2 Tutul Israél 16
16
Yóm són kkamal Asa benwu
1Bè yóm getluhen folò nem halay mogot benwu Asa yóm tau hol geta, yó nmò Baasa yóm tau hol geta bè Israél, nundugen Juda, ne nbuten mò du yóm tey beng hmilol yóm benwu Rama anì laen dù bè yó kem tau nogoten bud mógów ebè Juda, ne laen dù tau Juda hewà gu lem yóm benwu kun nogot Asa yóm tau hol geta.#16:1 Yóm benwu Rama monen yó, nô fi bwak Jirusalim, wen dô wolu kilumitru klayuken.Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten ebè Bin-hadad yóm tau hol geta bè benwu Aram, nô bè syudad Dmaskus. Wen udél hwiten ebéléen, yó monen, 2Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten ebè Bin-hadad yóm tau hol geta bè benwu Aram, nô bè syudad Dmaskus. Wen udél hwiten ebéléen, yó monen,
3“Yake hnomi te dé yóm tehe deng senfasad le tehe mà ne yóm tehe maem. Ngem, wen blówón bukay ne tahu blówón deng hwitu mò basahu kóm. Hyu ke genbaem yóm deng kesbilà ye Baasa yóm tau hol geta bè Israél, anì huléken yó kem sendaluen gu bè yóm dou benwu.”
4Tahu se, henmóyô Bin-hadad yóm hni Asa yóm tau hol geta, ne ominen hemwit yó kem tey sendaluen anì na le e nundug yó kem syudad glem lem Israél. Gotu gled le yó kem benwu fi bwak snakuf Israél, duhen yóm benwu Idyon, ne benwu Dan, ne benwu Abél-bit-maaka, ne yóm kdéen benwu snakuf Niftali, yóm syudad gónó le gel hemyu yó kem wen mu le du bè gida. 5Bè yóm kungol Baasa du yóm tau hol geta bè Israél, yóm nmò Bin-hadad yó, yó gónón là bud hemlel hmò yóm beng hmilol yóm syudad Rama. 6Omin Asa mdók yóm kdéen logi bè Juda anì gotu nwa le yóm kdéen botu ne kdéen koyu tô ngom Baasa yóm beng botu tô bengen hmilol syudad Rama. Gotu nwit le mò ngom Asa yóm tau hol geta, yóm beng botu hefdaen hmilol syudad Giba ne yóm sotu benwu boluyen Mispa.
7Bè yóm kdaw yó, lemwót Hanani yóm tau gel wen hton Dwata du, mógów ebè Asa yóm tau hol geta bè benwu Juda, ne monen mò du, “Lemwót bè yóm ksaligem yóm tau hol geta bè benwu Aram, ne là dog snaligem du yóm sana kóm Dwata hol gónó mogot, deng le gotu mdó bè benwuhem yó kem sendalù Israél tô blay Dwata elem hólólem. 8Là gehedemem du kô yóm tehe glumfak yó kem tau bè Ityupya ne kem tau bè Libya, mung kul yó kem tey sendalù wen le, kem klitun tók le ne yó kem sendalù le smakay kudà? Bè yóm kdaw yó, són Dwata snaligem, ne yó gónó Dwata bemlay kul elem hólólem. 9Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.” 10Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.
Yóm kogot Asa benwu
11Yóm kdê nmò Asa yóm tau hol geta, lemwót bè kbuten efet kól bè sónen, deng gotu snulat bè yóm bok gónón nô Yóm Tutul yó kem Tau Geta bè Juda ne bè Israél. 12Bè yóm getluhen folò syóm halayen myón, wen tey des leed bè tihen. Balù yóm tey kleed yóm desen yó, là kóen dog htóbóng bè Dwata, deng mom htóbóng bè yó kem kun duktur. 13Bè yóm gfaten folò sotu halayen myón, ominen yó matay. 14Lebeng le bè yóm gónó lembeng deng hmoen mò kun bè syudad Dabid. Sù le lem yóm lungun dê kay hboo le du, ne wen tey ofi hbong yó kem tau mò ilô yóm kadat le du.
Currently Selected:
2 Tutul Israél 16: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 16
16
Yóm són kkamal Asa benwu
1Bè yóm getluhen folò nem halay mogot benwu Asa yóm tau hol geta, yó nmò Baasa yóm tau hol geta bè Israél, nundugen Juda, ne nbuten mò du yóm tey beng hmilol yóm benwu Rama anì laen dù bè yó kem tau nogoten bud mógów ebè Juda, ne laen dù tau Juda hewà gu lem yóm benwu kun nogot Asa yóm tau hol geta.#16:1 Yóm benwu Rama monen yó, nô fi bwak Jirusalim, wen dô wolu kilumitru klayuken.Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten ebè Bin-hadad yóm tau hol geta bè benwu Aram, nô bè syudad Dmaskus. Wen udél hwiten ebéléen, yó monen, 2Lemwót Asa, gotu nwahen yóm kdéen blówón bukay ne tahu blówón deng tehe henyu le lem Gónô Dwata dalang se bè gónô bongen, gotu hwiten ebè Bin-hadad yóm tau hol geta bè benwu Aram, nô bè syudad Dmaskus. Wen udél hwiten ebéléen, yó monen,
3“Yake hnomi te dé yóm tehe deng senfasad le tehe mà ne yóm tehe maem. Ngem, wen blówón bukay ne tahu blówón deng hwitu mò basahu kóm. Hyu ke genbaem yóm deng kesbilà ye Baasa yóm tau hol geta bè Israél, anì huléken yó kem sendaluen gu bè yóm dou benwu.”
4Tahu se, henmóyô Bin-hadad yóm hni Asa yóm tau hol geta, ne ominen hemwit yó kem tey sendaluen anì na le e nundug yó kem syudad glem lem Israél. Gotu gled le yó kem benwu fi bwak snakuf Israél, duhen yóm benwu Idyon, ne benwu Dan, ne benwu Abél-bit-maaka, ne yóm kdéen benwu snakuf Niftali, yóm syudad gónó le gel hemyu yó kem wen mu le du bè gida. 5Bè yóm kungol Baasa du yóm tau hol geta bè Israél, yóm nmò Bin-hadad yó, yó gónón là bud hemlel hmò yóm beng hmilol yóm syudad Rama. 6Omin Asa mdók yóm kdéen logi bè Juda anì gotu nwa le yóm kdéen botu ne kdéen koyu tô ngom Baasa yóm beng botu tô bengen hmilol syudad Rama. Gotu nwit le mò ngom Asa yóm tau hol geta, yóm beng botu hefdaen hmilol syudad Giba ne yóm sotu benwu boluyen Mispa.
7Bè yóm kdaw yó, lemwót Hanani yóm tau gel wen hton Dwata du, mógów ebè Asa yóm tau hol geta bè benwu Juda, ne monen mò du, “Lemwót bè yóm ksaligem yóm tau hol geta bè benwu Aram, ne là dog snaligem du yóm sana kóm Dwata hol gónó mogot, deng le gotu mdó bè benwuhem yó kem sendalù Israél tô blay Dwata elem hólólem. 8Là gehedemem du kô yóm tehe glumfak yó kem tau bè Ityupya ne kem tau bè Libya, mung kul yó kem tey sendalù wen le, kem klitun tók le ne yó kem sendalù le smakay kudà? Bè yóm kdaw yó, són Dwata snaligem, ne yó gónó Dwata bemlay kul elem hólólem. 9Abay se yóm Dwata, tendo temngel etalak tonok, tenngelen yó kem tau tendo mimón du. Ungel bong yóm nmoem ni. Lenwóten ni ne sónmoen wen dumum sgida.” 10Deng mom lenbut Asa Hanani yóm tau gel wen hton Dwata du, yó gónón heblanggù du. Bè yóm kdaw yó, nbut Asa bè yó ne tendo hemgnok kul yó kem dumu tau nogoten.
Yóm kogot Asa benwu
11Yóm kdê nmò Asa yóm tau hol geta, lemwót bè kbuten efet kól bè sónen, deng gotu snulat bè yóm bok gónón nô Yóm Tutul yó kem Tau Geta bè Juda ne bè Israél. 12Bè yóm getluhen folò syóm halayen myón, wen tey des leed bè tihen. Balù yóm tey kleed yóm desen yó, là kóen dog htóbóng bè Dwata, deng mom htóbóng bè yó kem kun duktur. 13Bè yóm gfaten folò sotu halayen myón, ominen yó matay. 14Lebeng le bè yóm gónó lembeng deng hmoen mò kun bè syudad Dabid. Sù le lem yóm lungun dê kay hboo le du, ne wen tey ofi hbong yó kem tau mò ilô yóm kadat le du.
© 2007, Wycliffe Bible Translators, Inc. All rights reserved.