OKHURULA 31
31
Abombokhi be Liheema liokhubaho khwanje
(Okhur. 35:30—36:1)
1OMWAMI nabool'la Musa mbu, 2“Mal'le okhwahula Besaleli omusiani wa Uri, omwitsukhulu wa Huri okhurula mulwibulo lwa Yuda, 3ma mwitsusisiemwo nende obunyali bwanje#31:3 Obunyali bwanje Obunyali nohomba Omwoyo.. Mwelesisie okhumanyilisia, obusitsa, nende obuchesi bwokhukhola omulimo kwamakhono. 4Khulwo okhulomba amang'oole kobusitsa ma okhukarumikhila okhulombamwo ebindu biefetsa, tsietsahabu nende ebiomuka; 5Khulwo okhubaatsa amachina kokhwombokhwa; khulwo okhubaatsa tsimbao; nende omulimo kundi kwosi okwobusitsa bwamakhono. 6Khandi mal'le okhwahula Oholiabu omusiani wa Ahisamaki okhurula mulwibulo lwa Dani khulwokhutiya halala n'naye. Khandi mbelesisie abandu bandi bobusitsa obuchesi obukali kho babe abanyala okhulomba ebindu biosi ebiamal'le okhulaka bilombwe: 7Liheema liokhubaho khwanje, Lisanduku lie Indakano nende esifuunikho sialio, ebindu biosi ebili Mwiheema, 8emesa nende biosi ebilikhwo, esihani sietsahabu siefetsa isiyikhu nende biosi ebilikhwo, olusambwa lwokhusambilakhwo obwali, 9olusambwa lwemisango emisambe nende ebindu biosi ebilikhwo, ebeseni nende ebiokhutsirenjekhakhwo, 10tsingubo tsioluyali tsiobwesaalisi khulwa Haruni nende abasiani baabe okhurumikhila olwa baba nibakholanga omulimo kwobwesaalisi, 11amafura kokhutsienula, nende obwali obuhunyanga obulahi khulwa Habundu Hatsienukhu. Olwa baba nibalombanga ebindu yibi biosi okhwola bakhole singa obwa ndali okhukhumanyia.”
Esabato, litukhu liokhuhuluukha
12OMWAMI yalaka Musa 13okhubool'la abandu ba Isiraeli mbu, “Mwitsul'le okhulinda Esabato litukhu lianje liokhuhuluukha, sichila nesimanyilo hakari wanje n'nenywe mumatukhu kosi aketsanga, okhumanyia Ise OMWAMI ndamukhola abandu banje. 14Okhwola mulinde litukhu liokhuhuluukha sichila nelitsienukhu. Omundu wosi oralindanga, nebutswa nakhola emilimo mwitukhu yilio okhwola yerwe. 15Muli namatukhu kasasaba okhukhola emilimo chienywe, nebutswa litukhu liakhane nakhataru nelitukhu lioluyali eliokhuhuluukha eliahanwa khu ise. Omundu wosi owakhakhola emilimo khwitukhu yilio yerwe.#Okhur. 20:8-11; 23:12; 34:21; 35:2; Abal. 23:3; Okhuka. 5:12-14 16Abandu ba Isiraeli okhwola abalindi litukhu yili singa esimanyilo sie Indakano. 17Nesimanyilo siamatukhu kosi hakari wanje nende abandu ba Isiraeli, sichila Ise OMWAMI ndalomba likulu nende esibala mumatukhu kasasaba, ne khwitukhu liakhane nakhataru ndalekha okhukhola emilimo ma nimbuluukha.”#Okhur. 20:11
18Olwa Nyasaye yali namal'le okhul'loma khu Musa nali khusikulu sia Sinai, yamuha oruchina orupapale rubili, orwa Nyasaye mwene yali nahandichilekhwo amalako.
Currently Selected:
OKHURULA 31: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 31
31
Abombokhi be Liheema liokhubaho khwanje
(Okhur. 35:30—36:1)
1OMWAMI nabool'la Musa mbu, 2“Mal'le okhwahula Besaleli omusiani wa Uri, omwitsukhulu wa Huri okhurula mulwibulo lwa Yuda, 3ma mwitsusisiemwo nende obunyali bwanje#31:3 Obunyali bwanje Obunyali nohomba Omwoyo.. Mwelesisie okhumanyilisia, obusitsa, nende obuchesi bwokhukhola omulimo kwamakhono. 4Khulwo okhulomba amang'oole kobusitsa ma okhukarumikhila okhulombamwo ebindu biefetsa, tsietsahabu nende ebiomuka; 5Khulwo okhubaatsa amachina kokhwombokhwa; khulwo okhubaatsa tsimbao; nende omulimo kundi kwosi okwobusitsa bwamakhono. 6Khandi mal'le okhwahula Oholiabu omusiani wa Ahisamaki okhurula mulwibulo lwa Dani khulwokhutiya halala n'naye. Khandi mbelesisie abandu bandi bobusitsa obuchesi obukali kho babe abanyala okhulomba ebindu biosi ebiamal'le okhulaka bilombwe: 7Liheema liokhubaho khwanje, Lisanduku lie Indakano nende esifuunikho sialio, ebindu biosi ebili Mwiheema, 8emesa nende biosi ebilikhwo, esihani sietsahabu siefetsa isiyikhu nende biosi ebilikhwo, olusambwa lwokhusambilakhwo obwali, 9olusambwa lwemisango emisambe nende ebindu biosi ebilikhwo, ebeseni nende ebiokhutsirenjekhakhwo, 10tsingubo tsioluyali tsiobwesaalisi khulwa Haruni nende abasiani baabe okhurumikhila olwa baba nibakholanga omulimo kwobwesaalisi, 11amafura kokhutsienula, nende obwali obuhunyanga obulahi khulwa Habundu Hatsienukhu. Olwa baba nibalombanga ebindu yibi biosi okhwola bakhole singa obwa ndali okhukhumanyia.”
Esabato, litukhu liokhuhuluukha
12OMWAMI yalaka Musa 13okhubool'la abandu ba Isiraeli mbu, “Mwitsul'le okhulinda Esabato litukhu lianje liokhuhuluukha, sichila nesimanyilo hakari wanje n'nenywe mumatukhu kosi aketsanga, okhumanyia Ise OMWAMI ndamukhola abandu banje. 14Okhwola mulinde litukhu liokhuhuluukha sichila nelitsienukhu. Omundu wosi oralindanga, nebutswa nakhola emilimo mwitukhu yilio okhwola yerwe. 15Muli namatukhu kasasaba okhukhola emilimo chienywe, nebutswa litukhu liakhane nakhataru nelitukhu lioluyali eliokhuhuluukha eliahanwa khu ise. Omundu wosi owakhakhola emilimo khwitukhu yilio yerwe.#Okhur. 20:8-11; 23:12; 34:21; 35:2; Abal. 23:3; Okhuka. 5:12-14 16Abandu ba Isiraeli okhwola abalindi litukhu yili singa esimanyilo sie Indakano. 17Nesimanyilo siamatukhu kosi hakari wanje nende abandu ba Isiraeli, sichila Ise OMWAMI ndalomba likulu nende esibala mumatukhu kasasaba, ne khwitukhu liakhane nakhataru ndalekha okhukhola emilimo ma nimbuluukha.”#Okhur. 20:11
18Olwa Nyasaye yali namal'le okhul'loma khu Musa nali khusikulu sia Sinai, yamuha oruchina orupapale rubili, orwa Nyasaye mwene yali nahandichilekhwo amalako.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019