OKHURULA 17
17
Amaatsi akarula mulwanda
(Obub. 20:1-13)
1Omukanda kwa Abaisiraeli kwosi kwarula musitsiimi sia Sini nikutsitsanga buli habundu ho MWAMI yali nabalachile. Bakhupa ekambi yabwe ha Refidimu, nebutswa amaatsi sikali habundu yaho tawe. 2Bekan'na Musa nibaboola mbu, “Khuhelesie amaatsi khunywe.”
Musa nabakalusia mbu, “Nisina esichilanga nimwekana? Busina muteemanga OMWAMI?”
3Nebutswa abandu bali nende obuluho obwinji ma nibatsilil'la okhwekan'na Musa. Bamubool'la mbu, “Nisina esiachila nokhuhinia Emisiri? Wenyanga okhwira ifwe halala nende abaana befwe nende emiruko chiefwe, khulwo okhukhwima amaatsi?”
4Musa yalakaya butinyu khu MWAMI naboola mbu, “Nakhole mbwena abandu yaba? Bali ahembi okhundasa amachina.”
5OMWAMI nabool'la Musa, “Bukulakhwo balala khubemeli ba Isiraeli wemele n'nabo imbeli. Khandi obukule indabusi eyawarumikhila okhutiaba khumuchela kwa Naili. 6Nzia okhusinjila imbeliwo khulwanda oluli khusikulu sia Sinai. Okhupe khulwanda ne amaatsi ketsa khurulamwo akabandu beetsa khunywa.” Musa yakhola mbwo imbeli wabemeli ba Isiraeli.
7Habundu tsana hakulikhwa Masa nende Meriba#17:7 Masa nende Meriba Muluheburania mbu “Okhuteema nende Okhwekaana.”, sichila Abaisiraeli bekaana ma nibateema OMWAMI olwa bali khureeba mbu, “OMWAMI ali hakari hefwe nohomba tawe?”
Abaisiraeli balwana lihe nende Abaamaleki
8Abaamaleki beetsa nibaseera Abaisiraeli olwa bali Refidimu. 9Musa nabool'la Yoshwa mbu, “Toolakhwo abandu balala nabatsie okhulwana lihe na Abaamaleki mukamba. Ise nasinjile khubutenje bwesikulu nindil'le indabusi yo MWAMI yambool'la mbukule.” 10Yoshwa yakhola singa Musa yamulaka ma natsia okhulwana lihe nende Abaamaleki, olwa Musa nende Haruni nende Huri batsia khubutenje bwesikulu. 11Buli lwosi olwa Musa yachinganga amakhono kaake Abaisiraeli banyoolanga obulechi nebutswa olwa yakaretsanga hasi, Abaamaleki ne bachiaka okhubaleka. 12Olwa amakhono ka Musa kachonya, Haruni nende Huri baleera lichina mbu yekhalekhwo nabo nibasinjila elubeka nelubeka okhuletel'la amakhonoke nibakatila okhukol'lokha ikulu okhwola olweliuba liyela. 13Munjila yiyi Yoshwa yaleka Abaamaleki.
14Ma OMWAMI nabool'la Musa mbu, “Handika amang'ana kosi niwinoosianga akobulechi yibu, kho kabe akokhwitsul'lwa. Bool'la Yoshwa mbu namulule Abaamaleki bosi.”#Okhuka. 25:17-19; 1 Sam. 15:2-9 15Musa yombokha olusambwa ma nalukulikha mbu, “OMWAMI niye ependela yanje.” 16Ma naboola mbu, “Muchinge ikulu ependela yo MWAMI! OMWAMI natsilil'le okhulwana Abaamaleki inziayo!”
Currently Selected:
OKHURULA 17: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
OKHURULA 17
17
Amaatsi akarula mulwanda
(Obub. 20:1-13)
1Omukanda kwa Abaisiraeli kwosi kwarula musitsiimi sia Sini nikutsitsanga buli habundu ho MWAMI yali nabalachile. Bakhupa ekambi yabwe ha Refidimu, nebutswa amaatsi sikali habundu yaho tawe. 2Bekan'na Musa nibaboola mbu, “Khuhelesie amaatsi khunywe.”
Musa nabakalusia mbu, “Nisina esichilanga nimwekana? Busina muteemanga OMWAMI?”
3Nebutswa abandu bali nende obuluho obwinji ma nibatsilil'la okhwekan'na Musa. Bamubool'la mbu, “Nisina esiachila nokhuhinia Emisiri? Wenyanga okhwira ifwe halala nende abaana befwe nende emiruko chiefwe, khulwo okhukhwima amaatsi?”
4Musa yalakaya butinyu khu MWAMI naboola mbu, “Nakhole mbwena abandu yaba? Bali ahembi okhundasa amachina.”
5OMWAMI nabool'la Musa, “Bukulakhwo balala khubemeli ba Isiraeli wemele n'nabo imbeli. Khandi obukule indabusi eyawarumikhila okhutiaba khumuchela kwa Naili. 6Nzia okhusinjila imbeliwo khulwanda oluli khusikulu sia Sinai. Okhupe khulwanda ne amaatsi ketsa khurulamwo akabandu beetsa khunywa.” Musa yakhola mbwo imbeli wabemeli ba Isiraeli.
7Habundu tsana hakulikhwa Masa nende Meriba#17:7 Masa nende Meriba Muluheburania mbu “Okhuteema nende Okhwekaana.”, sichila Abaisiraeli bekaana ma nibateema OMWAMI olwa bali khureeba mbu, “OMWAMI ali hakari hefwe nohomba tawe?”
Abaisiraeli balwana lihe nende Abaamaleki
8Abaamaleki beetsa nibaseera Abaisiraeli olwa bali Refidimu. 9Musa nabool'la Yoshwa mbu, “Toolakhwo abandu balala nabatsie okhulwana lihe na Abaamaleki mukamba. Ise nasinjile khubutenje bwesikulu nindil'le indabusi yo MWAMI yambool'la mbukule.” 10Yoshwa yakhola singa Musa yamulaka ma natsia okhulwana lihe nende Abaamaleki, olwa Musa nende Haruni nende Huri batsia khubutenje bwesikulu. 11Buli lwosi olwa Musa yachinganga amakhono kaake Abaisiraeli banyoolanga obulechi nebutswa olwa yakaretsanga hasi, Abaamaleki ne bachiaka okhubaleka. 12Olwa amakhono ka Musa kachonya, Haruni nende Huri baleera lichina mbu yekhalekhwo nabo nibasinjila elubeka nelubeka okhuletel'la amakhonoke nibakatila okhukol'lokha ikulu okhwola olweliuba liyela. 13Munjila yiyi Yoshwa yaleka Abaamaleki.
14Ma OMWAMI nabool'la Musa mbu, “Handika amang'ana kosi niwinoosianga akobulechi yibu, kho kabe akokhwitsul'lwa. Bool'la Yoshwa mbu namulule Abaamaleki bosi.”#Okhuka. 25:17-19; 1 Sam. 15:2-9 15Musa yombokha olusambwa ma nalukulikha mbu, “OMWAMI niye ependela yanje.” 16Ma naboola mbu, “Muchinge ikulu ependela yo MWAMI! OMWAMI natsilil'le okhulwana Abaamaleki inziayo!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019