OKHURULA 29
29
Amebaalo khu okhwahulwa khwa Haruni nende abasianibe singa abesaalisi
(Abal. 8:1-36)
1“Yaka niko aka nokhole khu Haruni nende abasianibe okhubarakhwo amakhono singa abesaalisi mumulimo kwanje. Obukule esimoosi siechulukhi silala nende ebimeme bibili ebiralikhwo nobulema bwosi tawe. 2Obukule obusie bweingano obulahi okhusila sila amamela ma olombekhwo emikaati norumikhilanga amafura komuseituni, ne echindi otekhe nichiralimwo amafura yako, ne echindi nachio chitekhwe singa etsichapati. 3Ochire musikapo ma ochihaane khu ise olwa ohaana omusango kwechulukhi nende okwebimeme.
4“Oleere Haruni halala nabasianibe habwinjil'lo bwe Liheema liokhubaho khwanje, ma obabool'le bakhole omulukha kwokhwesinga emibili chiabwe. 5Ma obiikhe Haruni tsingubo tsiobwesaalisi mbu lisati, ingubo ya efoti ekanzo yokhwebiikha ikulu wayo, esichengwa siokhusilifu nende omukhoba. 6Obohe esilemba khumurwekwe ma obohe khusilemba tsana esimanyilo siokhwahulwa esiahandikwakhwo, ‘Esiahanwa khu MWAMI.’ 7Ma obukule amafura kokhwemekhwa, okatsukhe khumurwekwe ma omubakhe nomwemekha okhuba omwesaalisi.
8“Oleere abasianibe ma obabiikhe amasati; 9obohe mubisienje biabwe etsivesti, ne khumirwe chiabwe obiikhekhwo etsikofia. Nimbwo okhoya okhwemekha Haruni nende abasianibe nende abolwibulo lwabwe nabaarumikhilenje singa abesaalisi inziayo.
10“Oleere echulukhi imbeli we Liheema liokhubaho khwanje ma obool'le Haruni nende abasiani baabe bare amakhono kabwe khumurwe kwayo. 11Wir're echulukhi iyo habwene yaho imbeli wanje inzienukhu habwinjil'lo bwe Liheema. 12Obukulekhwo khumatsahi kechulukhi iyo ma winemwo ebiterebio bibili ma okabakhe khumachina kolusambwa. Ma osundule amatsahi kandi kosi khumusinji kwolusambwa. 13Ma, obukule esinya yosi eli khubiomunda, esitonye esilahi esili khungurumani, nende etsisiko tsibili nesinya eli khutsio ma obisambe khulusambwa singa omusango khu ise. 14Nebutswa osambe inyama yechulukhi iyo, neliseelo liayo nende amala kayo esioba wekambi. Yiku nomusango kwokhulekhela tsimbi tsiabesaalisi.
15“Obukula esimeme silala ma obool'le Haruni nende abasianibe bare amakhono kabwe khumurwe kwasio. 16Osisinze ma obukule amatsahi kasio okamiitse khutsimbeka tsine etsiolusambwa. 17Okhalanie esimeme mubitonye; osaabe ebiomunda biasio nende ebilenje bieinyuma ma obire khumurwe nende khubimo biasio bindi. 18Osambe esimeme siosi nisili esichima khulusambwa, sibe omusango kwebiokhulia. Okhuhunya khwomusango yiku khunyanzisaianga okhusila.#Ef. 5:2; Fil. 4:18
19“Obukule esimeme sindi; esimeme esirumikhilwanga khulwo okhwemekha; ma obool'le Haruni nende abasiani baabe basirekhwo amakhono kabwe. 20Osisinze, ma obukulekhwo amatsahi kasio okare khwikhoba liesirwe siomukhono omusaatsa kwa Haruni nende khubirwi ebia abasiani baabe, khandi okare khumakhono kabwe amasaatsa nende khubino biabwe biesilenje siokhumukhono musaatsa ebibetsanga ebisiro. Amatsahi kandi okamiitse khutsimbeka tsine tsiolusambwa. 21Obukule khumatsahi akali khulusambwa nende amafura akabakhwa khulwokhwahulwa, ma okamiitse khu Haruni nende khutsingubo tsitsie khandi nende khubasianibe nende khutsingubo tsiabwe. Ye halala nabasianibe nende tsingubo tsiabwe nabahanwa khu ise okhuurumikhilanga.
22“Ohinie khusimeme esinya yasio, omusila kwesinya, esinya efuunikhanga ebiomunda, etsisiko tsibili etsilikhwo nesinya nende esinama siomukhono omusaatsa. 23Obukule buli omuhayila kwomukaati mulala khusieimbila yemikaati okhurula musikapo siemikaati echiahanwa khu MWAMI; omuhayila mulala khumukaati okwatekhelwa amafura komuseituni, nende okundi mulala okuratekhelwa amafura yako ma nende esibisikuti silala. 24Ore ebiokhulia yibi biosi mumakhono ka Haruni nende abasiani baabe, ma obabool'le babihaane khu ise singa esihanwa esichomekhe. 25Ma obibukule okhurula khubo ma obisambe khulusambwa, ikulu wemisango emisambe singa omusango kwebiokhulia khu ise. Okhuhunya khwomusango yiku khunyanzisianga okhusila.
26“Obukule ebiomusilifu biesimeme yisi ma obihaane khu ise singa esihanwa esichomekhe. Esitonye yisi khumusango nasibetsenje esisio.
27“Olwomwesaalisi arebwangakhwo omukhono kwobwesaalisi, ebiomusilifu nende esinama siesimeme esirumikhilwanga khumulukha kwokhurebwakhwo omukhono bihanwe khu ise singa esihanwa esichomekhe ma birebwe sibeka khulwa abesaalisi. 28Nobulalilo bwanje oburakalukhananga mbu olwabandu bahaananga emisango chiabwe chiobuhambani, ebiomusilifu nende esinama bibe ebiomwesaalisi. Yibi nebihanwa biabandu khu ise, OMWAMI.
29“Tsingubo tsia Haruni tsiobwesaalisi tsihanwe khubasiani baabe inyuma wokhufwakhwe, mbu bebiikhe olwa baba nibareywekhwo amakhono. 30Omusiani wa Haruni owakhaba omwesaalisi inyuma wokhufwa khwa Haruni khandi owinjilanga Mwiheema liokhubaho khwanje okhurumikha Habundu Hatsienukhu, akhoya okhwebiikha tsingubo yitsi khulwa amatukhu kane nakataru.
31“Obukule inyama yesimeme esirumikhilwanga khulwo omulukha kwokhurebwakhwo amakhono khu Haruni nende abasiani baabe ma ochitekhele mumaatsi habundu hatsienukhu. 32Mubwinjil'lo bwe Liheema liokhubaho khwanje, balileho inyama tsana halala nemikaati echiba nichisikaye musikapo. 33Bakhoya okhulia inyama eyarumikhilwa mumulukha kwokhulekhelwa tsimbi olwa barebwangakhwo amkhono. Abesaalisi bonyene nibo abalalia khubiokhulia yibi sichila nebiahanwa khu MWAMI. 34Nikakhaba mbu inyama yindi yakhoola litukhu lilondakhwo nesili okhulibwa nohomba kata omukaati, kho bisambwe. Biralibwa tawe sichila nebio MWAMI.
35“Okhole omulukha kwokhura khu Haruni nende abasianibe amakhono khulwa amatukhu kane nakataru singa butswa ndali okhukhulaka. 36Khusielitukhu okhwola ohaane omusango kwechulukhi kho tsimbi tsilekhelwe. Yiku kulasiiya olusambwa. Ma olutsienule namafura komuseituni okhuluhaana khu ise OMWAMI. 37Okholenje mbwo sielitukhu khulwa amatukhu kane na kataru. Ma nilwo olwolusambwa lulaba olutsienukhu okhusila ne omundu wosi nohomba esindu siosi esiakhahambakhwo, silasaalisibwa khulwo butsienukhu bwalwo.
Emisango chia bulitukhu
(Obub. 28:1-8)
38“Sielitukhu mumatukhu kosi aketsanga ohaanenje khulusambwa ebimeme biamakondi ebiemihika chibili. 39Ohaane silala mukamba tsuli ne esindi khumukolooba. 40Ohaane ekilo ndala yobusie bweingano isiyikhu netsokan'nemwo amafura komuseituni eliita ndala olwoba nohaananga esimeme siokhuranga. Otsukhe hasi eliita ndala yewaini ebe omusango. 41Ohaane omusango kwesimeme siakhabili hamukolooba, ne osihaane halala nekilo ndala yobusie bweingano nende amafura kemiseituni eliita ndala nende amafura kemiseituni eliita ndala nende ewaini singa okholanga mukamba. Yiku nomusango kwebiokhulia khu ise, OMWAMI, ne okhuhunya khwakwo khunyanzisianga okhusila. 42Mumatukhu kosi aketsanga, omusango omusambe yiku okhwola khuhanwe imbeli wanje mubwinjil'lo bwe Liheema liokhubaho khwanje. Yaho niho aha nanzakanenje nabandu nin'noma ninawe. 43Yaho niho aha nambukanenje nabandu ba Isiraeli, ne obukhongo bwokhumanyia mbu ndiho nabutsienulenje habundu yaho. 44Nanzienule Liheema nende olusambwa ma nambikhe Haruni nende abasianibe sibeka mbu barumikhilenje singa abesaalisi. 45Namenyenje mubandu ba Isiraeli khandi nabetsenje Nyasaye wabwe. 46Nabamanye mbu Nise OMWAMI Nyasaye wabwe owabahinia Emisiri kho mbe onyala okhumenya mubo. Ise nise OMWAMI Nyasaye wabwe.
Currently Selected:
OKHURULA 29: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 29
29
Amebaalo khu okhwahulwa khwa Haruni nende abasianibe singa abesaalisi
(Abal. 8:1-36)
1“Yaka niko aka nokhole khu Haruni nende abasianibe okhubarakhwo amakhono singa abesaalisi mumulimo kwanje. Obukule esimoosi siechulukhi silala nende ebimeme bibili ebiralikhwo nobulema bwosi tawe. 2Obukule obusie bweingano obulahi okhusila sila amamela ma olombekhwo emikaati norumikhilanga amafura komuseituni, ne echindi otekhe nichiralimwo amafura yako, ne echindi nachio chitekhwe singa etsichapati. 3Ochire musikapo ma ochihaane khu ise olwa ohaana omusango kwechulukhi nende okwebimeme.
4“Oleere Haruni halala nabasianibe habwinjil'lo bwe Liheema liokhubaho khwanje, ma obabool'le bakhole omulukha kwokhwesinga emibili chiabwe. 5Ma obiikhe Haruni tsingubo tsiobwesaalisi mbu lisati, ingubo ya efoti ekanzo yokhwebiikha ikulu wayo, esichengwa siokhusilifu nende omukhoba. 6Obohe esilemba khumurwekwe ma obohe khusilemba tsana esimanyilo siokhwahulwa esiahandikwakhwo, ‘Esiahanwa khu MWAMI.’ 7Ma obukule amafura kokhwemekhwa, okatsukhe khumurwekwe ma omubakhe nomwemekha okhuba omwesaalisi.
8“Oleere abasianibe ma obabiikhe amasati; 9obohe mubisienje biabwe etsivesti, ne khumirwe chiabwe obiikhekhwo etsikofia. Nimbwo okhoya okhwemekha Haruni nende abasianibe nende abolwibulo lwabwe nabaarumikhilenje singa abesaalisi inziayo.
10“Oleere echulukhi imbeli we Liheema liokhubaho khwanje ma obool'le Haruni nende abasiani baabe bare amakhono kabwe khumurwe kwayo. 11Wir're echulukhi iyo habwene yaho imbeli wanje inzienukhu habwinjil'lo bwe Liheema. 12Obukulekhwo khumatsahi kechulukhi iyo ma winemwo ebiterebio bibili ma okabakhe khumachina kolusambwa. Ma osundule amatsahi kandi kosi khumusinji kwolusambwa. 13Ma, obukule esinya yosi eli khubiomunda, esitonye esilahi esili khungurumani, nende etsisiko tsibili nesinya eli khutsio ma obisambe khulusambwa singa omusango khu ise. 14Nebutswa osambe inyama yechulukhi iyo, neliseelo liayo nende amala kayo esioba wekambi. Yiku nomusango kwokhulekhela tsimbi tsiabesaalisi.
15“Obukula esimeme silala ma obool'le Haruni nende abasianibe bare amakhono kabwe khumurwe kwasio. 16Osisinze ma obukule amatsahi kasio okamiitse khutsimbeka tsine etsiolusambwa. 17Okhalanie esimeme mubitonye; osaabe ebiomunda biasio nende ebilenje bieinyuma ma obire khumurwe nende khubimo biasio bindi. 18Osambe esimeme siosi nisili esichima khulusambwa, sibe omusango kwebiokhulia. Okhuhunya khwomusango yiku khunyanzisaianga okhusila.#Ef. 5:2; Fil. 4:18
19“Obukule esimeme sindi; esimeme esirumikhilwanga khulwo okhwemekha; ma obool'le Haruni nende abasiani baabe basirekhwo amakhono kabwe. 20Osisinze, ma obukulekhwo amatsahi kasio okare khwikhoba liesirwe siomukhono omusaatsa kwa Haruni nende khubirwi ebia abasiani baabe, khandi okare khumakhono kabwe amasaatsa nende khubino biabwe biesilenje siokhumukhono musaatsa ebibetsanga ebisiro. Amatsahi kandi okamiitse khutsimbeka tsine tsiolusambwa. 21Obukule khumatsahi akali khulusambwa nende amafura akabakhwa khulwokhwahulwa, ma okamiitse khu Haruni nende khutsingubo tsitsie khandi nende khubasianibe nende khutsingubo tsiabwe. Ye halala nabasianibe nende tsingubo tsiabwe nabahanwa khu ise okhuurumikhilanga.
22“Ohinie khusimeme esinya yasio, omusila kwesinya, esinya efuunikhanga ebiomunda, etsisiko tsibili etsilikhwo nesinya nende esinama siomukhono omusaatsa. 23Obukule buli omuhayila kwomukaati mulala khusieimbila yemikaati okhurula musikapo siemikaati echiahanwa khu MWAMI; omuhayila mulala khumukaati okwatekhelwa amafura komuseituni, nende okundi mulala okuratekhelwa amafura yako ma nende esibisikuti silala. 24Ore ebiokhulia yibi biosi mumakhono ka Haruni nende abasiani baabe, ma obabool'le babihaane khu ise singa esihanwa esichomekhe. 25Ma obibukule okhurula khubo ma obisambe khulusambwa, ikulu wemisango emisambe singa omusango kwebiokhulia khu ise. Okhuhunya khwomusango yiku khunyanzisianga okhusila.
26“Obukule ebiomusilifu biesimeme yisi ma obihaane khu ise singa esihanwa esichomekhe. Esitonye yisi khumusango nasibetsenje esisio.
27“Olwomwesaalisi arebwangakhwo omukhono kwobwesaalisi, ebiomusilifu nende esinama siesimeme esirumikhilwanga khumulukha kwokhurebwakhwo omukhono bihanwe khu ise singa esihanwa esichomekhe ma birebwe sibeka khulwa abesaalisi. 28Nobulalilo bwanje oburakalukhananga mbu olwabandu bahaananga emisango chiabwe chiobuhambani, ebiomusilifu nende esinama bibe ebiomwesaalisi. Yibi nebihanwa biabandu khu ise, OMWAMI.
29“Tsingubo tsia Haruni tsiobwesaalisi tsihanwe khubasiani baabe inyuma wokhufwakhwe, mbu bebiikhe olwa baba nibareywekhwo amakhono. 30Omusiani wa Haruni owakhaba omwesaalisi inyuma wokhufwa khwa Haruni khandi owinjilanga Mwiheema liokhubaho khwanje okhurumikha Habundu Hatsienukhu, akhoya okhwebiikha tsingubo yitsi khulwa amatukhu kane nakataru.
31“Obukule inyama yesimeme esirumikhilwanga khulwo omulukha kwokhurebwakhwo amakhono khu Haruni nende abasiani baabe ma ochitekhele mumaatsi habundu hatsienukhu. 32Mubwinjil'lo bwe Liheema liokhubaho khwanje, balileho inyama tsana halala nemikaati echiba nichisikaye musikapo. 33Bakhoya okhulia inyama eyarumikhilwa mumulukha kwokhulekhelwa tsimbi olwa barebwangakhwo amkhono. Abesaalisi bonyene nibo abalalia khubiokhulia yibi sichila nebiahanwa khu MWAMI. 34Nikakhaba mbu inyama yindi yakhoola litukhu lilondakhwo nesili okhulibwa nohomba kata omukaati, kho bisambwe. Biralibwa tawe sichila nebio MWAMI.
35“Okhole omulukha kwokhura khu Haruni nende abasianibe amakhono khulwa amatukhu kane nakataru singa butswa ndali okhukhulaka. 36Khusielitukhu okhwola ohaane omusango kwechulukhi kho tsimbi tsilekhelwe. Yiku kulasiiya olusambwa. Ma olutsienule namafura komuseituni okhuluhaana khu ise OMWAMI. 37Okholenje mbwo sielitukhu khulwa amatukhu kane na kataru. Ma nilwo olwolusambwa lulaba olutsienukhu okhusila ne omundu wosi nohomba esindu siosi esiakhahambakhwo, silasaalisibwa khulwo butsienukhu bwalwo.
Emisango chia bulitukhu
(Obub. 28:1-8)
38“Sielitukhu mumatukhu kosi aketsanga ohaanenje khulusambwa ebimeme biamakondi ebiemihika chibili. 39Ohaane silala mukamba tsuli ne esindi khumukolooba. 40Ohaane ekilo ndala yobusie bweingano isiyikhu netsokan'nemwo amafura komuseituni eliita ndala olwoba nohaananga esimeme siokhuranga. Otsukhe hasi eliita ndala yewaini ebe omusango. 41Ohaane omusango kwesimeme siakhabili hamukolooba, ne osihaane halala nekilo ndala yobusie bweingano nende amafura kemiseituni eliita ndala nende amafura kemiseituni eliita ndala nende ewaini singa okholanga mukamba. Yiku nomusango kwebiokhulia khu ise, OMWAMI, ne okhuhunya khwakwo khunyanzisianga okhusila. 42Mumatukhu kosi aketsanga, omusango omusambe yiku okhwola khuhanwe imbeli wanje mubwinjil'lo bwe Liheema liokhubaho khwanje. Yaho niho aha nanzakanenje nabandu nin'noma ninawe. 43Yaho niho aha nambukanenje nabandu ba Isiraeli, ne obukhongo bwokhumanyia mbu ndiho nabutsienulenje habundu yaho. 44Nanzienule Liheema nende olusambwa ma nambikhe Haruni nende abasianibe sibeka mbu barumikhilenje singa abesaalisi. 45Namenyenje mubandu ba Isiraeli khandi nabetsenje Nyasaye wabwe. 46Nabamanye mbu Nise OMWAMI Nyasaye wabwe owabahinia Emisiri kho mbe onyala okhumenya mubo. Ise nise OMWAMI Nyasaye wabwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019