OKHURULA 18
18
Yetsero yakonya Musa
1Kukanyene Musa Yetsero, omwesaalisi wa Midiani yahul'la kosi aka Nyasaye yali nakholeye Musa nende abandu ba Isiraeli olwa yabahiinia Emisiri. 2Kho Yetsero niyetsa khu Musa namuler'ranga omukhasiwe Sipora owa Musa yali niyalekha inyuma,#Okhur. 2:21-22 3halala nende abasiani ba Sipora babili, Gerishoni nende Eliasa. (Musa yali niyaboola mbu, “Ise ndali nindamenyibwa musibala esicheni”; kho yali niyakulikha mulala khubasiani babe Gerishoni#18:3 Gerishoni Eliira yili Muluheburania liboolanga owamenyibwa.. #Ebikh. 7:29 4Khandi yali niyaboola mbu, “Nyasaye wa papa wanje yali okhukhonya ma niyasoola mbu ndekhe okhwirwa nomuruchi we Misiri”; kho yamala nakulikha omusiani we undi Eliasa#18:4 Eliasa Eliira yili Muluheburania liboolanga OMWAMI yakhonyanga..) 5Yetsero yetsa halala nomukhasi wa Musa nali nabasianibe babili musitsiimi aha Musa yali nakhupile ekambi hasikulu esitsienukhu. 6Yali narumanisie ling'ana khu Musa mbu beetsanga, 7Kho Musa yatsia okhumubukan'na namwinamila ma namutsunzuna. Bareebana akobulamu bwabwe ma nibatsia mwiheema lia Musa. 8Musa yabool'la Yetsero kosi ako MWAMI yali nakhol'le khumuruchi nende abandu be Misiri khulwo okhununula Abaisiraeli. Khandi yamubool'la obutinyu obwabandu bakaana n'nabwo khunjila nende obwo MWAMI yali nabasool'le. 9Olwa Yetsero yahul'la yaka kosi yasangala 10ma naboola mbu, “OMWAMI afumibwe owakhusoola ibe okhurula khumuruchi nende khu Bamisiri! OMWAMI afumibwe awali okhununula abandu okhurula mubusumba! 11Luno manyile mbu OMWAMI nomukhongo okhuyomba abanyasaye bandi bosi sichila yakhola yaka olwa Abaamisiri bachiayilisia Abaisiraeli.” 12Ma Yetsero naleera omusango okwokhusambwa omuchima nende emisango chindi chiokhuhanwa khu Nyasaye; ne Haruni halala nabemeli ba Isiraeli bosi batsia halala nende Yetsero okhulia esiokhulia siomusango singa omulukha kwokhwekayakaya Nyasaye.
Okhwemekhwa khwabakhalachi bemise
(Okhuka. 1:9-18)
13Litukhu elialondakhwo Musa yali nakhalachilanga abandu emise ma nafulukhana okhurula mukamba tsuli okhwola olweisi yamwaama. 14Olwa Yetsero yalola, kosi aka Musa yakhola yamureeba mbu, “Nimang'ana sina yaka kosi akokhol'langa abandu? Busina okholanga yaka wenyene, ne abandu nibasinjiye hano okhurula mukamba tsuli okhwola isi nemwaama nibenyanga obakhonye?”
15Musa namukalusia mbu, “Okhwola khole mbwo sichila abandu beetsanga khu ise nibenyanga okhumanya akobulalilo bwa Nyasaye. 16Olwabandu babili basolananga, beetsanga khu ise nase mbamanyie niwina khubo oli habwene, ma mbabool'le aka Nyasaye yenyanga nende amalako kaake.”
17Ma Yetsero namubool'la mbu, “Siokakholanga munjila yahabwene tawe. 18Wiitsa okhuchonya khandi abandubo yaba beetsa okhuchonya. Yaka kakhuyombele okhukakhola wenyene. 19Luno lekha khwibaal'le injila indahi, ne Nyasaye yetsa okhuba n'nawe. Nakahabwene ibe okhukobokhela abandu imbeli wa Nyasaye nende okhuhaana oburambane bwabwe khuye. 20Obebaal'le amalako ka Nyasaye ma obenoosie singa obwa bakhoyele okhumenya nende akabakwana okhukhola. 21Nebutswa okhumeeta khukene yako, weele abandu bobuchesi ma obemekhe babe abemeli babandu: babe abemeli babandu etsielefu, etsimia, amakhumi karano, nende amakhumi. Okhwola babe abandu abaritsanga Nyasaye, abanyala okhusubilwa khandi abaranyala okhuhuchil'la ebihetso. 22Abene yabo barumikhe singa abakhalachi bemise chiabandu tsinyinga tsiosi. Banyala okhuleera khuibe emise chiosi emitinyu, nebutswa bo abene banyala okhukol'losia oburambane obutititi. Yako nakakhwanguhile sichila nabakhukhonye emilimo. 23Noba nokhola yaka, singa Nyasaye alakanga, siolachonya tawe ne abandu yaba bosi beetsa okhukalukha ingo wabwe oburambane bwabwe nibukol'losibubwe.”
24Musa yahuchil'la lichetsiyio lia Yetsero 25ma niyeela abandu abachesi okhurula mu Baisiraeli bosi. Yabemekha singa abemeli babandu etsielefu, etsimia, amakhumi karano, nende amakhumi. 26Bakhola omulimo kwokhukhalachila abandu tsinyinga tsiosi nibaleer'ranga Musa emise emitinyu nebutswa nibakol'losianga oburambane butiti abene.
27Ma Musa nasebula Yetsero ma Yetsero nakalukha ingowe.
Currently Selected:
OKHURULA 18: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 18
18
Yetsero yakonya Musa
1Kukanyene Musa Yetsero, omwesaalisi wa Midiani yahul'la kosi aka Nyasaye yali nakholeye Musa nende abandu ba Isiraeli olwa yabahiinia Emisiri. 2Kho Yetsero niyetsa khu Musa namuler'ranga omukhasiwe Sipora owa Musa yali niyalekha inyuma,#Okhur. 2:21-22 3halala nende abasiani ba Sipora babili, Gerishoni nende Eliasa. (Musa yali niyaboola mbu, “Ise ndali nindamenyibwa musibala esicheni”; kho yali niyakulikha mulala khubasiani babe Gerishoni#18:3 Gerishoni Eliira yili Muluheburania liboolanga owamenyibwa.. #Ebikh. 7:29 4Khandi yali niyaboola mbu, “Nyasaye wa papa wanje yali okhukhonya ma niyasoola mbu ndekhe okhwirwa nomuruchi we Misiri”; kho yamala nakulikha omusiani we undi Eliasa#18:4 Eliasa Eliira yili Muluheburania liboolanga OMWAMI yakhonyanga..) 5Yetsero yetsa halala nomukhasi wa Musa nali nabasianibe babili musitsiimi aha Musa yali nakhupile ekambi hasikulu esitsienukhu. 6Yali narumanisie ling'ana khu Musa mbu beetsanga, 7Kho Musa yatsia okhumubukan'na namwinamila ma namutsunzuna. Bareebana akobulamu bwabwe ma nibatsia mwiheema lia Musa. 8Musa yabool'la Yetsero kosi ako MWAMI yali nakhol'le khumuruchi nende abandu be Misiri khulwo okhununula Abaisiraeli. Khandi yamubool'la obutinyu obwabandu bakaana n'nabwo khunjila nende obwo MWAMI yali nabasool'le. 9Olwa Yetsero yahul'la yaka kosi yasangala 10ma naboola mbu, “OMWAMI afumibwe owakhusoola ibe okhurula khumuruchi nende khu Bamisiri! OMWAMI afumibwe awali okhununula abandu okhurula mubusumba! 11Luno manyile mbu OMWAMI nomukhongo okhuyomba abanyasaye bandi bosi sichila yakhola yaka olwa Abaamisiri bachiayilisia Abaisiraeli.” 12Ma Yetsero naleera omusango okwokhusambwa omuchima nende emisango chindi chiokhuhanwa khu Nyasaye; ne Haruni halala nabemeli ba Isiraeli bosi batsia halala nende Yetsero okhulia esiokhulia siomusango singa omulukha kwokhwekayakaya Nyasaye.
Okhwemekhwa khwabakhalachi bemise
(Okhuka. 1:9-18)
13Litukhu elialondakhwo Musa yali nakhalachilanga abandu emise ma nafulukhana okhurula mukamba tsuli okhwola olweisi yamwaama. 14Olwa Yetsero yalola, kosi aka Musa yakhola yamureeba mbu, “Nimang'ana sina yaka kosi akokhol'langa abandu? Busina okholanga yaka wenyene, ne abandu nibasinjiye hano okhurula mukamba tsuli okhwola isi nemwaama nibenyanga obakhonye?”
15Musa namukalusia mbu, “Okhwola khole mbwo sichila abandu beetsanga khu ise nibenyanga okhumanya akobulalilo bwa Nyasaye. 16Olwabandu babili basolananga, beetsanga khu ise nase mbamanyie niwina khubo oli habwene, ma mbabool'le aka Nyasaye yenyanga nende amalako kaake.”
17Ma Yetsero namubool'la mbu, “Siokakholanga munjila yahabwene tawe. 18Wiitsa okhuchonya khandi abandubo yaba beetsa okhuchonya. Yaka kakhuyombele okhukakhola wenyene. 19Luno lekha khwibaal'le injila indahi, ne Nyasaye yetsa okhuba n'nawe. Nakahabwene ibe okhukobokhela abandu imbeli wa Nyasaye nende okhuhaana oburambane bwabwe khuye. 20Obebaal'le amalako ka Nyasaye ma obenoosie singa obwa bakhoyele okhumenya nende akabakwana okhukhola. 21Nebutswa okhumeeta khukene yako, weele abandu bobuchesi ma obemekhe babe abemeli babandu: babe abemeli babandu etsielefu, etsimia, amakhumi karano, nende amakhumi. Okhwola babe abandu abaritsanga Nyasaye, abanyala okhusubilwa khandi abaranyala okhuhuchil'la ebihetso. 22Abene yabo barumikhe singa abakhalachi bemise chiabandu tsinyinga tsiosi. Banyala okhuleera khuibe emise chiosi emitinyu, nebutswa bo abene banyala okhukol'losia oburambane obutititi. Yako nakakhwanguhile sichila nabakhukhonye emilimo. 23Noba nokhola yaka, singa Nyasaye alakanga, siolachonya tawe ne abandu yaba bosi beetsa okhukalukha ingo wabwe oburambane bwabwe nibukol'losibubwe.”
24Musa yahuchil'la lichetsiyio lia Yetsero 25ma niyeela abandu abachesi okhurula mu Baisiraeli bosi. Yabemekha singa abemeli babandu etsielefu, etsimia, amakhumi karano, nende amakhumi. 26Bakhola omulimo kwokhukhalachila abandu tsinyinga tsiosi nibaleer'ranga Musa emise emitinyu nebutswa nibakol'losianga oburambane butiti abene.
27Ma Musa nasebula Yetsero ma Yetsero nakalukha ingowe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019