Kem Lingón 126
126
Sngal bè yóm kneged le ebè Jirusalim
1Bè yóm tehe khulék Dwata
tekuy ebè Jirusalim,
hol lómón ke olo kna.
2Tey kkuli tekuy, lel kuy hligal semngal.
Yó udél yó kem tau bè dumu benwu, mon le,
“Tey któbóng Dwata kul yó kem tau yó.”
3Tahu se, tey bong któbóng Dwata tekuy.
Ya tey kligal tekuy bè yóm kdaw yó.
4Ó Dwata, bud hulékem ebélê me yóm tehe kehyu klowil me,
lómón yóm kulón, bud gel hlelen yó kem él deng kti.
5Yó kem tau tehe mkik bè yóm igò le mehek,
tles bud hefligalem lu bè yóm kuta le.
6Yó kem tau tehe mkik bè yóm igò le mehek,
angat tey kligal le semngal sok bang le muta.
Currently Selected:
Kem Lingón 126: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
