OKHURULA 32
32
Abandu bekayakaya Echulukhi eyalombwa khutsahabu
(Okhuka. 9:6-29)
1Olwabandu balola mbu Musa siyakalukha bwangu okhurula khusikulu tawe, nebutswa yali namenyelekhwo khulwoluhono, bebunjikha aha Haruni yali ma nibamubool'la mbu, “Sikhumanyile akekholekha khumundu uyu Musa owali okhukhwemel'la okhurula musibala sie Misiri tawe; kho khulombele nyasaye wokhwemel'la ifwe.”#Ebikh. 7:40
2Haruni nababool'la mbu, “Hinie tsingaka tsietsahabu etsili m'marwi kabakhasi benywe, nabasiani benywe, nende abakhaana benywe bebiikhile ma munder're.” 3Kho abandu bosi bahiinia tsingaka tsiabwe tsietsahabu tsiomumarwi kabwe nibaleer'ra Haruni. 4Haruni yabukula tsingaka yitsio ma natsisal'lusia mumul'lo, natsukha musindu siokhusindia ehambane, ma nalomba esimoosi esichulukhi khutsahabu.
Abandu nibaboola mbu, “Isiraeli, uno niye nyasaye wefwe owakhwemel'la ifwe okhurula musibala sie Misiri.”#1 Abar. 12:28; Ebikh. 7:41
5Kho Haruni niyombokha olusambwa imbeli wechulukhi eyalombwa khutsahabu ma naboola mbu, “Mukamba nakhube nelisabo liedini liokhuhaana oluyali khu MWAMI.” 6Mukamba tsuli kwelitukhu elialondakhwo, abandu baleera emiruko khulwokhusambwa singa omusango ne echindi echiokhulia singa omusango kwobuhambani. Abandu bekhala hasi okhulia lisabo eliamanya ndikalukhana elia abandu okhulia nende okhunywa okhwinji okhusina, nende okhulomba obulina khubakhasi.#1 Kor. 10:7
7OMWAMI nabool'la Musa mbu, “Huchila bwangu oselenjere okhutsia hasi sichila abandu baabo, abawemel'la okhurula Emisiri bakhol'le tsimbi ma bandeyambakhan'ne. 8Balekhele injila yandabamanyia okhulonda; balombele esimoosi esichulukhi okhurula khutsahabu eyasal'lusibwa ma basiekayakayile nende okhusihaanila omusango. Baboolanga, mbu uyu niye nyasaye wabwe owabemel'la okhurula musibala sie Misiri. 9Manyile singa abandu yaba bali nemioyo emitinyu. 10Luno orateema okhunzikal'la akokhukhola tawe. Ndi nelirima likali khubo ne nzia okhubamuma bosi. Ma nakhukhole ibe nende abolwibulo lulwo okhuba lihanga likhongo.”
11Nebutswa Musa yahomba OMWAMI Nyasaye uwe naboola mbu, “OMWAMI busina oli nelileko khubandu baabo abawali okhusoola okhurula Emisiri khulwe tsingufu tsitsio nende obunyali bubwo?#Obub. 14:13-19 12Busina Abaamisiri babe abanyala okhuboola mbu ibe wemel'la abandu baabo okhurula Emisiri, noloosianga singa onyala okhubeer'ra musikulu ma obamulule bosi? Lekha lirima libe; kalukhania inganakani yiyo ma olekhe okhuleera omunyakhano khubandu baabo. 13Witsul'le singa weela abarumikhi baabo Aburahamu, Isaka nende Yakobo. Witsul'le esiesuho siawalomba n'nabo nobasubisianga okhubahelesia ebisoni ebinji ebihelana nende tsinyininyini tsiokhwikulu khandi okhubahelesia abolwibulo lwabwe liloba liawabasubisia okhuba eliabwe khulwe inziayo.”#Okhuch. 22:16-17; 17:8 14Kho OMWAMI yakalukhania inganakani yiye ma siyamala aleere amabi khubandu baabe singa obwa yali nabarisisie tawe.
15Musa yeekha okhurula khusikulu nachingile amachina amapapale kabili akahandikwakhwo amalako tsimbeka tsiosi tsibili. 16Nyasaye mwene yali niyalomba amachina amapapale khandi niyahandikakhwo amalako.
17Yoshwa yahul'la abandu nibakhupanga liyoka ma nabool'la Musa mbu, “Ise mbul'langa liyoka singa eliabandu balwananga mukambi.”
18Musa naboola, “Yilio silifwana liyoka liobulechi tawe kata okhulakaya khwokhulekwa tawe, neliyoka liabandu abembanga.”
19Olwa Musa yesunda ahembi nende ekambi okhusila, yalola esimoosi esichulukhi khandi nalola abandu nibasinanga, ma yali nasinyikha okhusila. Habwene yaho hasi hesikulu nafuuba amachina amapapale akayali nachingile hasi ma nikafunikha. 20Yabukula esimoosi esichulukhi esiabali nibalombele ma nas'sal'lusia m'mul'lo, ma nasisa okhukwa obusie obunyukhe ma nabutsokania mumaatsi. Yamala nahelesia Abaisiraeli okhunywa amaatsi yako. 21Nabool'la Haruni “Abandu yaba baali okhukhola mbwena nikachila nobakhola nibakwa mumbi ingali okhusila?”
22Haruni nakalusia mbu, “Orabba nelirima n'nase tawe; ibe wamanya amakani kabwe kanala okhukhola tsimbi khasotso. 23Baali okhumbool'la ise mbu, ‘Sikhumanyile eliekholekha khumundu uyu Musa, owali okhukhuhinia musibala sie Misiri tawe; kho khulombele nyasaye wokhukhwemel'la ifwe.’ 24Ndali okhubareeba banderele ebimili bietsahabu ne yabo abali nebimili bietsahabu baali okhuhiinia ma nibanderela. Ndafuuba ebimili bietsahabu yibi m'mul'lo ne khubwangu nibielomba esimoosi esichulukhi.”
25Musa yalola mbu Haruni yalekha abandu okhukhola singa obwabenyele ma nikachila nibakhola ebindu biobusilu imbeli wabasakhulu babwe. 26Kho Musa yasinjila musilibwa siekambi ma nalanjisia naboola mbu, “Omundu wosi oli owo MWAMI yetse ahandi hano!” Kho Abalawi bosi batsia okhwebunjikha ha Musa yali nasingiye, 27ma nababool'la mbu, “OMWAMI Nyasaye wa Isiraeli alakanga buli mulala khwinywe okhubukula olukanga lulwe ma yenjile mukambi okhurula musilibwa yisi okhwola khundulo wekambi ma yeere abaana babwe, abalina babwe nende abarende babwe.” 28Abalawi bakhola mbwo ma nibeera abasaatsa abahela ahembi etsielefu tsitaru litukhu yilio. 29Musa nabool'la Abalawi mbu, “Litukhu lino mumal'le okhwehaana khu Nyasaye okhuba abesaalisi bomulimo kwo MWAMI khulwo okhwira abasiani benywe nende abahenywe, kho OMWAMI umuhelesie tsikhabi tsitsie.”
30Litukhu lialondakhwo, Musa yabool'la abandu mbu, “Mwakhola tsimbi tsingali okhusila. Nebutswa luno nzia okhukalukha okhuniina khusikulu aho MWAMI ali; ma nikanyalikha namureebele OMWAMI okhumulekhela tsimbi tsienywe.” 31Musa nakalukha khu MWAMI ma naboola mbu, “Abandu bano bakhola tsimbi tsingali okhusila. Balomba nyasaye okhurula khutsahabu ma nibachiekayakaya. 32Noyanza balekhele tsimbi tsiabwe; ne norakhabalekhela tawe kho osimie eliira lianje okhurula musitapu siawahandikamwo amera kabandu baabo.”#Etsisa. 69:28; Okhub. 3:5
33OMWAMI nakalusia mbu, “Ni yabo abali okhukhol'la amabi abandihinia musitapu sianje. 34Luno tsia wemel'le abandu okhubahila musibala sia ndamusubisia. Witsul'le mbu Om'malaika wanje alamwemel'la, nebutswa inyinga yitsanga olwa nambaane esinyasio khulwe tsimbi tsiabwe.”
35Kho OMWAMI yaruma obulwaye khubandu sichila abandu bali nibahachisie Haruni okhulomba echulukhi okhurula khutsahabu.
Currently Selected:
OKHURULA 32: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 32
32
Abandu bekayakaya Echulukhi eyalombwa khutsahabu
(Okhuka. 9:6-29)
1Olwabandu balola mbu Musa siyakalukha bwangu okhurula khusikulu tawe, nebutswa yali namenyelekhwo khulwoluhono, bebunjikha aha Haruni yali ma nibamubool'la mbu, “Sikhumanyile akekholekha khumundu uyu Musa owali okhukhwemel'la okhurula musibala sie Misiri tawe; kho khulombele nyasaye wokhwemel'la ifwe.”#Ebikh. 7:40
2Haruni nababool'la mbu, “Hinie tsingaka tsietsahabu etsili m'marwi kabakhasi benywe, nabasiani benywe, nende abakhaana benywe bebiikhile ma munder're.” 3Kho abandu bosi bahiinia tsingaka tsiabwe tsietsahabu tsiomumarwi kabwe nibaleer'ra Haruni. 4Haruni yabukula tsingaka yitsio ma natsisal'lusia mumul'lo, natsukha musindu siokhusindia ehambane, ma nalomba esimoosi esichulukhi khutsahabu.
Abandu nibaboola mbu, “Isiraeli, uno niye nyasaye wefwe owakhwemel'la ifwe okhurula musibala sie Misiri.”#1 Abar. 12:28; Ebikh. 7:41
5Kho Haruni niyombokha olusambwa imbeli wechulukhi eyalombwa khutsahabu ma naboola mbu, “Mukamba nakhube nelisabo liedini liokhuhaana oluyali khu MWAMI.” 6Mukamba tsuli kwelitukhu elialondakhwo, abandu baleera emiruko khulwokhusambwa singa omusango ne echindi echiokhulia singa omusango kwobuhambani. Abandu bekhala hasi okhulia lisabo eliamanya ndikalukhana elia abandu okhulia nende okhunywa okhwinji okhusina, nende okhulomba obulina khubakhasi.#1 Kor. 10:7
7OMWAMI nabool'la Musa mbu, “Huchila bwangu oselenjere okhutsia hasi sichila abandu baabo, abawemel'la okhurula Emisiri bakhol'le tsimbi ma bandeyambakhan'ne. 8Balekhele injila yandabamanyia okhulonda; balombele esimoosi esichulukhi okhurula khutsahabu eyasal'lusibwa ma basiekayakayile nende okhusihaanila omusango. Baboolanga, mbu uyu niye nyasaye wabwe owabemel'la okhurula musibala sie Misiri. 9Manyile singa abandu yaba bali nemioyo emitinyu. 10Luno orateema okhunzikal'la akokhukhola tawe. Ndi nelirima likali khubo ne nzia okhubamuma bosi. Ma nakhukhole ibe nende abolwibulo lulwo okhuba lihanga likhongo.”
11Nebutswa Musa yahomba OMWAMI Nyasaye uwe naboola mbu, “OMWAMI busina oli nelileko khubandu baabo abawali okhusoola okhurula Emisiri khulwe tsingufu tsitsio nende obunyali bubwo?#Obub. 14:13-19 12Busina Abaamisiri babe abanyala okhuboola mbu ibe wemel'la abandu baabo okhurula Emisiri, noloosianga singa onyala okhubeer'ra musikulu ma obamulule bosi? Lekha lirima libe; kalukhania inganakani yiyo ma olekhe okhuleera omunyakhano khubandu baabo. 13Witsul'le singa weela abarumikhi baabo Aburahamu, Isaka nende Yakobo. Witsul'le esiesuho siawalomba n'nabo nobasubisianga okhubahelesia ebisoni ebinji ebihelana nende tsinyininyini tsiokhwikulu khandi okhubahelesia abolwibulo lwabwe liloba liawabasubisia okhuba eliabwe khulwe inziayo.”#Okhuch. 22:16-17; 17:8 14Kho OMWAMI yakalukhania inganakani yiye ma siyamala aleere amabi khubandu baabe singa obwa yali nabarisisie tawe.
15Musa yeekha okhurula khusikulu nachingile amachina amapapale kabili akahandikwakhwo amalako tsimbeka tsiosi tsibili. 16Nyasaye mwene yali niyalomba amachina amapapale khandi niyahandikakhwo amalako.
17Yoshwa yahul'la abandu nibakhupanga liyoka ma nabool'la Musa mbu, “Ise mbul'langa liyoka singa eliabandu balwananga mukambi.”
18Musa naboola, “Yilio silifwana liyoka liobulechi tawe kata okhulakaya khwokhulekwa tawe, neliyoka liabandu abembanga.”
19Olwa Musa yesunda ahembi nende ekambi okhusila, yalola esimoosi esichulukhi khandi nalola abandu nibasinanga, ma yali nasinyikha okhusila. Habwene yaho hasi hesikulu nafuuba amachina amapapale akayali nachingile hasi ma nikafunikha. 20Yabukula esimoosi esichulukhi esiabali nibalombele ma nas'sal'lusia m'mul'lo, ma nasisa okhukwa obusie obunyukhe ma nabutsokania mumaatsi. Yamala nahelesia Abaisiraeli okhunywa amaatsi yako. 21Nabool'la Haruni “Abandu yaba baali okhukhola mbwena nikachila nobakhola nibakwa mumbi ingali okhusila?”
22Haruni nakalusia mbu, “Orabba nelirima n'nase tawe; ibe wamanya amakani kabwe kanala okhukhola tsimbi khasotso. 23Baali okhumbool'la ise mbu, ‘Sikhumanyile eliekholekha khumundu uyu Musa, owali okhukhuhinia musibala sie Misiri tawe; kho khulombele nyasaye wokhukhwemel'la ifwe.’ 24Ndali okhubareeba banderele ebimili bietsahabu ne yabo abali nebimili bietsahabu baali okhuhiinia ma nibanderela. Ndafuuba ebimili bietsahabu yibi m'mul'lo ne khubwangu nibielomba esimoosi esichulukhi.”
25Musa yalola mbu Haruni yalekha abandu okhukhola singa obwabenyele ma nikachila nibakhola ebindu biobusilu imbeli wabasakhulu babwe. 26Kho Musa yasinjila musilibwa siekambi ma nalanjisia naboola mbu, “Omundu wosi oli owo MWAMI yetse ahandi hano!” Kho Abalawi bosi batsia okhwebunjikha ha Musa yali nasingiye, 27ma nababool'la mbu, “OMWAMI Nyasaye wa Isiraeli alakanga buli mulala khwinywe okhubukula olukanga lulwe ma yenjile mukambi okhurula musilibwa yisi okhwola khundulo wekambi ma yeere abaana babwe, abalina babwe nende abarende babwe.” 28Abalawi bakhola mbwo ma nibeera abasaatsa abahela ahembi etsielefu tsitaru litukhu yilio. 29Musa nabool'la Abalawi mbu, “Litukhu lino mumal'le okhwehaana khu Nyasaye okhuba abesaalisi bomulimo kwo MWAMI khulwo okhwira abasiani benywe nende abahenywe, kho OMWAMI umuhelesie tsikhabi tsitsie.”
30Litukhu lialondakhwo, Musa yabool'la abandu mbu, “Mwakhola tsimbi tsingali okhusila. Nebutswa luno nzia okhukalukha okhuniina khusikulu aho MWAMI ali; ma nikanyalikha namureebele OMWAMI okhumulekhela tsimbi tsienywe.” 31Musa nakalukha khu MWAMI ma naboola mbu, “Abandu bano bakhola tsimbi tsingali okhusila. Balomba nyasaye okhurula khutsahabu ma nibachiekayakaya. 32Noyanza balekhele tsimbi tsiabwe; ne norakhabalekhela tawe kho osimie eliira lianje okhurula musitapu siawahandikamwo amera kabandu baabo.”#Etsisa. 69:28; Okhub. 3:5
33OMWAMI nakalusia mbu, “Ni yabo abali okhukhol'la amabi abandihinia musitapu sianje. 34Luno tsia wemel'le abandu okhubahila musibala sia ndamusubisia. Witsul'le mbu Om'malaika wanje alamwemel'la, nebutswa inyinga yitsanga olwa nambaane esinyasio khulwe tsimbi tsiabwe.”
35Kho OMWAMI yaruma obulwaye khubandu sichila abandu bali nibahachisie Haruni okhulomba echulukhi okhurula khutsahabu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019