2 Tutul Israél 33
33
Kogot Manasi yóm benwu Juda
(2 Bok Kem Tau Hol Geta 21:1-9)
1Yóm kbaling Manasi tau hol geta, hanà sfolò lewu he halayen, ne yó kegenen kmamal benwu, botong limu folò limu halay ne bè Jirusalim gónón nô. 2Nmò Manasi yóm sidek bè kton Dwata du, loloen yóm alì kenbê nmò yó kem tau deng hdó Dwata ta yóm tonok blayen yó kem kun tau Israél. 3Deng mom bud hefdaen yóm gónó gel tmaba ebè dwata kéng deng tehe hegbà Hisikaya yóm maen. Lelen hemdà bè yó kem lennged Baal yó kem gónó demsù ebélê le, ne bud hefdaen yóm hehek yóm dwata libun boluyen Asira. Mtud bukol bè yó kem blotik bè longit, ne tmaba ebélê le. 4Lelen hefdà gónó demsù ebè dwata kéng lem Gónô Dwata, yóm Gónô deng mon Dwata laen kô dù tul sónen yóm kwiten du yóm kun boluy. 5Suen bè yó kem lewu lósól bè Gónô Dwata yó kem gónó demsù nmoen mò gónó le tmaba ebè yó kem blotik. 6Nim Manasi ni, balù ngaen botong gbeken hkekeb du bè Datal Hinom mò dsuen. Deng mom dmalang gel hmayam, ne hemgawang ne tmaba ebè tulus seitan ne ebè mton bù ne gbeken tódô temsob moluy. Yóm kdê nmoen yó, tey sidek kehebuten ke Dwata.
7Nim Manasi ni, balù yóm dwata lennged tehe nmoen, deng mom suen lem Gónô Dwata, bè yóm Gónô tehe mon Dwata mò ke Dabid ne yóm ngaen Selumun, “Nim Gónóu ni, ne nim syudad Jirusalim ni, deng néléku bè kdéen ból Israél mò mit yóm dou boluy kól bè laen kô dù tul sónen. 8Ke nimón yó kem tau Israél yóm dou hlolò kul ne yó kem dou hlau tehe hlanu bè Musis, là kô hegefu kul ebè benwu mayuk lemwót bè yóm tonok tehe blayu yó kem fù le ekni.” 9Okóm ke Manasi, deng mom nwiten lu hetlas yó kem tau bè Juda ne kem tau bè Jirusalim. Milud he ksideken yóm kun nmò senta yóm kul nmò yó kem tau deng tehe genlà Dwata ta yóm tonok blayen yó kem tau Israél.
10Wen udél Dwata ebè Manasi ne ebè yó kem tauhen, okóm là kô hnungol le du yó kem eles hetgamahen kul. 11Yó gónó Dwata hemlus elem blóng le yó kem sendalù Asirya, ne negef le Manasi. Gnalung le, ne nfét le kedina tembaga, nwit le etu bè Babilun. 12Yóm igoen alì meflayam ditu, bud hnebel Manasi yóm sana kun Dwata hol gónó mogot, ne tey ktabahen ebéléen, mung du yóm keheglaanen bè yóm Dwata yó kem tehe fuen. 13Ne bè yóm knihen bè Dwata, hnungol Dwata, ne bnalaen yóm knihen tóbóng. Duhen yó, bud hulék Dwata ebè Jirusalim Manasi bè yóm benwu tehe nogoten. Bè yó gónó Manasi temngón du, tek sotu yóm Dwata hol gónó mogot, laen kô dù dumuhen.
14Kogolen bè yó, bud hefgulék hdà Manasi yóm gewu beng hmilol syudad Dabid, lenwóten fi desdef Sfut Gihon bè Datal Kidron efet kól etu bè Tikeb Utón Él, efet bud hlós etu hmilol yó kem bulul lemnek bè Ofél, yóm gónó le alì hegeta yóm beng hdà le. Yóm kdê yó kem beng mbegel hilol Juda, wen kem sendalù genlal hbentey Manasi bè yó. 15Gotu kó Manasi lu yó kem dwata kéng ne dwata lennged nô bè Gónô Dwata. Genbaen snéen yó kem gónó demsù tehe hefdaen ta yóm bulul gónón mdà yóm Gónô Dwata, ne yó kem dumu gónó demsù bè klamang Jirusalim, gotu boten lu ebè lewà yóm syudad. 16Ominen bud hetlob yóm gónó demsù ebè Dwata, ne demsù bè yó tahen yóm dsù mit sefyu ebè Dwata ne yóm dsù gónó slamat bè Dwata. Gendufen snéen yó kem tau bè Juda tmaba ebè Dwata yóm Dwata yó kem tau Israél. 17Balù yóm tolo kedsù le bè yó kem gónó demsù ebè yó kem dwata kéng yó kem tau, okóm són ebè yóm sana kul Dwata hol gónó mogot yóm bud gónó le e demsù.
18Yó kem dumu gendeng Manasi bè yóm kogoten benwu, yóm knihen ebè Dwata, ne yó kem gel udél le ebéléen yó kem tau gel wen hton Dwata kul, yóm gel hlan le bè boluy yóm Dwata yó kem tau Israél, deng gotu snulat lem yóm bok boluyen Tutul Yó Kem Tau Geta Bè Israél. 19Yóm kni Manasi ebè Dwata ne yóm kbalà Dwata du, ne yóm kdê salà deng nmoen gu laanen là deng hegsel, ne yóm kehefdaen yó kem gónô tmaba ebè dwata kéng, ne yóm kehefdaen yóm hehek yóm dwata libun boluyen Asira, ne kdê yó kem dwata kéng tehe gónón e gel tmaba, deng gotu snulat bè Bok Yó Kem Tau Wen Hton Dwata Kul. 20Tikóng matay Manasi, lebeng le bè kun gónô bong. Ominen yóm ngaen boluyen Amon bud tles tau hol geta.
Kogot Amon yóm benwu Juda
(2 Bok Kem Tau Hol Geta 21:19-26)
21Yóm kbaling Amon tau hol geta, deng lewu folò lewu ne halayen, ne tek lewu halayen kmamal benwu ne bè Jirusalim gónón nô. 22Nmoen se kun yó kem sidek bè kton Dwata du, lómón yóm tehe nmò Manasi yóm maen. Tmaba ebè yóm kdê dwata lennged tehe hmò maen, ne demsù ebélê le. Là kóen heglaan bè Dwata se kun, là lómón du yóm tehe nmò maen. Yóm ksidek nmoen, mkay senta yóm ksidek nmò maen.
24Natul le Amon yó kem genlalen, ne tódô hnatay le bè kun gónô bong. 25Okóm bud wen se kem tau hmatay kul yó kem tau hmatay ke Amon yó. Ne yó bud tles tau hol geta bè Juda, duhen Jusaya yóm ngaen.
Currently Selected:
2 Tutul Israél 33: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 33
33
Kogot Manasi yóm benwu Juda
(2 Bok Kem Tau Hol Geta 21:1-9)
1Yóm kbaling Manasi tau hol geta, hanà sfolò lewu he halayen, ne yó kegenen kmamal benwu, botong limu folò limu halay ne bè Jirusalim gónón nô. 2Nmò Manasi yóm sidek bè kton Dwata du, loloen yóm alì kenbê nmò yó kem tau deng hdó Dwata ta yóm tonok blayen yó kem kun tau Israél. 3Deng mom bud hefdaen yóm gónó gel tmaba ebè dwata kéng deng tehe hegbà Hisikaya yóm maen. Lelen hemdà bè yó kem lennged Baal yó kem gónó demsù ebélê le, ne bud hefdaen yóm hehek yóm dwata libun boluyen Asira. Mtud bukol bè yó kem blotik bè longit, ne tmaba ebélê le. 4Lelen hefdà gónó demsù ebè dwata kéng lem Gónô Dwata, yóm Gónô deng mon Dwata laen kô dù tul sónen yóm kwiten du yóm kun boluy. 5Suen bè yó kem lewu lósól bè Gónô Dwata yó kem gónó demsù nmoen mò gónó le tmaba ebè yó kem blotik. 6Nim Manasi ni, balù ngaen botong gbeken hkekeb du bè Datal Hinom mò dsuen. Deng mom dmalang gel hmayam, ne hemgawang ne tmaba ebè tulus seitan ne ebè mton bù ne gbeken tódô temsob moluy. Yóm kdê nmoen yó, tey sidek kehebuten ke Dwata.
7Nim Manasi ni, balù yóm dwata lennged tehe nmoen, deng mom suen lem Gónô Dwata, bè yóm Gónô tehe mon Dwata mò ke Dabid ne yóm ngaen Selumun, “Nim Gónóu ni, ne nim syudad Jirusalim ni, deng néléku bè kdéen ból Israél mò mit yóm dou boluy kól bè laen kô dù tul sónen. 8Ke nimón yó kem tau Israél yóm dou hlolò kul ne yó kem dou hlau tehe hlanu bè Musis, là kô hegefu kul ebè benwu mayuk lemwót bè yóm tonok tehe blayu yó kem fù le ekni.” 9Okóm ke Manasi, deng mom nwiten lu hetlas yó kem tau bè Juda ne kem tau bè Jirusalim. Milud he ksideken yóm kun nmò senta yóm kul nmò yó kem tau deng tehe genlà Dwata ta yóm tonok blayen yó kem tau Israél.
10Wen udél Dwata ebè Manasi ne ebè yó kem tauhen, okóm là kô hnungol le du yó kem eles hetgamahen kul. 11Yó gónó Dwata hemlus elem blóng le yó kem sendalù Asirya, ne negef le Manasi. Gnalung le, ne nfét le kedina tembaga, nwit le etu bè Babilun. 12Yóm igoen alì meflayam ditu, bud hnebel Manasi yóm sana kun Dwata hol gónó mogot, ne tey ktabahen ebéléen, mung du yóm keheglaanen bè yóm Dwata yó kem tehe fuen. 13Ne bè yóm knihen bè Dwata, hnungol Dwata, ne bnalaen yóm knihen tóbóng. Duhen yó, bud hulék Dwata ebè Jirusalim Manasi bè yóm benwu tehe nogoten. Bè yó gónó Manasi temngón du, tek sotu yóm Dwata hol gónó mogot, laen kô dù dumuhen.
14Kogolen bè yó, bud hefgulék hdà Manasi yóm gewu beng hmilol syudad Dabid, lenwóten fi desdef Sfut Gihon bè Datal Kidron efet kól etu bè Tikeb Utón Él, efet bud hlós etu hmilol yó kem bulul lemnek bè Ofél, yóm gónó le alì hegeta yóm beng hdà le. Yóm kdê yó kem beng mbegel hilol Juda, wen kem sendalù genlal hbentey Manasi bè yó. 15Gotu kó Manasi lu yó kem dwata kéng ne dwata lennged nô bè Gónô Dwata. Genbaen snéen yó kem gónó demsù tehe hefdaen ta yóm bulul gónón mdà yóm Gónô Dwata, ne yó kem dumu gónó demsù bè klamang Jirusalim, gotu boten lu ebè lewà yóm syudad. 16Ominen bud hetlob yóm gónó demsù ebè Dwata, ne demsù bè yó tahen yóm dsù mit sefyu ebè Dwata ne yóm dsù gónó slamat bè Dwata. Gendufen snéen yó kem tau bè Juda tmaba ebè Dwata yóm Dwata yó kem tau Israél. 17Balù yóm tolo kedsù le bè yó kem gónó demsù ebè yó kem dwata kéng yó kem tau, okóm són ebè yóm sana kul Dwata hol gónó mogot yóm bud gónó le e demsù.
18Yó kem dumu gendeng Manasi bè yóm kogoten benwu, yóm knihen ebè Dwata, ne yó kem gel udél le ebéléen yó kem tau gel wen hton Dwata kul, yóm gel hlan le bè boluy yóm Dwata yó kem tau Israél, deng gotu snulat lem yóm bok boluyen Tutul Yó Kem Tau Geta Bè Israél. 19Yóm kni Manasi ebè Dwata ne yóm kbalà Dwata du, ne yóm kdê salà deng nmoen gu laanen là deng hegsel, ne yóm kehefdaen yó kem gónô tmaba ebè dwata kéng, ne yóm kehefdaen yóm hehek yóm dwata libun boluyen Asira, ne kdê yó kem dwata kéng tehe gónón e gel tmaba, deng gotu snulat bè Bok Yó Kem Tau Wen Hton Dwata Kul. 20Tikóng matay Manasi, lebeng le bè kun gónô bong. Ominen yóm ngaen boluyen Amon bud tles tau hol geta.
Kogot Amon yóm benwu Juda
(2 Bok Kem Tau Hol Geta 21:19-26)
21Yóm kbaling Amon tau hol geta, deng lewu folò lewu ne halayen, ne tek lewu halayen kmamal benwu ne bè Jirusalim gónón nô. 22Nmoen se kun yó kem sidek bè kton Dwata du, lómón yóm tehe nmò Manasi yóm maen. Tmaba ebè yóm kdê dwata lennged tehe hmò maen, ne demsù ebélê le. Là kóen heglaan bè Dwata se kun, là lómón du yóm tehe nmò maen. Yóm ksidek nmoen, mkay senta yóm ksidek nmò maen.
24Natul le Amon yó kem genlalen, ne tódô hnatay le bè kun gónô bong. 25Okóm bud wen se kem tau hmatay kul yó kem tau hmatay ke Amon yó. Ne yó bud tles tau hol geta bè Juda, duhen Jusaya yóm ngaen.
© 2007, Wycliffe Bible Translators, Inc. All rights reserved.