OKHURULA 14
14
Abaisiraeli bakhalania Inyanza Inzakhanyu
1Ma OMWAMI nabool'la Musa mbu, 2“Bool'la Abaisiraeli bakalukhe inyuma ma bakhome ekambi imbeli wa Pi Hahirotsi, hakari wa Migidoli nende Inyanza Inzakhanyu, ahembi Baali Sefoni. 3Omuruchi yeetsa okhupaala mbu Abaisiraeli bachendachendanga musibala, ne bekaliywe nende esitsiimi. 4Nzia okhutinyia omwoyokwe, naye yeetsa okhumulondel'la, ne obulechi bwanje khumuruchi nende khubasikaribe bwitsa okhunder'ra oluyali. Nilwo olwa Abaamisiri balamanya mbu Ise nise OMWAMI.” Abaisiraeli bakhola singa bali nibabooleywe.
5Olwomuruchi we Misiri yabool'lwa mbu Abaisiraeli belukhile, ye halala nabemelibe bakalukhania amakani ma nibaboola mbu, “Nisina esia khukhol'le? Khulekhele Abaisiraeli okhwilukha, ne sinababe abasumba befwe khandi tawe!” 6Omuruchi yabukula amakaari kokhulwana ma narechekha abasikaribe. 7Yarula halala namakaari kabasikaribe bosi, nibalimwo abasikari abalulu etsimia tsisasaba, nibemeleywe nende abakhongo babwe. 8OMWAMI yatinyia omwoyo kwomuruchi ma nalondel'la Abaisiraeli abali nibatsitsanga nomwekhoyo. 9Abasikari be Misiri halala netsisululi tsiosi, namakaari, nende abelusi betsisululi nende abamakaari babalondel'la ma nibabanyoola aha bali nibakhupile ekambi ahembi khunyanza ahembi Pi Hahirotsi nende Baali Sefoni.
10Olwa Abaisiraeli balola omuruchi we Misiri nende abasikari nibetsanga aha bali, bali noburi obukali ma nibalakaya khu MWAMI mbu abakhonye. 11Nibabool'la Musa mbu, “Ebilindwa sibialikhwo Emisiri tawe? Busina nokhuleera musitsiimi khufwilemwo? Lola obwokhuleereye esibi khulwa okhukhuhinia Emisiri! 12Yaka sikali niko aka khwakhubool'la olwa khwali nikhusili Emisiri mbu nakakhukwile? Khwakhubool'la okhulekhe khube ma khutsilil'le okhuba abasumba ba Bamisiri. Bwakhabeye obulahi okhuba abasumba Emisiri okhuyomba okhufwila musitsiimi muno.”
13Musa nabakalusia, “Muraria tawe! Mulume ikholo, nenywe mwitsa okhulola ako MWAMI yeetsa okhukhola khulwo okhumuhonokosia olwaleelo; sinamulolekhwo Abaamisiri yaba khandi tawe. 14OMWAMI yeetsa okhumulwan'na, ne sibulaho esiamwitsa okhukhola tawe.”
15OMWAMI nareeba Musa mbu, “Nisina esichilanga nimulakaya mukhonywe? Bool'la Abandu besunda imbeli. 16Chinguula indabusi yiyo ochimanyie khumaatsi. Amaatsi keetsa okhweyala ne Abaisiraeli betsa okhuchenda hakari weinyanza singa khuliloba eliomu. 17Nzia okhutinyia emioyo tsia Bamisiri ma betsa okhubalonda munyanza, ne nzia okhunyoola oluyali khulwobulechi bwanje khumuruchi nokhubasikari nende abalwani bamakaari nende abelusianga amakaari nende etsisululi. 18Olwa nzia okhubaleka, Abaamisiri beetsa okhumanya mbu ise nise OMWAMI.”
19Om'malaika wa Nyasaye, owali nali imbeli wabasikari ba Baisiraeli yatsia inyuma wabwe. Esiilo yelilumbesi nayo khandi yesunda okhwola olwa yali 20hakari wa Bamisiri nende Abaisiraeli. Lilumbesi liakhola esiilima khu Bamisiri nebutswa nilihaana obulafu khubandi ba Isiraeli ma nikachila abasikari ba Bamisiri nohomba aba Baisiraeli sibali okhwesunda ahembi khubandu obutukhu bwosi tawe.
21Musa yachinguula omukhono kukwe nakumanyia khunyanza, ma OMWAMI nasukuma amaatsi okhweyala narumikhilanga omuyeka okhuhungutsanga netsingufu okhurula ebukwe. Kwahungutsa obutukhu bwosi ma nikukalukhania inyanza okhuba liloba eliomu. Amaatsi keyala, 22ma Abaisiraeli nibabira hakari weinyanza khwiloba eliomu, ne amaatsi nikakwiye amasisi elubeka nelubeka.#1 Kor. 10:1-2; Heb. 11:29 23Abaamisiri babalondel'la ma nibenjila munyanza inyuma wa Baisiraeli halala netsisululi tsiabwe tsiosi, amakaari kabwe nende abelusi bamakaari nende abetsisululi. 24Ne nibuli ahembi okhusia, OMWAMI yahenga khubasikari be Misiri nali musiilo yemul'lo nende esiilo yelilumbesi ma nabakhola nibachaaka okhukoyana. 25Yakhola amakurutumu kamakaari nikahanda ma nibubaba obutinyu okhwilukha. Abaamisiri nibaboola mbu, “Chende khurule hano bwangu sichila OMWAMI alwan'nanga Abaisiraeli.”
26OMWAMI nabool'la Musa mbu, “Nyiila omukhono kukwo okumanyie okhunyanza ne amaatsi kaleetsa okhufuunikha Abaamisiri nende amakaari kabwe nende abelusinjia.” 27Ma Musa nanyiila omukhono kukwe nakuhenjisie khunyanza, ne olwa bwasia amaatsi kakalukha mung'ono mwakabetsanga. Abaamisiri bateema okhwehonokosia khumaatsi, nebutswa OMWAMI yabafuuba munyanza. 28Amaatsi kakalukha ma nikafuunikha amakaari, abakelusinjia ma nende abasikari ba Bamisiri bosi abali nibalond'e Abaisiraeli munyanza; abulaho kata mulala khubo owasikala. 29Nebutswa Abaisiraeli bachenda hakari weinyanza khumaloba amomu, amaatsi nikakwiye amasisi elubeka nelubeka.
30Khwitukhu yilio OMWAMI yasoola abandu ba Isiraeli okhurula khu Bamisiri, ne Abaisiraeli nibalola Abaamisiri nibakon'ne khuluchinga lweinyanza nibafwiye. 31Olwa Baisiraeli balola obunyali obukhongo obwo OMWAMI yarumikhila okhuleka Abaamisiri, baria OMWAMI ma nibaba nobusubili mu MWAMI nende mumurumikhili uwe Musa.
Currently Selected:
OKHURULA 14: EBAIBO
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
