2 Tutul Israél 17
17
Kogot Jihusafat yóm benwu Juda
1Yó bud temles ke Asa yóm tau hol geta, duhen Jihusafat yóm ngaen logi. Tey kehbegelen mogot yóm benwu Juda anì laen dù gmò le béléen yó kem tau bè Israél. 2Yóm kdê yó kem syudad mbegel bè Juda, sal wen kem sendalù sù Jihusafat du, ne bud tennuen kamfù yó kem sendalù bè Juda ne bè yó kem benwu glem lem tonok Bindyamin deng tehe gled maen Asa.
3Tendo nô bè Jihusafat Dwata, abay se lolò Jihusafat yóm tehe nmò maen, là kóen tmaba ebè Baal. 4Són ebè yóm Dwata maen gónón e tmaba, loloen yó kem hlolò Dwata du, ne là kô loloen du yóm kul kmò yó kem tau bè benwu Israél. 5Yó gónóm mon, tey kehbegel Dwata du yóm kogoten yóm benwu Juda. Tódô kdê yó kem tau bè Juda mit basa ebéléen, ne yó gónón wen tey kendengenen ne tey kadat le du yó kem kun tau. 6Tey khotuhen nawahen lemolò du yóm kun lan Dwata. Gotu genbaen yó kem gónó le tmaba ebè yó kem dwata kéng ne yó kem hehek yóm dwata libun boluyen Asira.
7Bè yóm getluhen halay mogot benwu Jihusafat, yó nmoen hógówen yó kem genlalen mò tmolok udél Dwata bè yó kem syudad bè Juda. Yó boluy le, Bin-hail ne Ubadaya ne Sikaraya ne Nitanél ne Mikaya. 8Mung kul yó kem sfu Libay, le Simaya ne Nitanaya ne Sibadaya ne Asahél ne Simiramut ne Jihunatan ne Adunadya ne Tubidya ne Tub-adunidya. Hmungen bè yó kem tau Libay yó kem tau gel blóng ebè Dwata, Ilisama lewu le Jihuram. 9Bè yóm kógów le yó, nwit le yóm Bok Hlau Dwata, mógów le bè yóm kdê syudad bè klamang Juda na le e tolok yó kem tau.
10Ominen yó nmò Dwata, suen bè yó kem dumu benwu hmilol Juda yóm klikò le du anì laen dù bélê le gmida ke Jihusafat. 11Balù yó kem Flistin, wen bélê le mit basa ebè Jihusafat, ne wen blówón bukayen mò bayad le bwis béléen. Senged se yó kem tau Arab, botong hitu libu hitu latu kem ubiha nwit le se kul, ne bud hitu libu bud hitu latu se kambing logihen.
12Duhen yó, tódô sónmoen temnù kfasang Jihusafat. Wen kem gónô mofin kul hefdaen, ne wen kem syudad hefdaen bè klamang Juda mò gónón hemyu yó kem wen mu le du bè gida. 13Tey kwenen yó kem henyuhen bè yó kem syudad bè Juda. Ne wen tey sendalù alì layam bè gida suen bè Jirusalim. 14Yóm kmò klista le yó kem sendalù yó, hlan le bè gónó le gu tembong.
Yó kwen yó kem sendalù tembong gu bè Juda, botong tlu latu libuhen, ne ket lemibu kmò kesbung le kul. Yó fen kmandér le, duhen Adna. 15Todol béléen Jihuhanan, du kmandér bè yóm lewu latu wolu folò libu kem sendalù. 16Bud todol bè Jihuhanan, duhen Amasaya ngà Sikri. Tódô tmóbóng se kun bè yóm nmò Dwata, ne botong lewu latu libu kem sendalù kun nalak.
17Yó kwen kem sendalù lemwót gu bè tbong Bindyamin, lewu latu libuhen, bede hono le mit klung ne boho. Yó fen kmandér le, duhen Ilyada yóm sendalù deng alì layam bè gida. 18Tmodol béléen Jihusabad, botong lematu wolu folò libu sendalù nalaken mò mit ngom sfatay.
19Ni se lu yó kem sendalù nô bè Jirusalim gel tmóbóng ke Jihusafat yóm tau hol geta, là gomongen bélê le yó kem sendalù sù Jihusafat bè yó kem syudad mbegel beng hilolen bè klamang Juda.
Currently Selected:
2 Tutul Israél 17: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 17
17
Kogot Jihusafat yóm benwu Juda
1Yó bud temles ke Asa yóm tau hol geta, duhen Jihusafat yóm ngaen logi. Tey kehbegelen mogot yóm benwu Juda anì laen dù gmò le béléen yó kem tau bè Israél. 2Yóm kdê yó kem syudad mbegel bè Juda, sal wen kem sendalù sù Jihusafat du, ne bud tennuen kamfù yó kem sendalù bè Juda ne bè yó kem benwu glem lem tonok Bindyamin deng tehe gled maen Asa.
3Tendo nô bè Jihusafat Dwata, abay se lolò Jihusafat yóm tehe nmò maen, là kóen tmaba ebè Baal. 4Són ebè yóm Dwata maen gónón e tmaba, loloen yó kem hlolò Dwata du, ne là kô loloen du yóm kul kmò yó kem tau bè benwu Israél. 5Yó gónóm mon, tey kehbegel Dwata du yóm kogoten yóm benwu Juda. Tódô kdê yó kem tau bè Juda mit basa ebéléen, ne yó gónón wen tey kendengenen ne tey kadat le du yó kem kun tau. 6Tey khotuhen nawahen lemolò du yóm kun lan Dwata. Gotu genbaen yó kem gónó le tmaba ebè yó kem dwata kéng ne yó kem hehek yóm dwata libun boluyen Asira.
7Bè yóm getluhen halay mogot benwu Jihusafat, yó nmoen hógówen yó kem genlalen mò tmolok udél Dwata bè yó kem syudad bè Juda. Yó boluy le, Bin-hail ne Ubadaya ne Sikaraya ne Nitanél ne Mikaya. 8Mung kul yó kem sfu Libay, le Simaya ne Nitanaya ne Sibadaya ne Asahél ne Simiramut ne Jihunatan ne Adunadya ne Tubidya ne Tub-adunidya. Hmungen bè yó kem tau Libay yó kem tau gel blóng ebè Dwata, Ilisama lewu le Jihuram. 9Bè yóm kógów le yó, nwit le yóm Bok Hlau Dwata, mógów le bè yóm kdê syudad bè klamang Juda na le e tolok yó kem tau.
10Ominen yó nmò Dwata, suen bè yó kem dumu benwu hmilol Juda yóm klikò le du anì laen dù bélê le gmida ke Jihusafat. 11Balù yó kem Flistin, wen bélê le mit basa ebè Jihusafat, ne wen blówón bukayen mò bayad le bwis béléen. Senged se yó kem tau Arab, botong hitu libu hitu latu kem ubiha nwit le se kul, ne bud hitu libu bud hitu latu se kambing logihen.
12Duhen yó, tódô sónmoen temnù kfasang Jihusafat. Wen kem gónô mofin kul hefdaen, ne wen kem syudad hefdaen bè klamang Juda mò gónón hemyu yó kem wen mu le du bè gida. 13Tey kwenen yó kem henyuhen bè yó kem syudad bè Juda. Ne wen tey sendalù alì layam bè gida suen bè Jirusalim. 14Yóm kmò klista le yó kem sendalù yó, hlan le bè gónó le gu tembong.
Yó kwen yó kem sendalù tembong gu bè Juda, botong tlu latu libuhen, ne ket lemibu kmò kesbung le kul. Yó fen kmandér le, duhen Adna. 15Todol béléen Jihuhanan, du kmandér bè yóm lewu latu wolu folò libu kem sendalù. 16Bud todol bè Jihuhanan, duhen Amasaya ngà Sikri. Tódô tmóbóng se kun bè yóm nmò Dwata, ne botong lewu latu libu kem sendalù kun nalak.
17Yó kwen kem sendalù lemwót gu bè tbong Bindyamin, lewu latu libuhen, bede hono le mit klung ne boho. Yó fen kmandér le, duhen Ilyada yóm sendalù deng alì layam bè gida. 18Tmodol béléen Jihusabad, botong lematu wolu folò libu sendalù nalaken mò mit ngom sfatay.
19Ni se lu yó kem sendalù nô bè Jirusalim gel tmóbóng ke Jihusafat yóm tau hol geta, là gomongen bélê le yó kem sendalù sù Jihusafat bè yó kem syudad mbegel beng hilolen bè klamang Juda.
© 2007, Wycliffe Bible Translators, Inc. All rights reserved.