubir'ra imbeli uwo ma khumanyie obukasu bwanje bwosi khandi nzia okhukhuribul'la eliira lianje litsienukhu. Ise ndi OMWAMI ne manyianga tsimbabasi nende esirenda khu yabo bosi abaamal'le okhwela.#Rom. 9:15 20Sinambuchil'le inywe okhulola obweni bwanje tawe, sichila abulaho onyala khulola obweni bwanje ma abe mwoyo tawe, 21nebutswa hano buliho obukono ahembi khu ise ahonyala okhusinjila khulwanda. 22Olwe ise mba nimbir'ranga imbeli wenywe ma mumanyie obulafu bwanje, nakhure mulwande lwolwanda ma khufuunikhe tsimoni okhwola olwa nambe nimbir're. 23Kho nambinie omukhono kwanje mumoni mumwo ne nolole omukongo kwanje, ne tawe obweni bwanje.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019