OKHURULA 30
30
Olusambwa lwo okhusambilakhwo obwali
(Okhur. 37:25-28)
1“Lomba olusambwa okhurula khumusala kwomusisia khulwo okhusambilakhwo obwali. 2Olusambwa yilwo lube oluhelanu tsimbeka tsiosi, oburambi bube etsisentimita amakhumi kane nachirano khandi obuchiikha etsisentimita amakhumi kane nachirano; ma lube etsisentimita amakhumi karano nakane okhutsia ikulu. Tsinzika tsialwo tsiomutsikona tsine tsibe esitonye silala nende olusambwa lwene. 3Ikulu wolusambwa nende tsimbeka tsialwo tsine halala netsinzika tsialwo tsihomwekhwo etsahabu isiyikhu; ma ore khundulo wasio omusinji khwetsahabu okhulubotokhana, 4Olombe tsingaka tsibili kwetsahabu etsiokhuluchinga ma otsire yisi wetsimbeka tsibili tsiomusinji kwetsahabu khulwokhuleeta emisaala chiokhuchinga olusambwa. 5Emisaala chiokhuchinga olusambwa tsilombwe okhurula khumisaala chiomusisia, ma tsihomwekhwo etsahabu. 6Olusambwa yilu lurebwe esioba wepasia eyasungwa imbeli we Lisanduku lie Indakano; yaho niho habundu ha nambukaane n'nawe. 7Buli mukamba tsuli olwa Haruni nayetsenge okhurechekha etsitaya, nasambilenje obwali obuhunyanga bulahi khulusambwa yilu. 8Khandi akhole mbwo olwaba nahambianga etsitaya mukolooba. Okhuhaana omusango kwobwali yikhu, kutsilil'le sila okhukoyanibwa mumatukhu kosi aketsanga. 9Orakhahaanakhwo omusango kwosi khulusambwa yilu okwomusilo, omusango okwomuruko nohomba omusango kwobuswache khandi orakhasundulakhwo omusango kwewaini tawe. 10Khumuhika mulala Haruni nahaanenje omusango kwokhutsienula olusambwa khulwo khutsukhakhwo amatsahi komuruko okwahanwa khulwe tsimbi khutsinzika tsine tsiolusambwa. Kano kakholwe buli muhika khumihika tsiosi etsitsanga. Olusambwa yilu lube olutsienukhu kupu, niluhanwanga khu ise oli OMWAMI.”
Obusuru bwe Liheema Liokhubaho khwo MWAMI
11OMWAMI yabool'la Musa mbu, 12“Olwoba nobukula amabalo kabandu ba Isiraeli, buli mundu arunge obukusi bwobulamu bubwe, kho amanyakhano kalekhe okhwitsa khuye olwabandu basibalwa. 13Buli mundu wosi obal'lwe okhwola arunge amapesa kenyekhanga khandi akali nobusiro obwahuchilwa. Buli mundu arunge kano singa omusango okuhan'nwe khu ise.#Okhur. 38:25-26; Mat. 17:24 14Buli mundu wosi abalwe, yako nokhuboola omusaatsa wosi oli nemihika amakhumi kabili, nohomba okhuyomba emihika amakhumi kabili, arunge amapesa yaka. 15Omusaatsa omuhinda ararunga okhuyomba yaka tawe, kata omusaatsa omutakha ararunga mati okhuyomba yaka olwa baba nibarunganga amapesa yaka khulwobulamu bwabwe tawe. 16Mubunjelesie amapesa yaka khubandu bosi Abaisiraeli ma mukarumikhile khulwokhulinda Liheema liokhubaho khwanje. Obusuru buno nabube omurungo kwobulamu bwabwe, ma nase nanzitsul'lenje okhubasinga khubasuku babwe.”
Ebeseni yo Mukasa
17OMWAMI nabool'la Musa mbu, 18“Lomba ebeseni yomukasa elikhwo ebikuru biayo biomukasa khulwokhwesaabilakhwo. Ochire hakari we Liheema nende olusambwa, ma orekhwo amaatsi.#Okhur. 38:8 19Haruni nende abasiani baabe babukule amaatsi kalikhwo khulwokhwesaaba amakhono nende ebilenje 20nibasili okhwinjila Mwiheema nohomba okhwesunda ahembi khulusambwa okhuhaana omusango kwebiakhulia. 21Okhwola besaabe amakhono nende ebilenje, babe abaranyala okhufwa tawe. Lino nelilako liabwe nende abetsinzibulo tsiabwe okhulonda khulwe inziayo.”
Amafura kokhutsukhil'lwa khumwelwa wa Nyasaye
22OMWAMI nabool'la Musa mbu,#Okhur. 37:29 23“Obukule ebihunyanga bulahi; mbu etsikilo tsisasaba tsiamafura kamanemane, etsikilo tsitaru tsiomutalasini okuhunyanga bulahi, etsikilo tsitaru tsiamaatsi kemikhonye akahunyanga bulahi, 24nende etsikilo tsisasaba etsiomusubili (tsiosi etsili nende obusiro obwahuchil'lwa). Otsokaniemwo etsiliita tsine tsiamafura komuseituni, 25ma olombe amafura amatsienukhu akokhutsukhil'lwa khumwelwa wa Nyasaye nikatsokanisibwe singa amafura kokhwebakha. 26Okarumikhile okhutsienulwa Liheema liokhubaho khwanje, Lisanduku lie Indakano, 27emesa nende ebindu biosi ebiakhwo, esihani sietsitaya, nende biosi ebilikhwo, olusambwa lwokhusambilakhwo obwali, 28olusambwa lwokhusambilakhwo emisango nende biosi ebili khulusambwa tsana nende ebeseni yokhwesaabilakwo nende esiokhurenjekhwakhwo. 29Ohaane ebindu yibi munjila yiyi nabio nabibe ebitsienukhu okhusila, ne omundu wosi owakhahambakhwo nohomba esindu siosi esiakhahambakhwo silasaalisibwa nobunyali bwobutsienukhu bwalwo. 30Ma otsukhil'le amafura khu Haruni nende abasiani baabe ma obahule okhuba abesaalisi bomulimo kwanje. 31Bool'la abandu ba Isiraeli mbu, ‘Amafura amatsienukhu kokhwahula yaka okhwola karumikhilwe mumulimo kwanje amatukhu kosi aketsanga. 32Karakhatsukhil'lwa khubandu bosi tawe, khandi muralombakhwo amafura akatsokanibwa singa mbu tawe. Namatsienukhu, nenywe okhwola mukabukule okhuba amatsienukhu. 33Omundu wosi owakhalombakhwo amafura singa yaka nohomba owakhakarumikhilakhwo khumundu wosi orali omwesaalisi salabalwa singa omundu wanje tawe.’ ”
Obwali
34OMWAMI nabool'la Musa mbu, “Bukule esichelo esihelanu khubuli silala khubindu ebihunyanga bulahi yibi: Sitakite, Onicha, galibanumu nende obane. 35Obirumikhile okhulomba obwali obutsokanemwo amafura kokhwebakha; omeetekhwo echumbi okhubusiiya nende okhubutsienula. 36Osekhwo bilala khubio bibe obusie obunyukhe, obuhile Mwiheema liokhubaho khwanje ma obunyul'lusie imbeli we Lisanduku lie Indakano. Amang'ana kobwali yaka mukakhole okhuba amatsienukhu okhusila. 37Muralombakhwo obwali bundi obufwana singa yibu khubwenywe tawe. Mubukule obwali yibu singa esindu esitsienukhu esiahanwa khu ise. 38Omundu wosi niyakhalombakhwo obwali obufwana yibu khulwo okhwebakha, salabalwa okhuba mulala khubandu banje tawe.”
Currently Selected:
OKHURULA 30: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 30
30
Olusambwa lwo okhusambilakhwo obwali
(Okhur. 37:25-28)
1“Lomba olusambwa okhurula khumusala kwomusisia khulwo okhusambilakhwo obwali. 2Olusambwa yilwo lube oluhelanu tsimbeka tsiosi, oburambi bube etsisentimita amakhumi kane nachirano khandi obuchiikha etsisentimita amakhumi kane nachirano; ma lube etsisentimita amakhumi karano nakane okhutsia ikulu. Tsinzika tsialwo tsiomutsikona tsine tsibe esitonye silala nende olusambwa lwene. 3Ikulu wolusambwa nende tsimbeka tsialwo tsine halala netsinzika tsialwo tsihomwekhwo etsahabu isiyikhu; ma ore khundulo wasio omusinji khwetsahabu okhulubotokhana, 4Olombe tsingaka tsibili kwetsahabu etsiokhuluchinga ma otsire yisi wetsimbeka tsibili tsiomusinji kwetsahabu khulwokhuleeta emisaala chiokhuchinga olusambwa. 5Emisaala chiokhuchinga olusambwa tsilombwe okhurula khumisaala chiomusisia, ma tsihomwekhwo etsahabu. 6Olusambwa yilu lurebwe esioba wepasia eyasungwa imbeli we Lisanduku lie Indakano; yaho niho habundu ha nambukaane n'nawe. 7Buli mukamba tsuli olwa Haruni nayetsenge okhurechekha etsitaya, nasambilenje obwali obuhunyanga bulahi khulusambwa yilu. 8Khandi akhole mbwo olwaba nahambianga etsitaya mukolooba. Okhuhaana omusango kwobwali yikhu, kutsilil'le sila okhukoyanibwa mumatukhu kosi aketsanga. 9Orakhahaanakhwo omusango kwosi khulusambwa yilu okwomusilo, omusango okwomuruko nohomba omusango kwobuswache khandi orakhasundulakhwo omusango kwewaini tawe. 10Khumuhika mulala Haruni nahaanenje omusango kwokhutsienula olusambwa khulwo khutsukhakhwo amatsahi komuruko okwahanwa khulwe tsimbi khutsinzika tsine tsiolusambwa. Kano kakholwe buli muhika khumihika tsiosi etsitsanga. Olusambwa yilu lube olutsienukhu kupu, niluhanwanga khu ise oli OMWAMI.”
Obusuru bwe Liheema Liokhubaho khwo MWAMI
11OMWAMI yabool'la Musa mbu, 12“Olwoba nobukula amabalo kabandu ba Isiraeli, buli mundu arunge obukusi bwobulamu bubwe, kho amanyakhano kalekhe okhwitsa khuye olwabandu basibalwa. 13Buli mundu wosi obal'lwe okhwola arunge amapesa kenyekhanga khandi akali nobusiro obwahuchilwa. Buli mundu arunge kano singa omusango okuhan'nwe khu ise.#Okhur. 38:25-26; Mat. 17:24 14Buli mundu wosi abalwe, yako nokhuboola omusaatsa wosi oli nemihika amakhumi kabili, nohomba okhuyomba emihika amakhumi kabili, arunge amapesa yaka. 15Omusaatsa omuhinda ararunga okhuyomba yaka tawe, kata omusaatsa omutakha ararunga mati okhuyomba yaka olwa baba nibarunganga amapesa yaka khulwobulamu bwabwe tawe. 16Mubunjelesie amapesa yaka khubandu bosi Abaisiraeli ma mukarumikhile khulwokhulinda Liheema liokhubaho khwanje. Obusuru buno nabube omurungo kwobulamu bwabwe, ma nase nanzitsul'lenje okhubasinga khubasuku babwe.”
Ebeseni yo Mukasa
17OMWAMI nabool'la Musa mbu, 18“Lomba ebeseni yomukasa elikhwo ebikuru biayo biomukasa khulwokhwesaabilakhwo. Ochire hakari we Liheema nende olusambwa, ma orekhwo amaatsi.#Okhur. 38:8 19Haruni nende abasiani baabe babukule amaatsi kalikhwo khulwokhwesaaba amakhono nende ebilenje 20nibasili okhwinjila Mwiheema nohomba okhwesunda ahembi khulusambwa okhuhaana omusango kwebiakhulia. 21Okhwola besaabe amakhono nende ebilenje, babe abaranyala okhufwa tawe. Lino nelilako liabwe nende abetsinzibulo tsiabwe okhulonda khulwe inziayo.”
Amafura kokhutsukhil'lwa khumwelwa wa Nyasaye
22OMWAMI nabool'la Musa mbu,#Okhur. 37:29 23“Obukule ebihunyanga bulahi; mbu etsikilo tsisasaba tsiamafura kamanemane, etsikilo tsitaru tsiomutalasini okuhunyanga bulahi, etsikilo tsitaru tsiamaatsi kemikhonye akahunyanga bulahi, 24nende etsikilo tsisasaba etsiomusubili (tsiosi etsili nende obusiro obwahuchil'lwa). Otsokaniemwo etsiliita tsine tsiamafura komuseituni, 25ma olombe amafura amatsienukhu akokhutsukhil'lwa khumwelwa wa Nyasaye nikatsokanisibwe singa amafura kokhwebakha. 26Okarumikhile okhutsienulwa Liheema liokhubaho khwanje, Lisanduku lie Indakano, 27emesa nende ebindu biosi ebiakhwo, esihani sietsitaya, nende biosi ebilikhwo, olusambwa lwokhusambilakhwo obwali, 28olusambwa lwokhusambilakhwo emisango nende biosi ebili khulusambwa tsana nende ebeseni yokhwesaabilakwo nende esiokhurenjekhwakhwo. 29Ohaane ebindu yibi munjila yiyi nabio nabibe ebitsienukhu okhusila, ne omundu wosi owakhahambakhwo nohomba esindu siosi esiakhahambakhwo silasaalisibwa nobunyali bwobutsienukhu bwalwo. 30Ma otsukhil'le amafura khu Haruni nende abasiani baabe ma obahule okhuba abesaalisi bomulimo kwanje. 31Bool'la abandu ba Isiraeli mbu, ‘Amafura amatsienukhu kokhwahula yaka okhwola karumikhilwe mumulimo kwanje amatukhu kosi aketsanga. 32Karakhatsukhil'lwa khubandu bosi tawe, khandi muralombakhwo amafura akatsokanibwa singa mbu tawe. Namatsienukhu, nenywe okhwola mukabukule okhuba amatsienukhu. 33Omundu wosi owakhalombakhwo amafura singa yaka nohomba owakhakarumikhilakhwo khumundu wosi orali omwesaalisi salabalwa singa omundu wanje tawe.’ ”
Obwali
34OMWAMI nabool'la Musa mbu, “Bukule esichelo esihelanu khubuli silala khubindu ebihunyanga bulahi yibi: Sitakite, Onicha, galibanumu nende obane. 35Obirumikhile okhulomba obwali obutsokanemwo amafura kokhwebakha; omeetekhwo echumbi okhubusiiya nende okhubutsienula. 36Osekhwo bilala khubio bibe obusie obunyukhe, obuhile Mwiheema liokhubaho khwanje ma obunyul'lusie imbeli we Lisanduku lie Indakano. Amang'ana kobwali yaka mukakhole okhuba amatsienukhu okhusila. 37Muralombakhwo obwali bundi obufwana singa yibu khubwenywe tawe. Mubukule obwali yibu singa esindu esitsienukhu esiahanwa khu ise. 38Omundu wosi niyakhalombakhwo obwali obufwana yibu khulwo okhwebakha, salabalwa okhuba mulala khubandu banje tawe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019