2 Tutul Israél 34
34
Kogot Jusaya yóm benwu Juda
(2 Bok Kem Tau Hol Geta 22:1-2)
1Yóm kbaling Jusaya tau hol geta bè benwu Juda, hanà wolu he halayen. Yó kegenen kmamal du botong tlu folò sotu halay, ne bè Jirusalim gónóhen nô. 2Bè ket nmoen, tey tedeng kton Dwata du, ne tódô loloen yóm tehe kun kmò yóm tehe fuen Dabid, sal loloen yóm tedeng.
3Bè yóm deng gwoluhen halay kmamal benwu, hanà tolo ngà he, bede nbuten ne lemolò ke Dwata yóm Dwata yóm fuen Dabid. Ne tikóng deng sfolò lewu halayen mogot benwu, nbuten hfólós du yóm benwu Juda ne Jirusalim mlan bè kehegbaen yó kem gónó le tmaba ebè yó kem dwata kéng, ne hlusoken yó kem hehek yóm dwata libun boluyen Asira, ne yó kem lennged nmò le kul dwata gel nmò le gu bè koyu, dalang se yó kem dwata lennged gel tenwél le. 4Gotu hegbaen snéen yó kem gónó le demsù ebè Baal ne yóm gónó le gel mtem insinsu ebéléen. Gotu hlusoken lu yó kem hehek yóm dwata kéng boluyen Asira ne yó kem dwata kéng gel nmò le gu bè koyu, dalang se yóm dwata lennged gel tenwél le, gotu hlusoken. Ominen gotu smohul kul ebè lebeng yó kem tau gel demsù ebélê le. 5Bud hdutungen snéen yóm tiol yó kem tau gel blóng le ebè dwata kéng, hdutungen ta yóm gónó le gel demsù. Bè nim nmoen ni, hfólósen yóm benwu Juda ne Jirusalim.
6Bud lómón yó snéen nmoen bè benwu Manasi ne bè benwu Ifraim ne bè benwu Simyun efet kól etu bè benwu Naftali. 7Gotu hegbaen yó kem gónó le gel demsù ebélê le, dalang se yó kem hehek yóm dwata libun boluyen Asira gotu hlusoken, ne gotu heblibuen yó kem lennged yóm dwata kéng le. Dalang se yó kem gónó le gel mtem insinsu ebè yó kem dwata kéng bè klamang Israél, gotu hegbaen. Omin Jusaya yó he mulék ebè Jirusalim.
8Bè yóm gesfoloen wolu halay deng kmamal benwu Jusaya, deng gotu hfólósen ne yóm benwu le ne yóm Gónô Dwata. Yó nmoen, wen kem tau néléken mò temlob du yóm Gónô yóm kun Dwata. Néléken Syafan ngà Asalaya, ne Maasiya yóm gubérnor bè Jirusalim, ne Juha ngà Juahas yóm tau fen mogot yó kem snulat le bè gónô bong. 9Mógów le etu bè Hilkaya yóm geta bè yó kem tau gel blóng ebè Dwata, nim tlu kem tau ni. Blay le du yóm filak deng nwit yó kem tau ebè Gónô Dwata, yóm gel sentifun yó kem sfu Libay gel mentey bè yó bè bak tikeb yóm Gónô Dwata. Yóm basa nwit le yó lemwót gu bè yó kem sfu Manasi, ne sfu Ifraim, ne bè yó kem dù tau tebel bè Israél, dalang se yó kem tau bè klamang Juda ne Bindyamin, ne yó kem tau bè Jirusalim. 10Blay le yóm filak yó bè yó kem tau deng gónón gsigang yóm bud ketlob le yóm Gónô Dwata, mò sukéy yó kem tau bud mò du ne bud temlob du. 11Blay le yó kem tau hulung hemdà gónô mò bli le yó kem botu deng nsaf, ne mò bli le yó kem koyu mò ksów yóm Gónô Dwata. Tenlob hdà le yóm deng tódô bayà hegbà yó kem gna tau hol geta bè Juda.
12Tey kmò le nmò yó kem tau bud temlob yóm Gónô Dwata yó. Yó fen malak kul yó kem sfu Libay, Jahat ne Ubadaya kun tbong Mirari, ne Sikaraya ne Misulam kun tbong Kuhat. Okóm yó kem dumu sfu Libay, tódô kdê le hulung semngal mung bè yó kem gel nuni le. 13Lu gónón gsigang yó kem tau wen kenhulung le bè yó kem dê kay nmò. Ne yó kem dumu fen tmóbóng smulat, ne fen genlal bélê le, ne fen mentey bè bak tikeb yóm Gónô Dwata.
Kton Hilkaya yóm Bok Hlau Dwata
14Yóm igò le ma du lem Gónô Dwata yóm filak deng nwit yó kem tau, ton Hilkaya yóm geta bè yó kem tau gel blóng ebè Dwata, yóm Bok Hlau Dwata tehe hsulat Dwata ke Musis. 15Yó mon Hilkaya mò ke Syafan yóm tau fen gel smulat, “Deng tonu yóm Bok Hlau lem Gónô Dwata.” Omin Hilkaya bemlay du ke Syafan yóm bok yó.
16Lemwót Syafan nwiten ebè yóm tau hol geta yóm bok yó, ne yó monen mò yóm tau hol geta, “Deng gotu nmò yó kem genlalem yóm kdê hmoem kul. 17Deng sulék nwa le yó kem filak deng sentifun le lem Gónô Dwata, ne deng blay le bè yó kem tau deng gónón gsigang yóm bud ketlob yóm Gónô Dwata ne bè yó kem tau mò du.” 18Bud tulón Syafan yóm tau hol geta, monen, “Wen bok blay Hilkaya dou yóm tau gel blóng ebè Dwata.” Ne senfala Syafan bè yó bè solu yóm tau hol geta yóm bok yó.
19Timbow gungol yóm tau hol geta yóm udél nô lem yóm Bok Hlau yó, tódô gekséen nesen, botong ksidek kegnómen du. 20Ominen kendel mdók yó kem tau gel blóng ebè Dwata, le Hilkaya ne Ahikam ngà Syafan, ne Abdon ngà Mika, ne Syafan yóm tau fen gel smulat, ne Asiya yóm sotu tóbóng lówóhen, yó monen mò kul, 21“Mógów ye ebè Gónô Dwata, snólók ye kum bè Dwata kem dù tau tebel bè Israél ne bè Juda, yóm udél deng nô lem nim bok ton le ni. Tey kebut Dwata tekuy, abay se là kô nimón kem fù tekuy du yóm udél deng snulat lem nim bok ni. Ne balù udì se ke deng nmò tekuy yóm udél deng snulat lem nim bok ni.”
22Tahu se, lemwót le Hilkaya ne yó kem dumu tau hógów yóm tau hol geta, mógów le ebè yóm tugod Dwata libun yehen Syalum boluyen Hulda menwu bè lebét Jirusalim. Yóm Syalum ngà Tikba ne témê Harhas, du fen gel mogot yó kem nes gel lesek le lem Gónô Dwata, ne tulón le du yóm bok Hlau Dwata deng ton le. 23Yó udélen ebélê le yóm libun yó, monen, “Ni se deng udél Dwata yóm Dwata yó kem tau Israél. Tulón ye yóm tau deng hógów kuy ebéléu, mon ye mò du, 24‘Ni se udél Dwata, Angat genbau nim syudad ni gomong yó kem tau nô lemen, lómón yóm deng tulónen lem yóm bok deng senfala le bè soluhem. 25Lemwót bè yóm deng ktebel le do yó kem tau bè Juda, ne deng le tmaba ebè yó kem dwata kéng, tey kebutu kul bè ni kem nmò le ni. Angat tódô koku eta Jirusalim yóm tey kebutu kul, ne là kóen monol.’
26Bong bè yó dum tau hol geta bè Juda deng hógów kuy na a smólók ke Dwata, tulón ye du, mon ye, Ni se udél Dwata, yóm Dwata yó kem tau Israél gbak bè yó kem udél lomi gungolem, Ni monu mò kóm, 27‘Lemwót bè yóm deng kehegselem ne keheglaanem béléu bè yóm kungolem du yóm udélu eta nim syudad ni ne eta yó kem tauhen, ne botong gekséem nesem lanen alì sidek kegnómem du lelem mkik bè yóm kehegselem, deng hnungolu yóm knihem béléu. 28Là tagad genlau du he yóm syudad yó ne yó kem tauhen efeti deng matay igoen tolo menek kbenwuhem. Là kô tonem du se kóm yóm angat tey kegtafak yó kem tau bè nim benwu ni.’ ” Omin le mulék ebè yóm tau hol geta, ne tulón le du yóm balà Hulda kul yó.
Kwit Jusaya kul semfulék ebè Dwata yó kem tau
(2 Bok Kem Tau Hol Geta 23:1-20)
29Omin yóm tau hol geta hemwit udél anì gotu le stifun yó kem tmuha malak bè Juda ne bè Jirusalim. 30Ominen mógów ebè Gónô Dwata mung du yóm kdéen tau bè Juda ne kdéen tau bè Jirusalim, kem tau blóng ebè Dwata ne yó kem tau semfu gu bè Libay, tódô kdéen tau kewóten bè leneken kkólen bè lebangen, gotu mung du. Bè yó bè solu le, senfala yóm tau hol geta yóm kdê deng nô lem yóm Bok Fasad deng ton le lem yóm Gónô Dwata. 31Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le. 32Ominen senged se bud hfasaden yóm kdê tau bè Jirusalim ne yóm kdê tau bè benwu Bindyamin. Bè yóm kfasad le du yó kem tau bè Jirusalim yóm yó, bud hnomi le yóm fasad le ke Dwata, yóm Dwata yó kem tehe fù le.
33Duhen yó, gotu hkó Jusaya yóm kdéen dwata lennged alì kenbê tnaba le bè klamang Israél. Yó hloloen yó kem tau, olon bè yóm sana kul Dwata hol gónó mogot gónó le e tmaba. Bè yóm klawi Jusaya mowil, là kô knogol le ke Dwata yó kem tau Israél yóm Dwata yó kem tehe fù le.
Currently Selected:
2 Tutul Israél 34: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 34
34
Kogot Jusaya yóm benwu Juda
(2 Bok Kem Tau Hol Geta 22:1-2)
1Yóm kbaling Jusaya tau hol geta bè benwu Juda, hanà wolu he halayen. Yó kegenen kmamal du botong tlu folò sotu halay, ne bè Jirusalim gónóhen nô. 2Bè ket nmoen, tey tedeng kton Dwata du, ne tódô loloen yóm tehe kun kmò yóm tehe fuen Dabid, sal loloen yóm tedeng.
3Bè yóm deng gwoluhen halay kmamal benwu, hanà tolo ngà he, bede nbuten ne lemolò ke Dwata yóm Dwata yóm fuen Dabid. Ne tikóng deng sfolò lewu halayen mogot benwu, nbuten hfólós du yóm benwu Juda ne Jirusalim mlan bè kehegbaen yó kem gónó le tmaba ebè yó kem dwata kéng, ne hlusoken yó kem hehek yóm dwata libun boluyen Asira, ne yó kem lennged nmò le kul dwata gel nmò le gu bè koyu, dalang se yó kem dwata lennged gel tenwél le. 4Gotu hegbaen snéen yó kem gónó le demsù ebè Baal ne yóm gónó le gel mtem insinsu ebéléen. Gotu hlusoken lu yó kem hehek yóm dwata kéng boluyen Asira ne yó kem dwata kéng gel nmò le gu bè koyu, dalang se yóm dwata lennged gel tenwél le, gotu hlusoken. Ominen gotu smohul kul ebè lebeng yó kem tau gel demsù ebélê le. 5Bud hdutungen snéen yóm tiol yó kem tau gel blóng le ebè dwata kéng, hdutungen ta yóm gónó le gel demsù. Bè nim nmoen ni, hfólósen yóm benwu Juda ne Jirusalim.
6Bud lómón yó snéen nmoen bè benwu Manasi ne bè benwu Ifraim ne bè benwu Simyun efet kól etu bè benwu Naftali. 7Gotu hegbaen yó kem gónó le gel demsù ebélê le, dalang se yó kem hehek yóm dwata libun boluyen Asira gotu hlusoken, ne gotu heblibuen yó kem lennged yóm dwata kéng le. Dalang se yó kem gónó le gel mtem insinsu ebè yó kem dwata kéng bè klamang Israél, gotu hegbaen. Omin Jusaya yó he mulék ebè Jirusalim.
8Bè yóm gesfoloen wolu halay deng kmamal benwu Jusaya, deng gotu hfólósen ne yóm benwu le ne yóm Gónô Dwata. Yó nmoen, wen kem tau néléken mò temlob du yóm Gónô yóm kun Dwata. Néléken Syafan ngà Asalaya, ne Maasiya yóm gubérnor bè Jirusalim, ne Juha ngà Juahas yóm tau fen mogot yó kem snulat le bè gónô bong. 9Mógów le etu bè Hilkaya yóm geta bè yó kem tau gel blóng ebè Dwata, nim tlu kem tau ni. Blay le du yóm filak deng nwit yó kem tau ebè Gónô Dwata, yóm gel sentifun yó kem sfu Libay gel mentey bè yó bè bak tikeb yóm Gónô Dwata. Yóm basa nwit le yó lemwót gu bè yó kem sfu Manasi, ne sfu Ifraim, ne bè yó kem dù tau tebel bè Israél, dalang se yó kem tau bè klamang Juda ne Bindyamin, ne yó kem tau bè Jirusalim. 10Blay le yóm filak yó bè yó kem tau deng gónón gsigang yóm bud ketlob le yóm Gónô Dwata, mò sukéy yó kem tau bud mò du ne bud temlob du. 11Blay le yó kem tau hulung hemdà gónô mò bli le yó kem botu deng nsaf, ne mò bli le yó kem koyu mò ksów yóm Gónô Dwata. Tenlob hdà le yóm deng tódô bayà hegbà yó kem gna tau hol geta bè Juda.
12Tey kmò le nmò yó kem tau bud temlob yóm Gónô Dwata yó. Yó fen malak kul yó kem sfu Libay, Jahat ne Ubadaya kun tbong Mirari, ne Sikaraya ne Misulam kun tbong Kuhat. Okóm yó kem dumu sfu Libay, tódô kdê le hulung semngal mung bè yó kem gel nuni le. 13Lu gónón gsigang yó kem tau wen kenhulung le bè yó kem dê kay nmò. Ne yó kem dumu fen tmóbóng smulat, ne fen genlal bélê le, ne fen mentey bè bak tikeb yóm Gónô Dwata.
Kton Hilkaya yóm Bok Hlau Dwata
14Yóm igò le ma du lem Gónô Dwata yóm filak deng nwit yó kem tau, ton Hilkaya yóm geta bè yó kem tau gel blóng ebè Dwata, yóm Bok Hlau Dwata tehe hsulat Dwata ke Musis. 15Yó mon Hilkaya mò ke Syafan yóm tau fen gel smulat, “Deng tonu yóm Bok Hlau lem Gónô Dwata.” Omin Hilkaya bemlay du ke Syafan yóm bok yó.
16Lemwót Syafan nwiten ebè yóm tau hol geta yóm bok yó, ne yó monen mò yóm tau hol geta, “Deng gotu nmò yó kem genlalem yóm kdê hmoem kul. 17Deng sulék nwa le yó kem filak deng sentifun le lem Gónô Dwata, ne deng blay le bè yó kem tau deng gónón gsigang yóm bud ketlob yóm Gónô Dwata ne bè yó kem tau mò du.” 18Bud tulón Syafan yóm tau hol geta, monen, “Wen bok blay Hilkaya dou yóm tau gel blóng ebè Dwata.” Ne senfala Syafan bè yó bè solu yóm tau hol geta yóm bok yó.
19Timbow gungol yóm tau hol geta yóm udél nô lem yóm Bok Hlau yó, tódô gekséen nesen, botong ksidek kegnómen du. 20Ominen kendel mdók yó kem tau gel blóng ebè Dwata, le Hilkaya ne Ahikam ngà Syafan, ne Abdon ngà Mika, ne Syafan yóm tau fen gel smulat, ne Asiya yóm sotu tóbóng lówóhen, yó monen mò kul, 21“Mógów ye ebè Gónô Dwata, snólók ye kum bè Dwata kem dù tau tebel bè Israél ne bè Juda, yóm udél deng nô lem nim bok ton le ni. Tey kebut Dwata tekuy, abay se là kô nimón kem fù tekuy du yóm udél deng snulat lem nim bok ni. Ne balù udì se ke deng nmò tekuy yóm udél deng snulat lem nim bok ni.”
22Tahu se, lemwót le Hilkaya ne yó kem dumu tau hógów yóm tau hol geta, mógów le ebè yóm tugod Dwata libun yehen Syalum boluyen Hulda menwu bè lebét Jirusalim. Yóm Syalum ngà Tikba ne témê Harhas, du fen gel mogot yó kem nes gel lesek le lem Gónô Dwata, ne tulón le du yóm bok Hlau Dwata deng ton le. 23Yó udélen ebélê le yóm libun yó, monen, “Ni se deng udél Dwata yóm Dwata yó kem tau Israél. Tulón ye yóm tau deng hógów kuy ebéléu, mon ye mò du, 24‘Ni se udél Dwata, Angat genbau nim syudad ni gomong yó kem tau nô lemen, lómón yóm deng tulónen lem yóm bok deng senfala le bè soluhem. 25Lemwót bè yóm deng ktebel le do yó kem tau bè Juda, ne deng le tmaba ebè yó kem dwata kéng, tey kebutu kul bè ni kem nmò le ni. Angat tódô koku eta Jirusalim yóm tey kebutu kul, ne là kóen monol.’
26Bong bè yó dum tau hol geta bè Juda deng hógów kuy na a smólók ke Dwata, tulón ye du, mon ye, Ni se udél Dwata, yóm Dwata yó kem tau Israél gbak bè yó kem udél lomi gungolem, Ni monu mò kóm, 27‘Lemwót bè yóm deng kehegselem ne keheglaanem béléu bè yóm kungolem du yóm udélu eta nim syudad ni ne eta yó kem tauhen, ne botong gekséem nesem lanen alì sidek kegnómem du lelem mkik bè yóm kehegselem, deng hnungolu yóm knihem béléu. 28Là tagad genlau du he yóm syudad yó ne yó kem tauhen efeti deng matay igoen tolo menek kbenwuhem. Là kô tonem du se kóm yóm angat tey kegtafak yó kem tau bè nim benwu ni.’ ” Omin le mulék ebè yóm tau hol geta, ne tulón le du yóm balà Hulda kul yó.
Kwit Jusaya kul semfulék ebè Dwata yó kem tau
(2 Bok Kem Tau Hol Geta 23:1-20)
29Omin yóm tau hol geta hemwit udél anì gotu le stifun yó kem tmuha malak bè Juda ne bè Jirusalim. 30Ominen mógów ebè Gónô Dwata mung du yóm kdéen tau bè Juda ne kdéen tau bè Jirusalim, kem tau blóng ebè Dwata ne yó kem tau semfu gu bè Libay, tódô kdéen tau kewóten bè leneken kkólen bè lebangen, gotu mung du. Bè yó bè solu le, senfala yóm tau hol geta yóm kdê deng nô lem yóm Bok Fasad deng ton le lem yóm Gónô Dwata. 31Lemwót yóm tau hol geta mdà klohok yóm sotu hehek bè Gónô Dwata bè yóm tey kfasangen. Ne bè yó bè solu Dwata, bud hnomihen yóm tehe senfasad le Dwata yó kem tau Israél. Fasaden ke Dwata yóm hol kehewóten du lem but blututen yóm kimónen du yó kem hlauhen kul dalang se yó kem hloloen kul. Fasaden ke Dwata yóm kimónen du yóm kdê yó kem nô lem yóm bok, yóm deng tehe senfasad le Dwata yó kem tehe fù le. 32Ominen senged se bud hfasaden yóm kdê tau bè Jirusalim ne yóm kdê tau bè benwu Bindyamin. Bè yóm kfasad le du yó kem tau bè Jirusalim yóm yó, bud hnomi le yóm fasad le ke Dwata, yóm Dwata yó kem tehe fù le.
33Duhen yó, gotu hkó Jusaya yóm kdéen dwata lennged alì kenbê tnaba le bè klamang Israél. Yó hloloen yó kem tau, olon bè yóm sana kul Dwata hol gónó mogot gónó le e tmaba. Bè yóm klawi Jusaya mowil, là kô knogol le ke Dwata yó kem tau Israél yóm Dwata yó kem tehe fù le.
© 2007, Wycliffe Bible Translators, Inc. All rights reserved.