Kem Lingón 70
70
Lingón Dabid
1Ó Dwata, hol hewaem ou.
Holi hetlasik tnóbóngem ou.
2Hol nmoem gónó le myak ne gónó le slaf
yó kem tau tô malu hmatay dou.
Ne yó kem tau tendo hligal bè yóm kwen hlayamu,
hol nmoem gónó le mulék myak se kul.
3Hol sidek ketnga le bè kyak le
yó kem tau tendo gel mon du, “Wóyón dé, deng guta tekuy.”
4Okóm kul yó kem tau mebel kóm, yake hol le hligal ebéléem.
Ne yó kem tau hemmóyô du yóm kehewaem kul,
hol le tendo mensag dé, yó mon le,
“Tey alì geta yóm Dwata.”
5Okóm dou, laen dù kgisu, ne laen dù gmou.
Hetlasiki tnóbóngem ou, Dwata.
Són uu yóm gel tmóbóng dou ne gel lemwà dou.
Ó Dwata, béi tlek hanggà.
Currently Selected:
Kem Lingón 70: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
