OKHURULA 28
28
Etsikanzo tsia Besaalisi
(Okhur. 39:1-7)
1“Olange amwabowo Haruni halala nabasiani baabe Nadabu, Abihu, Eliasa nende Itsamari betse aholi. Obahule okhurula mubandu ba Isiraeli, mbu babe abanyala okhuurumikhila singa abesaalisi. 2Olombele amwabo uwo Haruni ekanzo yobwesaalisi, eyokhumukoosia nende okhumung'onia. 3Olange abalukhi bosi abandaha obusitsa ma obabool'le banabe tsingubo tsia Haruni mbu Haruni yahulwe singa Omwesaalisi muburumikhi bwanje. 4Obabool'le balombe esichengwa siokhusilifu, ingubo yemukari, efoti#28:4 Efoti Neingubo yomwesaalisi eyomukari., ekanzo lisati, esilemba nende evesti. Balombele amwabowo Haruni tsingubo tsiobwesaalisi yitsi halala nende abasiani baabe mbu baarumikhile singa abesaalisi. 5Abalukhi barumikhile obuusi bwabuluu, obusembe nende obwakhanyu, oluusi lwetsahabu nende ekatani isiyikhu.
6“Balombe ingubo ya efoti khubuusi bwabuluu, obusembe nende obwakhanyu nende obwetsahabu nekatani isiyikhu, ma eng'onibwe bulahi nende amahwa. 7Emikoye chiomumabeka chibili echiokhutiila efoti chinabilwe khubibafu bibili. 8Omukhoba omusiiyikhu kwomusienje okulombelwe khubuusi yibwo kunabilwe khu efoti yomwesaalisi ne kube esindu silala neingubo ya efoti tsana. 9Obukule amachina keshohamu kabili ma kahandikwekhwo amera kabasiani ba Yakobo likhumi nababili, 10Mubulondokhani bwokhwibulwa khwabwe, basasaba khwichina elala ne abandi basasaba khwichina lindi. 11Obukule omusitsa bwokhubatsa amachina mbu akunze khumachina kabili yako amera kabasiani ba Yakobo, ma ahome khumachina yako netsahabu. 12Akare khumabeka keingubo ya efoti okhukobokhela tsinzibulo tsia Isiraeli likhumi na chibili. Munjila yiyi, Haruni nachinge amera kabwe khumabeka kaake ma nakachile ise OMWAMI nanzitsul'lenje abandu banje. 13Olombe etsahabu esiakhabili, 14nende eminyololo chietsahabu echiabaswa singa tsimbuno ma ochire khutsahabu tsana.
Esilaka siokhusilifu
(Okhur. 39:8-21)
15“Olombe esichengwa siokhusilifu esio Mwesaalisi Omukhongo narumikhile okhumanyilisia obulalilo bwa Nyasaye. Silombwe khubuusi bweingubo ya efoti nende omulombo okufwana mbwo. 16Sibe esihelani tsimbeka tsiosi tsine ma sifumbwemwo khabili, sibe noburambi obuhela etsisentimita amakhumi kabili nachibili khandi obuchiikha etsisentimita bube mbwo. 17(Onabilekhwo tsinyaali tsine tsiamachina keshohamu; khulaini yokhuranga onabilekhwo etsilulu, eparaketo;#28:17 Yako namera kamachina keshohamu. 18Khulunyaali lwakhabili onabilekhwo emikoche, esafira, alumasi; 19Khulunyaali lwakhataru onabilekhwo yakinitso, ikhalama, ametsusto; 20ne khulunyaali lwakhane onabilekhwo zumaradi isiyikhu, amachina keshohamu nende yasipa. Yaka kosi kanabilwe mubifuuli bietsahabu). 21Sielala khumachina likhumi nakabili yaka lihandikwekhwo eliira elala khubasiani ba Yakobo okhukobokhela tsinzibulo tsia Isiraeli likhumi nende tsibili. 22Khuschengwa siokhusilifu olombelekhwo eminyololo chietsahabu isiyikhu, echibasilwe singa tsimbuno. 23Olombe tsingaka tsietsahabu tsibili ma ochinabile khutsikona tsibili etsiesichengwa siokhusilifu, 24ma obohe emikoye chiefetsa chibili khutsingaka tsibili tsana. 25Obohe elubeka undi wemikoye yichio khumatiilo kefetsa, ma mbwo ochinabile imbeli wemikoye emieyabala chieingubo ye efoti. 26Ma olombe tsingaka tsietsahabu tsibili ochinabile mutsikona tsibili etsiehasi wesichengwa siokhusilifu mukari mwasio ahembi nende ingubo ya efoti. 27Olombe tsingaka tsietsahabu tsindi tsibili ma otsinabile khumikoye emieyabala chieingubo ya efoti ahembi khwikosi khandi hekulu holukhoba olwalombwa bulahi. 28Obohe tsingaka tsiesichengwa siokhusilifu mukari mwasio ahembi nende ingubo ya efoti nende omukoye kwabuluu, kho esilaka siokhusilifu sibe hekulu wolukhoba ne sirakhatendeya tawe.
29“Olwa Haruni aba niyenjilanga Habundu Hatsienukhu, yebiikhe esichengwa siokhusilifu yisi nisilikhwo amera ketsinzibulo tsia Isiraeli, mbu ise OMWAMI nzitsul'lenje abandu banje khasotso. 30Ore Urimu nende Tsumimu#28:30 Urimu nende Tsumimu Ebindu b'bili yibi biarumikhilwanga nomwesaalisi okhumanyilisia obulalilo bwa Nyasaye. Singa biarumikhilwanga sikamanyikhile bulahi tawe. musichengwa yisi, mbu Haruni abetsenje n'nabio olwa yenjilanga imbeli wanje Habundu Hatsienukhu. Mutsisaa singa yitsio okhwola yebiikhenje esilaka siokhusilifu yisi kho abe onyala okhumanyilisia obulalilo bwanje khulwabandu ba Isiraeli. #Obub. 27:21; Okhuka. 33:8; Esira 2:63; Neh. 7:65
Tsingubo tsindi tsio Bwesaalisi
(Okhur. 39:22-31)
31“Ekanzo eyokhwebikha ikulu weingubo ya efoti elombwe khubuusi bwabuluu bwonyene. 32Elombwe nobweyangu bwomurwe okhwinjilamwo, ne omuluhu yikwo kusirwe bulahi bwene nende obuusi mbu ekanzo erandukha tawe. 33Khulusiche lwokhuchibotokhana yosi, obiikhekhwo amakomolu akanabwa nobuusi bwabuluu, obusembe obwakhanyu, kalondanenje nende etsikengele tsietsahabu. 34Buli ekengele yetsahabu elondwenje nende likomolu okhubotokhana khulusiche lwekanzo. 35Haruni yebiikhenje ekanzo yiyi olwaba nakholanga omulimo kwobwesaalisi. Olwa yenjila imbeli wanje habundu Hatsienukhu nohomba olwa aba narulangaho, etsikengele tsilakhupa ma abandu bahulile, naye salerwa tawe.
36“Olombe omukonze kwetsahabu isiyikhu ma ohandiikekhwo mbu, ‘Okwahanwa khu MWAMI.’ 37Okure imbeli wesilemba siomwesaalisi halala nomukoye kwabuluu. 38Haruni okubohe khubweni, kho mbu ise, OMWAMI mbuchil'le emisango chiosi echia Baisiraeli bamban'na, kata abandu nibakhakholakhwo obusiamu bwosi olwa baba nibamban'nanga.
39“Olukhe lisati lia Haruni liekatani isiyikhu ma khandi olombe esilemba siekatani isiyikhu khandi nende okhurula khubuusi obulahi.
40“Olombele abasiani ba Haruni amasati, etsivesti nende etsikofia okhubaha oluyali nende eng'oono. 41Obiikhe Haruni nende abasiani baabe tsingubo yitsi. Ma obarekhwo amakhono ma obahaane khu ise khulwo okhubatsukhil'lakhwo amafura komuseituni, mbu baarumikhilenje ise singa abesaalisi. 42Obalombele ebinyasa biekatani okhurula mus'sienje okhwola khumarango kho babule okhumanyia esihechenye siabwe esioba. 43Okhwola Haruni nabasianibe bebiikhenje ebinyasa yibi olwa benjila Mwiheema liokhubaho khwanje, nohomba olwa batsitsanga halusambwa okhuurumikhila ise singa abesaalisi be habundu hatsienukhu; mbu barerwa khulwe esihechenye siabwe tawe. Yili nelilako liokhurumikhilwa amatukhu kosi khu Haruni nende abolwibulolwe.
Currently Selected:
OKHURULA 28: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 28
28
Etsikanzo tsia Besaalisi
(Okhur. 39:1-7)
1“Olange amwabowo Haruni halala nabasiani baabe Nadabu, Abihu, Eliasa nende Itsamari betse aholi. Obahule okhurula mubandu ba Isiraeli, mbu babe abanyala okhuurumikhila singa abesaalisi. 2Olombele amwabo uwo Haruni ekanzo yobwesaalisi, eyokhumukoosia nende okhumung'onia. 3Olange abalukhi bosi abandaha obusitsa ma obabool'le banabe tsingubo tsia Haruni mbu Haruni yahulwe singa Omwesaalisi muburumikhi bwanje. 4Obabool'le balombe esichengwa siokhusilifu, ingubo yemukari, efoti#28:4 Efoti Neingubo yomwesaalisi eyomukari., ekanzo lisati, esilemba nende evesti. Balombele amwabowo Haruni tsingubo tsiobwesaalisi yitsi halala nende abasiani baabe mbu baarumikhile singa abesaalisi. 5Abalukhi barumikhile obuusi bwabuluu, obusembe nende obwakhanyu, oluusi lwetsahabu nende ekatani isiyikhu.
6“Balombe ingubo ya efoti khubuusi bwabuluu, obusembe nende obwakhanyu nende obwetsahabu nekatani isiyikhu, ma eng'onibwe bulahi nende amahwa. 7Emikoye chiomumabeka chibili echiokhutiila efoti chinabilwe khubibafu bibili. 8Omukhoba omusiiyikhu kwomusienje okulombelwe khubuusi yibwo kunabilwe khu efoti yomwesaalisi ne kube esindu silala neingubo ya efoti tsana. 9Obukule amachina keshohamu kabili ma kahandikwekhwo amera kabasiani ba Yakobo likhumi nababili, 10Mubulondokhani bwokhwibulwa khwabwe, basasaba khwichina elala ne abandi basasaba khwichina lindi. 11Obukule omusitsa bwokhubatsa amachina mbu akunze khumachina kabili yako amera kabasiani ba Yakobo, ma ahome khumachina yako netsahabu. 12Akare khumabeka keingubo ya efoti okhukobokhela tsinzibulo tsia Isiraeli likhumi na chibili. Munjila yiyi, Haruni nachinge amera kabwe khumabeka kaake ma nakachile ise OMWAMI nanzitsul'lenje abandu banje. 13Olombe etsahabu esiakhabili, 14nende eminyololo chietsahabu echiabaswa singa tsimbuno ma ochire khutsahabu tsana.
Esilaka siokhusilifu
(Okhur. 39:8-21)
15“Olombe esichengwa siokhusilifu esio Mwesaalisi Omukhongo narumikhile okhumanyilisia obulalilo bwa Nyasaye. Silombwe khubuusi bweingubo ya efoti nende omulombo okufwana mbwo. 16Sibe esihelani tsimbeka tsiosi tsine ma sifumbwemwo khabili, sibe noburambi obuhela etsisentimita amakhumi kabili nachibili khandi obuchiikha etsisentimita bube mbwo. 17(Onabilekhwo tsinyaali tsine tsiamachina keshohamu; khulaini yokhuranga onabilekhwo etsilulu, eparaketo;#28:17 Yako namera kamachina keshohamu. 18Khulunyaali lwakhabili onabilekhwo emikoche, esafira, alumasi; 19Khulunyaali lwakhataru onabilekhwo yakinitso, ikhalama, ametsusto; 20ne khulunyaali lwakhane onabilekhwo zumaradi isiyikhu, amachina keshohamu nende yasipa. Yaka kosi kanabilwe mubifuuli bietsahabu). 21Sielala khumachina likhumi nakabili yaka lihandikwekhwo eliira elala khubasiani ba Yakobo okhukobokhela tsinzibulo tsia Isiraeli likhumi nende tsibili. 22Khuschengwa siokhusilifu olombelekhwo eminyololo chietsahabu isiyikhu, echibasilwe singa tsimbuno. 23Olombe tsingaka tsietsahabu tsibili ma ochinabile khutsikona tsibili etsiesichengwa siokhusilifu, 24ma obohe emikoye chiefetsa chibili khutsingaka tsibili tsana. 25Obohe elubeka undi wemikoye yichio khumatiilo kefetsa, ma mbwo ochinabile imbeli wemikoye emieyabala chieingubo ye efoti. 26Ma olombe tsingaka tsietsahabu tsibili ochinabile mutsikona tsibili etsiehasi wesichengwa siokhusilifu mukari mwasio ahembi nende ingubo ya efoti. 27Olombe tsingaka tsietsahabu tsindi tsibili ma otsinabile khumikoye emieyabala chieingubo ya efoti ahembi khwikosi khandi hekulu holukhoba olwalombwa bulahi. 28Obohe tsingaka tsiesichengwa siokhusilifu mukari mwasio ahembi nende ingubo ya efoti nende omukoye kwabuluu, kho esilaka siokhusilifu sibe hekulu wolukhoba ne sirakhatendeya tawe.
29“Olwa Haruni aba niyenjilanga Habundu Hatsienukhu, yebiikhe esichengwa siokhusilifu yisi nisilikhwo amera ketsinzibulo tsia Isiraeli, mbu ise OMWAMI nzitsul'lenje abandu banje khasotso. 30Ore Urimu nende Tsumimu#28:30 Urimu nende Tsumimu Ebindu b'bili yibi biarumikhilwanga nomwesaalisi okhumanyilisia obulalilo bwa Nyasaye. Singa biarumikhilwanga sikamanyikhile bulahi tawe. musichengwa yisi, mbu Haruni abetsenje n'nabio olwa yenjilanga imbeli wanje Habundu Hatsienukhu. Mutsisaa singa yitsio okhwola yebiikhenje esilaka siokhusilifu yisi kho abe onyala okhumanyilisia obulalilo bwanje khulwabandu ba Isiraeli. #Obub. 27:21; Okhuka. 33:8; Esira 2:63; Neh. 7:65
Tsingubo tsindi tsio Bwesaalisi
(Okhur. 39:22-31)
31“Ekanzo eyokhwebikha ikulu weingubo ya efoti elombwe khubuusi bwabuluu bwonyene. 32Elombwe nobweyangu bwomurwe okhwinjilamwo, ne omuluhu yikwo kusirwe bulahi bwene nende obuusi mbu ekanzo erandukha tawe. 33Khulusiche lwokhuchibotokhana yosi, obiikhekhwo amakomolu akanabwa nobuusi bwabuluu, obusembe obwakhanyu, kalondanenje nende etsikengele tsietsahabu. 34Buli ekengele yetsahabu elondwenje nende likomolu okhubotokhana khulusiche lwekanzo. 35Haruni yebiikhenje ekanzo yiyi olwaba nakholanga omulimo kwobwesaalisi. Olwa yenjila imbeli wanje habundu Hatsienukhu nohomba olwa aba narulangaho, etsikengele tsilakhupa ma abandu bahulile, naye salerwa tawe.
36“Olombe omukonze kwetsahabu isiyikhu ma ohandiikekhwo mbu, ‘Okwahanwa khu MWAMI.’ 37Okure imbeli wesilemba siomwesaalisi halala nomukoye kwabuluu. 38Haruni okubohe khubweni, kho mbu ise, OMWAMI mbuchil'le emisango chiosi echia Baisiraeli bamban'na, kata abandu nibakhakholakhwo obusiamu bwosi olwa baba nibamban'nanga.
39“Olukhe lisati lia Haruni liekatani isiyikhu ma khandi olombe esilemba siekatani isiyikhu khandi nende okhurula khubuusi obulahi.
40“Olombele abasiani ba Haruni amasati, etsivesti nende etsikofia okhubaha oluyali nende eng'oono. 41Obiikhe Haruni nende abasiani baabe tsingubo yitsi. Ma obarekhwo amakhono ma obahaane khu ise khulwo okhubatsukhil'lakhwo amafura komuseituni, mbu baarumikhilenje ise singa abesaalisi. 42Obalombele ebinyasa biekatani okhurula mus'sienje okhwola khumarango kho babule okhumanyia esihechenye siabwe esioba. 43Okhwola Haruni nabasianibe bebiikhenje ebinyasa yibi olwa benjila Mwiheema liokhubaho khwanje, nohomba olwa batsitsanga halusambwa okhuurumikhila ise singa abesaalisi be habundu hatsienukhu; mbu barerwa khulwe esihechenye siabwe tawe. Yili nelilako liokhurumikhilwa amatukhu kosi khu Haruni nende abolwibulolwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019