Kem Lingón 127
127
Sngal bè yóm kneged le ebè Jirusalim. Lingón Selumun.
1Ke là lemwóten bè Dwata yóm
hdà gónô, olon gamà liteg le yó kem tau hdà du.
Ke là bnentey Dwata du yóm benwu,
olon gamà liteg le yó kem tau mentey du.
2Yóm tau mebel klowil, baluen ke temkifu mò nmò,
ne song tungô ke deng tey nelem kifu,
olon gamà litegen ke là lemwóten bè Dwata.
Abay se yóm Dwata, balù igò le tolo tungô yó kem tau kenbong nawahen,
deng eles hentifesen ne yóm mò klowil le elem haya.
3Yó kem ngà, tódô basa lemwót bè Dwata
lu se mò ofol lemwót béléen.
4Yó kem ngà yóm logi yóm lomi lemnok,
hol lómón ke yó kem hanak nwit yóm sendalù.
5Tey kligalen yóm tau ke wadag hanaken.
Là kô le gemmò béléen yó kem hohonen
anien ke ston le bè gónô skukum.
Currently Selected:
Kem Lingón 127: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
