Kem Lingón 12
12
Lingón Dabid
1Tnóbóngem ou, Dwata, abay se laen
dù bud tau tonem mimón kóm,
ne deng le lana yó kem tau gsalig.
2Yó kem tau sebét,
deng sket kul tmulón kéng bè yóm ket kul ba sotu.
Dóyón le kem dumu le mò lan le smukat kul.
3Hol lensónem, Dwata, yó kem tau hlingón dmóyón kem dumu le yó ne yó kem tau alì heklabak.
4Yó mon le, “Guta me yóm nóyô me mlan bè udél me.
Kihu mon me, laen dù tau gembek hemseng kum.”
5Yó balà Dwata kul, monen, “Deng tonu yóm alì klunog le yó kem tau laen dù gmò le.
Deng gungolu dolong yó kem tau élél hnayam le.
Duhen yó, lemwóte naw e lenwà lu,
ni se yóm tendo hendeen le béléu.”
6Yóm fasad Dwata, laen kô dù belenen.
Lómón blówón bukay deng hitu dulék le tmógó du bè ofi anì laen kô dù bolen.
7Yó gónóm mon, Dwata, senflósem gel mofin kum bè yó kem tau mò sidek yó.
8Yó kem tau mò sidek, tódô kihu gónóm mton kul, ya tey keheklabak le.
Ne bè klamangen benwu, tendo dóyón yó kem tau yóm alì ksidek nmò tau.
Currently Selected:
Kem Lingón 12: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
