Kem Lingón 13
13
Lingón Dabid
1Ó Dwata, kegenen de duen yóm
keklifótem dou?
Klifótem ou ne kô efet kól bè sónen?
Kegenen ne duen yóm kehebnosem dou?
2Kegenen ne duen yóm tendo ksidek kegnómu du ne yóm klangagu ket kdaw?
Kegenen ne duen yóm tendo kegmò le béléu yó kem hohonu?
3Tenngelem ou, Dwata yóm sana Dwata hol dou gónó mogot, ne bnalaem ou.
Hlowilem ou anì là mataye.
4Ke mataye, yó mon kem hohonu, “Laen dù gmoen bélê me.”
Ke mataye, hligal le se kul.
5Okóm snaligu yóm là konol yóm kbong nawam dou.
Hligale, abay se dohò yóm kehewaem dou.
6Lemingóne ebè Dwata, abay se tey hyu yóm nmoen béléu.
Currently Selected:
Kem Lingón 13: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
