OKHURULA 26
26
Liheema liokhubaho khwo MWAMI
(Okhur. 36:8-38)
1“Mukari mwe Liheema litsienukhu, Liheema liokhubaho khwanje, olombelemwo ebitonye likhumi bieingubo yekatani isiyikhu eyanabilwa obusi bwobukondo bwabulu, obusembe nende obwakhanyu khutsikatani yitsio onabilekhwo ebilombe bietsimbaha. 2Buli esitonye silombwe okhuhelana nende ebitonye bindi. Oburambi bwabuli esitonye bube etsimiita likhumi natsibili ne obuchiikha etsimiita tsibili. 3Ebitonye birano bietsingubo tsiekatani binabwe halala, khandi birano bindi binabwe halala. 4Olombe ebifuuli biemiluhu, ebianabwa okhurula khungubo yabuluu khundulo esioba wabuli ebitonye birano ebianabwa halala. 5Onabile ebifuuli biemiluhu amakhumi karano khutsikatani tsiokhurunga khandi ebifuuli biemiluhu amakhumi karano khutsikatani tsia khabili. Ebifuuli yibio bihengane nende ebiokhuranga. 6Olombe tsingaka tsiefetsa amakhumi karano khulwo okhuhambania etsikani tsiokhuranga nende etsiakhabili okhuba ingubo ndala.
7“Olombe esifuunikho sie Liheema okhurula khubitonye likhumi nasil'la bieingubo eyalombwa khubwoya bweimbusi. 8Biosi bilombwe ebihelanu, buli esitonye sibe etsimiita likhumi natsitaru oburambi ne obuchiikha etsimiita tsibili. 9Onabe okhuhambania ebitonye birano okhuba khubwabio. Ne bisasaba bindi bihambanibwe okhuba khubwabio. Esitonye siakhasasaba sifumbwemwo hali khabili ma sirebwe imbeli we Liheema 10Olombe ebifuuli biemiluhu amakhumi karano khundulo khwesitonye siokhumal'likha khungubo yokhuranga khandi ebifuuli biemiluhu amakhumi karano khundulo khweingubo yakhabili. 11Khandi olombe tsingaka tsiomukasa amakhumi karano ma otsire mubifuuli biemiluhu khulwo okhuhongania ebitonye bietsingubo bibili yibio khulwokhulomba ingubo ndala eyokhufuunikha. 12Ingubo esikalanga enusu esungwe emukongo we Liheema. 13Ne ingubo esikalanga etsisentimita amakhumi karano yelele mutsimbafu tsie Liheema khulwo khulifuunikha.
14“Olombe ebifuunikho bie Liheema bindi bibili okhurula khumaseelo kamakondi, elala khuko linikhwe murangi inzakhanyu ne elindi libe liseelo lisiyikhu eliokhufuunikhakhwo ikulu.
15“Olombe ebikhongo biokhusingisia Liheema okhurula khumisaala chiomusisia. 16Buli esikhongo sibe noburambi obuhela etsimiita tsine ne obubambukhu bube etsisentimita amakhumi kasasaba nachisasaba 17nende tsinzika tsibili khulwokhuhongania ebikhongo. Ebikhongo biosi bibe nemisaala chiokhuhambania. 18Olombe ebikhongo amakhumi kabili ebiokhurebwa elubeka lwenandete lwe Liheema, 19nende ebikuru biomukasa amakhumi kane khulwokhurebwa isi we Liheema, ebikuru bibili khubuli esikhongo khulwokhuleeta inzika. 20Olombe ebikhongo amakhumi kabili ebiokhurebwa esinyolu we Liheema 21nende ebikuru bietsahabu amakhumi kane isi we Liheema, buli ebikuru bibili khubuli esikhongo. 22Emukongo we Liheema, elubeka lwemasaba, olombe ebikuru bisasaba 23nende ebikhongo bibili mutsikona tsie Liheema. 24Ebikhongo biemutsikona bihambanibwe isi watsio khandi bihambanibwe ikulu we Liheema. Ebikhongo bibili ebilombanga etsikona tsibili bikhoyele okhulombwa mbwo. 25Kho khulaba nebikhongo munane nende ebikuru bietsahabu likhumi nabisasaba hasi watsio, ebikuru bibili isi wabuli esikhongo.
26“Olombe chisimbo likhumi nachirano okhurula khumisaala chiemisisia, chirano khulubeka l'lala lwe Liheema, 27chirano chibe elubeka lundi lwe Liheema, ne chirano chindi chirebwe khubikhongo ebili emasaba we Liheema, emukongo we Liheema. 28Olusimbo oluli hakari, lwabukhanie ohureywe hakari webikhongo okhurula khubeleka l'lalalwe, Liheema okhwola khulubeka lundi. 29Ebikhongo bifuunikhwe nende etsahabu, khandi tsingaka tsietsahabu tsirebwe khubikhongo khulwokhutiila tsisimbo. Tsisimbo yitsio khandi natsio tsifuunikhwe nende etsahabu. 30Osinjisie Liheema singa obwa ndakhumanyia noli khusikulu.
31“Olombe epasia yekatani isiyikhu eyanabilwa khungubo obuusi bwabuluu, obusembe nende obwakhanyu. Munabile khuyo ebilombe bietsimbaha. 32Muchisunge khubikhongo bine ebialombwa okhurula khumusaala kwomusisia okhwafuunikhwa nende etsahabu, khandi esiarebwakhwo tsingaka tsine etsiarebwa khubikuru bialombwa khutsahabu. 33Musunge ebitambaya khutsingaka tsia pangwa mwikulu mwe Liheema. Ma mure Lisanduku lie Indakano, elilimwo amachina kabili amapapal'le inyuma webitambaya bisungile. Esitambaya sisungile sitsa khwabukhania Habundu Hatsienukhu okhurula khu Habundu Hatsienukhu okhusila.#Heb. 6:19; 9:3-5 34Mure esifuunikho khu Lisanduku lie Indakano. 35Ha sioba ha Habundu Atsienukhu okhusila ore emesa khu lubeka lwe esinyolu lwe Liheema ne esihani siokhurakhwo etaya sirebwe elubeka lwe nandete.
36“Mubwinjilo bwe Liheema, muremwo epasia eyanabilwa obuusi bwabuluu, obusembe nende obwakhanyu, eyang'oonibwa khulwokhunabilakhwo amahwa. 37Epasia y'yio elombelwe ebikhongo birano ebialombwa khumisaala chiemisisia ebiafuunikhwa nende etsahabu khandi ebiarebwakhwo tsingaka tsietsahabu, olombe ebikuru biomukasa birano ebiokhurebwakhwo ebikhongo yibi.
Currently Selected:
OKHURULA 26: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 26
26
Liheema liokhubaho khwo MWAMI
(Okhur. 36:8-38)
1“Mukari mwe Liheema litsienukhu, Liheema liokhubaho khwanje, olombelemwo ebitonye likhumi bieingubo yekatani isiyikhu eyanabilwa obusi bwobukondo bwabulu, obusembe nende obwakhanyu khutsikatani yitsio onabilekhwo ebilombe bietsimbaha. 2Buli esitonye silombwe okhuhelana nende ebitonye bindi. Oburambi bwabuli esitonye bube etsimiita likhumi natsibili ne obuchiikha etsimiita tsibili. 3Ebitonye birano bietsingubo tsiekatani binabwe halala, khandi birano bindi binabwe halala. 4Olombe ebifuuli biemiluhu, ebianabwa okhurula khungubo yabuluu khundulo esioba wabuli ebitonye birano ebianabwa halala. 5Onabile ebifuuli biemiluhu amakhumi karano khutsikatani tsiokhurunga khandi ebifuuli biemiluhu amakhumi karano khutsikatani tsia khabili. Ebifuuli yibio bihengane nende ebiokhuranga. 6Olombe tsingaka tsiefetsa amakhumi karano khulwo okhuhambania etsikani tsiokhuranga nende etsiakhabili okhuba ingubo ndala.
7“Olombe esifuunikho sie Liheema okhurula khubitonye likhumi nasil'la bieingubo eyalombwa khubwoya bweimbusi. 8Biosi bilombwe ebihelanu, buli esitonye sibe etsimiita likhumi natsitaru oburambi ne obuchiikha etsimiita tsibili. 9Onabe okhuhambania ebitonye birano okhuba khubwabio. Ne bisasaba bindi bihambanibwe okhuba khubwabio. Esitonye siakhasasaba sifumbwemwo hali khabili ma sirebwe imbeli we Liheema 10Olombe ebifuuli biemiluhu amakhumi karano khundulo khwesitonye siokhumal'likha khungubo yokhuranga khandi ebifuuli biemiluhu amakhumi karano khundulo khweingubo yakhabili. 11Khandi olombe tsingaka tsiomukasa amakhumi karano ma otsire mubifuuli biemiluhu khulwo okhuhongania ebitonye bietsingubo bibili yibio khulwokhulomba ingubo ndala eyokhufuunikha. 12Ingubo esikalanga enusu esungwe emukongo we Liheema. 13Ne ingubo esikalanga etsisentimita amakhumi karano yelele mutsimbafu tsie Liheema khulwo khulifuunikha.
14“Olombe ebifuunikho bie Liheema bindi bibili okhurula khumaseelo kamakondi, elala khuko linikhwe murangi inzakhanyu ne elindi libe liseelo lisiyikhu eliokhufuunikhakhwo ikulu.
15“Olombe ebikhongo biokhusingisia Liheema okhurula khumisaala chiomusisia. 16Buli esikhongo sibe noburambi obuhela etsimiita tsine ne obubambukhu bube etsisentimita amakhumi kasasaba nachisasaba 17nende tsinzika tsibili khulwokhuhongania ebikhongo. Ebikhongo biosi bibe nemisaala chiokhuhambania. 18Olombe ebikhongo amakhumi kabili ebiokhurebwa elubeka lwenandete lwe Liheema, 19nende ebikuru biomukasa amakhumi kane khulwokhurebwa isi we Liheema, ebikuru bibili khubuli esikhongo khulwokhuleeta inzika. 20Olombe ebikhongo amakhumi kabili ebiokhurebwa esinyolu we Liheema 21nende ebikuru bietsahabu amakhumi kane isi we Liheema, buli ebikuru bibili khubuli esikhongo. 22Emukongo we Liheema, elubeka lwemasaba, olombe ebikuru bisasaba 23nende ebikhongo bibili mutsikona tsie Liheema. 24Ebikhongo biemutsikona bihambanibwe isi watsio khandi bihambanibwe ikulu we Liheema. Ebikhongo bibili ebilombanga etsikona tsibili bikhoyele okhulombwa mbwo. 25Kho khulaba nebikhongo munane nende ebikuru bietsahabu likhumi nabisasaba hasi watsio, ebikuru bibili isi wabuli esikhongo.
26“Olombe chisimbo likhumi nachirano okhurula khumisaala chiemisisia, chirano khulubeka l'lala lwe Liheema, 27chirano chibe elubeka lundi lwe Liheema, ne chirano chindi chirebwe khubikhongo ebili emasaba we Liheema, emukongo we Liheema. 28Olusimbo oluli hakari, lwabukhanie ohureywe hakari webikhongo okhurula khubeleka l'lalalwe, Liheema okhwola khulubeka lundi. 29Ebikhongo bifuunikhwe nende etsahabu, khandi tsingaka tsietsahabu tsirebwe khubikhongo khulwokhutiila tsisimbo. Tsisimbo yitsio khandi natsio tsifuunikhwe nende etsahabu. 30Osinjisie Liheema singa obwa ndakhumanyia noli khusikulu.
31“Olombe epasia yekatani isiyikhu eyanabilwa khungubo obuusi bwabuluu, obusembe nende obwakhanyu. Munabile khuyo ebilombe bietsimbaha. 32Muchisunge khubikhongo bine ebialombwa okhurula khumusaala kwomusisia okhwafuunikhwa nende etsahabu, khandi esiarebwakhwo tsingaka tsine etsiarebwa khubikuru bialombwa khutsahabu. 33Musunge ebitambaya khutsingaka tsia pangwa mwikulu mwe Liheema. Ma mure Lisanduku lie Indakano, elilimwo amachina kabili amapapal'le inyuma webitambaya bisungile. Esitambaya sisungile sitsa khwabukhania Habundu Hatsienukhu okhurula khu Habundu Hatsienukhu okhusila.#Heb. 6:19; 9:3-5 34Mure esifuunikho khu Lisanduku lie Indakano. 35Ha sioba ha Habundu Atsienukhu okhusila ore emesa khu lubeka lwe esinyolu lwe Liheema ne esihani siokhurakhwo etaya sirebwe elubeka lwe nandete.
36“Mubwinjilo bwe Liheema, muremwo epasia eyanabilwa obuusi bwabuluu, obusembe nende obwakhanyu, eyang'oonibwa khulwokhunabilakhwo amahwa. 37Epasia y'yio elombelwe ebikhongo birano ebialombwa khumisaala chiemisisia ebiafuunikhwa nende etsahabu khandi ebiarebwakhwo tsingaka tsietsahabu, olombe ebikuru biomukasa birano ebiokhurebwakhwo ebikhongo yibi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019