OKHURULA 19
19
Abaisiraeli nibali ha Sikulu sia Sinai
1Khwitukhu liokhuranga khumwesi kwakhataru olwa Baisiraeli bali nibamal'le okhurula Emisiri, boola musitsiimi sia Sinai. 2Bali nibachend'e okhurula Refidimu ma nibool'le musitsiimi sia Sinai. Kho bamala nibakhoma ekambi yabwe ebwene y'yo hasikulu sia Sinai. 3Ma Musa niyanichila khusikulu okhutsia okhwakaana nende Nyasaye.
OMWAMI nalanga Musa nali khusikulu ma namubool'la abool'le Abaisiraeli, abolwibulo lwa Yakobo mbu, 4“Mwali okhulola ake ise OMWAMI ndakhol'la Abaamisiri khandi singa obwa ndamubukula mumbaha tsianje singa inditsu echinganga ebiminywi biayo mumbaha tsiayo, ma nimuleera okhwola hano. 5Luno nimuba nimumbulile ma nimulonda indakano yanje, namube abandu banje. Esibala siosi nesianje, nebutswa inywe namube abandu banje abelwa,#Okhuka. 4:20; 7:6; 14:2; 26:18; Tito 2:14#1 Pet. 2:9 6abandu bahanwa khu ise sienyene, ne namuurumikhile singa abesaalisi.”#Okhub. 1:6; 5:10 7Kho Musa yaselenjera ma nalanga abemeli ba Baisiraeli halala ma nababool'la kosi ako MWAMI yali namubooleye. 8Abandu bosi nibakalusia halala nibaboola mbu, “Nakhukhole kosi ako MWAMI abooye,” ma Musa nabool'la OMWAMI akene yaka.
9OMWAMI nabool'la Musa mbu, “Nanzikhe khwinywe nindi mwilumbesi lisiro, kho mbu abandu nabambul'le nin'nomanga n'nawe, ma nabakhusubilenje okhurula olwaleelo.”
Musa nabool'la OMWAMI akabandu bali nibabooye, 10ma OMWAMI namubool'la mbu, “Otsie khubandu ma obabool'le besiiye olwaleelo nende litukhu liamukamba niberechekhelanga okhwekayakaya. Okhwola basaabe tsingubo tsiabwe 11ma berechekhe litukhu lianalilonde mukamba. Khwitukhu yilio nanzikhile khusikulu sia Sinai ahabandu bosi banyala okhundola. 12Ware olwakho okhubotokhana esikulu mbu abandu baralusiila tawe, ma obabool'le baranina esikulu nohomba kata okhwesunda ahembi khusio tawe. Omundu wosi naba naseena esilenjesie khusikulu okhwola yerwe;#Heb. 12:18-20 13okhwola alaswe namachina nohomba yerwe netsisele, omundu wosi naramutil'lekhwo tawe. Kano nakekhole khubandu nende khumiruko; okhwola biosi birwe. Nebutswa olwolwika luba nilukhupilwe, nilwo olwa abandu banyala okhwanichila khusikulu.”
14Ma Musa naselenjera okhurula khusikulu ma nabool'la abandu berechekhe okhwekayakaya. Kho basaabe tsingubo tsiabwe, 15ma Musa nababool'la mbu, “Mwerechekhe khwitukhu elilonda mukamba ne omundu arabbakhwo nomukhasi okhwola olwene yilwo tawe.”
16Khumukamba kwelitukhu liakhataru, khwaliho nende ikhupa nende tsimbeni nende lilumbesi lisiro khusikulu ma okhwanukha khwolwika okhukali nikhuhul'likha. Abandu bosi mukambi batechela khulwo oburi.#Okhub. 4:5#Okhuka. 4:11-12 17Musa yabemel'la okhurula mukambi okhutsia okhwakaana nende Nyasaye, ma nibasinjila hasikulu. 18Omwosi kwetsula khusikulu sia Sinai siosi sichila OMWAMI yali niyekhele khusio mumul'lo. Omwosi kwatuuma nikuhenga mwikulu singa omwosi okutuumanga khusitioli esikali ma abandu bosi nibatechela obutinyu. 19Okhwanukha khwolwika khwameetekha okhuba okhukali okhusila. Musa yal'loma, ne Nyasaye namukalusia nomuhukumo omukali. 20OMWAMI yekha khusikulu sia Sinai ma nalanga Musa okhwanichila khubutenje bwesikulu. Musa yanichilayo 21ma OMWAMI namubool'la mbu, “Selenjera hasi ma okaye abandu balekhe okhukhalania olwakho okhwitsa okhumenga m'moni; nibakhola mbwo, abenji khubo bakhafwa. 22Kata abesaalisi ababetsanga ahembi khu ise okhwola besiiye abene khase ndakhabaha esinyasio.”
23Musa nabool'la OMWAMI mbu, “Abandu sibanyala okhwanichila yino tawe. Sichila ibe wakhulaka mbu okhwola khumanye mbu esikulu nesitsienukhu ma khware olwakho okhusibotokhana.”
24OMWAMI namukalusia mbu, “Selenjera hasi ma witse nende Haruni. Nebutswa abesaalisi nende abandu bosi barasiilakhwo olwakho okhwitsa khu ise tawe, khase ndakhabaha esinyasio.” 25Musa yamala naselenjera ahabandu bali ma nababool'la ako MWAMI yali nabooye.
Currently Selected:
OKHURULA 19: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 19
19
Abaisiraeli nibali ha Sikulu sia Sinai
1Khwitukhu liokhuranga khumwesi kwakhataru olwa Baisiraeli bali nibamal'le okhurula Emisiri, boola musitsiimi sia Sinai. 2Bali nibachend'e okhurula Refidimu ma nibool'le musitsiimi sia Sinai. Kho bamala nibakhoma ekambi yabwe ebwene y'yo hasikulu sia Sinai. 3Ma Musa niyanichila khusikulu okhutsia okhwakaana nende Nyasaye.
OMWAMI nalanga Musa nali khusikulu ma namubool'la abool'le Abaisiraeli, abolwibulo lwa Yakobo mbu, 4“Mwali okhulola ake ise OMWAMI ndakhol'la Abaamisiri khandi singa obwa ndamubukula mumbaha tsianje singa inditsu echinganga ebiminywi biayo mumbaha tsiayo, ma nimuleera okhwola hano. 5Luno nimuba nimumbulile ma nimulonda indakano yanje, namube abandu banje. Esibala siosi nesianje, nebutswa inywe namube abandu banje abelwa,#Okhuka. 4:20; 7:6; 14:2; 26:18; Tito 2:14#1 Pet. 2:9 6abandu bahanwa khu ise sienyene, ne namuurumikhile singa abesaalisi.”#Okhub. 1:6; 5:10 7Kho Musa yaselenjera ma nalanga abemeli ba Baisiraeli halala ma nababool'la kosi ako MWAMI yali namubooleye. 8Abandu bosi nibakalusia halala nibaboola mbu, “Nakhukhole kosi ako MWAMI abooye,” ma Musa nabool'la OMWAMI akene yaka.
9OMWAMI nabool'la Musa mbu, “Nanzikhe khwinywe nindi mwilumbesi lisiro, kho mbu abandu nabambul'le nin'nomanga n'nawe, ma nabakhusubilenje okhurula olwaleelo.”
Musa nabool'la OMWAMI akabandu bali nibabooye, 10ma OMWAMI namubool'la mbu, “Otsie khubandu ma obabool'le besiiye olwaleelo nende litukhu liamukamba niberechekhelanga okhwekayakaya. Okhwola basaabe tsingubo tsiabwe 11ma berechekhe litukhu lianalilonde mukamba. Khwitukhu yilio nanzikhile khusikulu sia Sinai ahabandu bosi banyala okhundola. 12Ware olwakho okhubotokhana esikulu mbu abandu baralusiila tawe, ma obabool'le baranina esikulu nohomba kata okhwesunda ahembi khusio tawe. Omundu wosi naba naseena esilenjesie khusikulu okhwola yerwe;#Heb. 12:18-20 13okhwola alaswe namachina nohomba yerwe netsisele, omundu wosi naramutil'lekhwo tawe. Kano nakekhole khubandu nende khumiruko; okhwola biosi birwe. Nebutswa olwolwika luba nilukhupilwe, nilwo olwa abandu banyala okhwanichila khusikulu.”
14Ma Musa naselenjera okhurula khusikulu ma nabool'la abandu berechekhe okhwekayakaya. Kho basaabe tsingubo tsiabwe, 15ma Musa nababool'la mbu, “Mwerechekhe khwitukhu elilonda mukamba ne omundu arabbakhwo nomukhasi okhwola olwene yilwo tawe.”
16Khumukamba kwelitukhu liakhataru, khwaliho nende ikhupa nende tsimbeni nende lilumbesi lisiro khusikulu ma okhwanukha khwolwika okhukali nikhuhul'likha. Abandu bosi mukambi batechela khulwo oburi.#Okhub. 4:5#Okhuka. 4:11-12 17Musa yabemel'la okhurula mukambi okhutsia okhwakaana nende Nyasaye, ma nibasinjila hasikulu. 18Omwosi kwetsula khusikulu sia Sinai siosi sichila OMWAMI yali niyekhele khusio mumul'lo. Omwosi kwatuuma nikuhenga mwikulu singa omwosi okutuumanga khusitioli esikali ma abandu bosi nibatechela obutinyu. 19Okhwanukha khwolwika khwameetekha okhuba okhukali okhusila. Musa yal'loma, ne Nyasaye namukalusia nomuhukumo omukali. 20OMWAMI yekha khusikulu sia Sinai ma nalanga Musa okhwanichila khubutenje bwesikulu. Musa yanichilayo 21ma OMWAMI namubool'la mbu, “Selenjera hasi ma okaye abandu balekhe okhukhalania olwakho okhwitsa okhumenga m'moni; nibakhola mbwo, abenji khubo bakhafwa. 22Kata abesaalisi ababetsanga ahembi khu ise okhwola besiiye abene khase ndakhabaha esinyasio.”
23Musa nabool'la OMWAMI mbu, “Abandu sibanyala okhwanichila yino tawe. Sichila ibe wakhulaka mbu okhwola khumanye mbu esikulu nesitsienukhu ma khware olwakho okhusibotokhana.”
24OMWAMI namukalusia mbu, “Selenjera hasi ma witse nende Haruni. Nebutswa abesaalisi nende abandu bosi barasiilakhwo olwakho okhwitsa khu ise tawe, khase ndakhabaha esinyasio.” 25Musa yamala naselenjera ahabandu bali ma nababool'la ako MWAMI yali nabooye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019