Kem Lingón 15
15
Lingón Dabid yóm kun kmò yóm tau Dwata
1Ó Dwata, tau du de yóm knóón husek
elem yóm kóm Gónô?
Tau du de yóm knóón hloni ebéléem bè yóm kóm bulul Sayun?
2Yó olo knóón, són yóm tau tendo mimón ke Dwata,
ne laen dù belenen yóm gel nmoen,
ne hono tahu yóm gel btang bè sumóngen,
laen kô dù bool kestulónen,
3ne là sidek kbaken ebè kem dumuhen.
Laen kô dù sidek nmoen bè yó kem ween,
ne là gel sentulónen kem dumuhen sebét.
4Tey kenbéen se kun yó kem tau kenbê Dwata,
okóm tey nadaten yó kem tau mimón ke Dwata.
Ne sal gel dnohoen ke wen fasaden,
balù nô keblaten béléen.
5Ne ke wen hutóngen, là kô hngaen du.
Ke myón bè knukum, là kô nfihen du yóm kéng,
balù nô kbong tô blay le du.
Yóm tau lómón yó kmoen, tendo nofin Dwata.
Currently Selected:
Kem Lingón 15: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
