2 Tutul Israél 12
12
Kled Idyip yóm benwu Juda
(1 Bok Kem Tau Hol Geta 14:25-28)
1Timbow deng tey mbegel ne kogot Rihubuam benwu, deng mom knogolen yóm hlau Dwata, ne mung béléen yóm kdê tau Israél. 2Lemwót bè yóm là kteneb Rihubuam bè Dwata, bè yóm glimuhen halay kmamal benwu, yó nmò Sisak yóm tau hol geta bè Idyip, nundugen syudad Jirusalim. 3Botong lemibu lewu latu kudà demyol klitun tók nwiten ne nem folò libu kem tau smakay kudà, ne là kô gbekem msó kul yó kem tey sendalù wen mung du, kem sendalù lemwót gu bè Idyip ne gu bè Libya ne gu bè Sukim ne gu bè Ityupya. 4Gotu nleden yó kem syudad mbegel bengen snakuf Juda, ne ominen hlós ebè Jirusalim.
5Omin Simaya yóm tau tugod Dwata mógów ebè Rihubuam ne ebè yó kem genlalen deng gotu mlóy ebè Jirusalim lemwót bè yóm deng nmò Sisak. Mon Simaya mò kul, “Ni se udél Dwata ebélê ye. Deng tebel ye ou, duhen yó, tebelu yu lem hólól Sisak.”
6Bè yóm kungol yóm tau hol geta du ne yó kem genlalen, botong le heglaan bè Dwata, mon le, “Tey tedeng yóm nmò Dwata bélê tekuy ni.”
7Tikóng ton Dwata yóm keheglaan le béléen yó, yó udél Dwata ebè Simaya, monen, “Lemwót bè yóm keheglaan le béléu yó kem tau, là dog sulék genlau kul ne. Okóm bè yóm kundug Sisak ebè Jirusalim, angat tey sidek kgelen bélê le. Là hlanu du ta Sisak yóm alì kebutu kul yó kem tau lem syudad Jirusalim. 8Okóm baling le tau mò snakufen anì bè yó gónó le temngón du, hyu yóm mogot béléu senta ke mogot le bè yó kem tau hol geta talak tonok.”
9Duhen yó, nundug Sisak yóm tau hol geta bè Idyip yóm syudad Jirusalim, gotu negefen kdê yó kem kimu mebtes nô lem Gónô Dwata, dalang se yó kem kimu mebtes nô bè gónô bong yóm tau hol geta. Tódô gotu negefen kdéen. Negefen snéen yó kem klung blówón hmò Selumun. 10Okóm wen kem klung tembaga hmò Rihubuam yóm tau hol geta, mò tles yó kem klung tahu blówón yó, ne hogoten yó kem genlal mentey bè bak tikeb yóm gónô bong. 11Ke gel mógów ebè Gónô Dwata Rihubuam yóm tau hol geta, wen kem tau mentey mung du mogot yóm klung yó. Sok deng, bud hulék le bè yóm dfél gónó le hemsù kul. 12Lemwót bè yóm keheglaan Rihubuam bè Dwata, yó gónó Dwata là bud lembut du, ne là dog sulék genlaen kul. Ne tolo wen he yóm hyu lem yóm benwu Juda.
Yóm kogot Rihubuam benwu
13Deng tey kehbegel Rihubuam yóm tau hol geta bè Jirusalim, ne tódô henlósen mogot benwu. Yóm kbut kogoten benwu deng fat folò sotu ne halayen. Yó kegenen mogot benwu sfolò hitu halay, ne bè Jirusalim gónón gel nô, yóm syudad deng nélék Dwata lem blóng yóm kdéen tbong Israél mò mit yóm kun boluy. Yó boluy yê Rihubuam, Naama libun lemwót bè Amon. 14Deng mom nmò Rihubuam yóm sidek bè kton Dwata du, abay se monem là lemwóten lem but blututen yóm kloloen ke Dwata.
15Yóm kdê nmò Rihubuam, lenwóten bè kbuten efet kól bè sónen, deng gotu snulat le bè Bok Snulat Simaya yóm Tugod Dwata, ne bè Bok Snulat Ido yóm tau wen gel hton Dwata du. Yóm snulat le yó, mung bè yóm bok gónó le smulat yó kem sfu tau. Yóm Rihubuam lewu le Jirubuam, tódô senflós le sfohon. 16Timbow matay Rihubuam, lebeng le bè syudad Dabid, ne yóm ngaen Abidya bud tles tau hol geta.
Currently Selected:
2 Tutul Israél 12: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 12
12
Kled Idyip yóm benwu Juda
(1 Bok Kem Tau Hol Geta 14:25-28)
1Timbow deng tey mbegel ne kogot Rihubuam benwu, deng mom knogolen yóm hlau Dwata, ne mung béléen yóm kdê tau Israél. 2Lemwót bè yóm là kteneb Rihubuam bè Dwata, bè yóm glimuhen halay kmamal benwu, yó nmò Sisak yóm tau hol geta bè Idyip, nundugen syudad Jirusalim. 3Botong lemibu lewu latu kudà demyol klitun tók nwiten ne nem folò libu kem tau smakay kudà, ne là kô gbekem msó kul yó kem tey sendalù wen mung du, kem sendalù lemwót gu bè Idyip ne gu bè Libya ne gu bè Sukim ne gu bè Ityupya. 4Gotu nleden yó kem syudad mbegel bengen snakuf Juda, ne ominen hlós ebè Jirusalim.
5Omin Simaya yóm tau tugod Dwata mógów ebè Rihubuam ne ebè yó kem genlalen deng gotu mlóy ebè Jirusalim lemwót bè yóm deng nmò Sisak. Mon Simaya mò kul, “Ni se udél Dwata ebélê ye. Deng tebel ye ou, duhen yó, tebelu yu lem hólól Sisak.”
6Bè yóm kungol yóm tau hol geta du ne yó kem genlalen, botong le heglaan bè Dwata, mon le, “Tey tedeng yóm nmò Dwata bélê tekuy ni.”
7Tikóng ton Dwata yóm keheglaan le béléen yó, yó udél Dwata ebè Simaya, monen, “Lemwót bè yóm keheglaan le béléu yó kem tau, là dog sulék genlau kul ne. Okóm bè yóm kundug Sisak ebè Jirusalim, angat tey sidek kgelen bélê le. Là hlanu du ta Sisak yóm alì kebutu kul yó kem tau lem syudad Jirusalim. 8Okóm baling le tau mò snakufen anì bè yó gónó le temngón du, hyu yóm mogot béléu senta ke mogot le bè yó kem tau hol geta talak tonok.”
9Duhen yó, nundug Sisak yóm tau hol geta bè Idyip yóm syudad Jirusalim, gotu negefen kdê yó kem kimu mebtes nô lem Gónô Dwata, dalang se yó kem kimu mebtes nô bè gónô bong yóm tau hol geta. Tódô gotu negefen kdéen. Negefen snéen yó kem klung blówón hmò Selumun. 10Okóm wen kem klung tembaga hmò Rihubuam yóm tau hol geta, mò tles yó kem klung tahu blówón yó, ne hogoten yó kem genlal mentey bè bak tikeb yóm gónô bong. 11Ke gel mógów ebè Gónô Dwata Rihubuam yóm tau hol geta, wen kem tau mentey mung du mogot yóm klung yó. Sok deng, bud hulék le bè yóm dfél gónó le hemsù kul. 12Lemwót bè yóm keheglaan Rihubuam bè Dwata, yó gónó Dwata là bud lembut du, ne là dog sulék genlaen kul. Ne tolo wen he yóm hyu lem yóm benwu Juda.
Yóm kogot Rihubuam benwu
13Deng tey kehbegel Rihubuam yóm tau hol geta bè Jirusalim, ne tódô henlósen mogot benwu. Yóm kbut kogoten benwu deng fat folò sotu ne halayen. Yó kegenen mogot benwu sfolò hitu halay, ne bè Jirusalim gónón gel nô, yóm syudad deng nélék Dwata lem blóng yóm kdéen tbong Israél mò mit yóm kun boluy. Yó boluy yê Rihubuam, Naama libun lemwót bè Amon. 14Deng mom nmò Rihubuam yóm sidek bè kton Dwata du, abay se monem là lemwóten lem but blututen yóm kloloen ke Dwata.
15Yóm kdê nmò Rihubuam, lenwóten bè kbuten efet kól bè sónen, deng gotu snulat le bè Bok Snulat Simaya yóm Tugod Dwata, ne bè Bok Snulat Ido yóm tau wen gel hton Dwata du. Yóm snulat le yó, mung bè yóm bok gónó le smulat yó kem sfu tau. Yóm Rihubuam lewu le Jirubuam, tódô senflós le sfohon. 16Timbow matay Rihubuam, lebeng le bè syudad Dabid, ne yóm ngaen Abidya bud tles tau hol geta.
© 2007, Wycliffe Bible Translators, Inc. All rights reserved.