OKHURULA 27
27
Olusambwa lwo khuhanwakhwo emisango misambwa
(Okhur. 38:1-7)
1“Olombe olusambwa okhurula khumusisia. Lube oluhelanu tsimbeka tsiosi mbu, etsimiita tsibili nende ebisubi b'bili oburambi khandi obuchiikha etsimiita tsibili nende ebisubi b'bili ne okhutsia ikulu lube emita ndala nende ebisubi bitaru. 2Olombe tsinzika tsine mutsikona tsine tsiolusambwa, tsinzika yitsio tsilaba esindu silala nende olusambwa ne siosi sifuunikhwe nende omukasa. 3Olombe tsinzio tsiokhuyoyelakhwo likokhe litsokan'ne nobunolu. Khandi olombe ebitiyo, tsindaabo, tsingaka nende ebifuria biokhutekhelakhwo. Ebindu yibi biosi bilombwe okhurula khumukasa. 4Olombe esing'enge siomukasa singa esibetsanga mumatirisha ma orekhwo tsingaka tsine etsiokhuluchinga mutsikona tsine tsiesing'enge yisio. 5Ma ore esing'enge yisio mulupao lwabotokhana olusambwa, lubukule enusu yolusambwa. 6Olombe emisaala chiokhuchingilakhwo okhurula khumusisia ma ofuunikhekhwo omukasa 7ma otsire mutsingaka buli elubeka wolusambwa, olwolusambwa lukingwanga. 8Olombe olusambwa khulupao ma olekhe lwalame okhulondokhana namang'ana kandakhumanyia noli khusikulu.
Okhusirwa khwe Liheema liokhubaho khwo MWAMI
(Okhur. 38:9-20)
9“Khulwo okhusira Liheema liokhubaho khwanje murumikhile etsipasia tsiekatani isiyikhu. Elubeka lwenandete oreho etsikatani tsioburambi obuhela etsimiita amakhumi kane natsine, 10nitsisungilwe khumisaala chiomukasa nitsili khubikuru biomukasa amakhumi kabili, nende ebifuuli netsisimbo etsialombwa khutsahabu. 11Khandi olubeka lwesinyolu lwe Liheema lukholwe mbwo. 12Olubeka lwemasaba lwe Liheema tsirebweho etsipasia tsihela etsimiita amakhumi kabili natsibili oburambi nende ebikhongo likhumi nende ebikuru likhumi. 13Elubeka lwebukwe we Liheema ahobwinjil'lo buli okhusirwa khwe Liheema khube etsimiita amakhumi kabili natsibili obubambukhu. 14-15Buli lubeka lwobwinjil'lo bareho etsipasia tsihela etsimiita tsisasaba nachisasaba nende ebikhongo bitaru nende ebikuru bitaru. 16Ne hobwinjil'lo bwene buli bareho ekatani yeingubo ehela etsimiita tsirano natsine oburambi eyalombwa khukatani isiyikhu eyanabilwa obuusi bwabulu, obusembe, nende epamba inzakhanyu, eyanabwakhwo amahwa amalahi. Eletel'lwe nende ebikhongo bine nende ebikuru bine hasi. 17Ebikhongo biosi ebiabotokhana olukaka bihambanibwe nende ebichuma biomukasa ne ebifuuli biabio tsilombwe okhurula khutsahabu ne ebikuru bilombwe okhurula khumukasa. 18Olukaka lwokhusira lube oburambi etsimiita amakhumi kane natsine ne obuchiikha etsimiita amakhumi kabili natsibili ne oburambi okhutsia ikulu etsimiita tsibili nebisubi bibili. Etsipasia yitsio tsilombwe khukatani isiyikhu ne mulwalo mulombelwe omukasa. 19Ebindu biosi ebirumikhilwa okhulomba Liheema nende ebibambo biokhutila Liheema kata nende ebialomba olukaka lwokhusira bilombwe khu mukasa.
Obwokhulinda etaya
(Abal. 24:1-4)
20“Ibe olache Abaisiraeli okhuleera amafura kemiseituni akali amalahi okhusila khulwokhurebwa mutaya, kho etaya ebe enyala khuhambibwa buli mukolooba. 21Haruni nende abasiani baabe bahambie etaya Mwiheema liokhubaho khwanje esioba weperisia eli imbeli we Lisanduku lie Indakano. Habwene yaho mutsimoni tsianje etaya iyo yatukhe okhurula mukolooba okhwola mukamba tsuli. Lilako yili lilindwe khulwe inziayo nende Abaisiraeli halala nende abolwibulo lwabwe.
Currently Selected:
OKHURULA 27: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 27
27
Olusambwa lwo khuhanwakhwo emisango misambwa
(Okhur. 38:1-7)
1“Olombe olusambwa okhurula khumusisia. Lube oluhelanu tsimbeka tsiosi mbu, etsimiita tsibili nende ebisubi b'bili oburambi khandi obuchiikha etsimiita tsibili nende ebisubi b'bili ne okhutsia ikulu lube emita ndala nende ebisubi bitaru. 2Olombe tsinzika tsine mutsikona tsine tsiolusambwa, tsinzika yitsio tsilaba esindu silala nende olusambwa ne siosi sifuunikhwe nende omukasa. 3Olombe tsinzio tsiokhuyoyelakhwo likokhe litsokan'ne nobunolu. Khandi olombe ebitiyo, tsindaabo, tsingaka nende ebifuria biokhutekhelakhwo. Ebindu yibi biosi bilombwe okhurula khumukasa. 4Olombe esing'enge siomukasa singa esibetsanga mumatirisha ma orekhwo tsingaka tsine etsiokhuluchinga mutsikona tsine tsiesing'enge yisio. 5Ma ore esing'enge yisio mulupao lwabotokhana olusambwa, lubukule enusu yolusambwa. 6Olombe emisaala chiokhuchingilakhwo okhurula khumusisia ma ofuunikhekhwo omukasa 7ma otsire mutsingaka buli elubeka wolusambwa, olwolusambwa lukingwanga. 8Olombe olusambwa khulupao ma olekhe lwalame okhulondokhana namang'ana kandakhumanyia noli khusikulu.
Okhusirwa khwe Liheema liokhubaho khwo MWAMI
(Okhur. 38:9-20)
9“Khulwo okhusira Liheema liokhubaho khwanje murumikhile etsipasia tsiekatani isiyikhu. Elubeka lwenandete oreho etsikatani tsioburambi obuhela etsimiita amakhumi kane natsine, 10nitsisungilwe khumisaala chiomukasa nitsili khubikuru biomukasa amakhumi kabili, nende ebifuuli netsisimbo etsialombwa khutsahabu. 11Khandi olubeka lwesinyolu lwe Liheema lukholwe mbwo. 12Olubeka lwemasaba lwe Liheema tsirebweho etsipasia tsihela etsimiita amakhumi kabili natsibili oburambi nende ebikhongo likhumi nende ebikuru likhumi. 13Elubeka lwebukwe we Liheema ahobwinjil'lo buli okhusirwa khwe Liheema khube etsimiita amakhumi kabili natsibili obubambukhu. 14-15Buli lubeka lwobwinjil'lo bareho etsipasia tsihela etsimiita tsisasaba nachisasaba nende ebikhongo bitaru nende ebikuru bitaru. 16Ne hobwinjil'lo bwene buli bareho ekatani yeingubo ehela etsimiita tsirano natsine oburambi eyalombwa khukatani isiyikhu eyanabilwa obuusi bwabulu, obusembe, nende epamba inzakhanyu, eyanabwakhwo amahwa amalahi. Eletel'lwe nende ebikhongo bine nende ebikuru bine hasi. 17Ebikhongo biosi ebiabotokhana olukaka bihambanibwe nende ebichuma biomukasa ne ebifuuli biabio tsilombwe okhurula khutsahabu ne ebikuru bilombwe okhurula khumukasa. 18Olukaka lwokhusira lube oburambi etsimiita amakhumi kane natsine ne obuchiikha etsimiita amakhumi kabili natsibili ne oburambi okhutsia ikulu etsimiita tsibili nebisubi bibili. Etsipasia yitsio tsilombwe khukatani isiyikhu ne mulwalo mulombelwe omukasa. 19Ebindu biosi ebirumikhilwa okhulomba Liheema nende ebibambo biokhutila Liheema kata nende ebialomba olukaka lwokhusira bilombwe khu mukasa.
Obwokhulinda etaya
(Abal. 24:1-4)
20“Ibe olache Abaisiraeli okhuleera amafura kemiseituni akali amalahi okhusila khulwokhurebwa mutaya, kho etaya ebe enyala khuhambibwa buli mukolooba. 21Haruni nende abasiani baabe bahambie etaya Mwiheema liokhubaho khwanje esioba weperisia eli imbeli we Lisanduku lie Indakano. Habwene yaho mutsimoni tsianje etaya iyo yatukhe okhurula mukolooba okhwola mukamba tsuli. Lilako yili lilindwe khulwe inziayo nende Abaisiraeli halala nende abolwibulo lwabwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019