2 Tutul Israél 11
11
Yóm eles htugod Dwata ke Simaya
(1 Bok Kem Tau Hol Geta 12:21-24)
1Timbow gdek bè Jirusalim Rihubuam, botong lematu wolu folò libu kem sendalù alì mbegel bè Juda ne Bindyamin sentifunen mò gmida yó kem sendalù Israél anì bud gwahen yóm benwu Israél fi bwak. 2Okóm wen udél Dwata ebè Simaya yóm tau Dwata, monen mò du, 3“Tulónem ke Rihubuam yóm tau hol geta bè Juda yóm ngà Selumun, ne bè yóm kdê tau Israél bè Juda ne bè tonok Bindyamin, 4‘ni se udél Dwata. Bê ye abay mit sgida bè yó kem kuy dumu. Semfulék ye ebè benwu ye, abay se yóm keskó benwu ye yó, hono lemwót béléu.’ ” Tahu se, nimón le yóm udél Dwata yó, ne gotu le mulék, là dog dohò gnida le ke Jirubuam.
Kehbegel Rihubuam yóm benwu Juda
5Tódô nô bè Jirusalim Rihubuam, ne wen kem syudad bè Juda bud hbegelen mò gónó le hofin. 6Hbegelen Bitlihim ne Itan ne Tikwa, 7ne Bit-sur ne Soko ne Adulam, 8ne Gat ne Marisa ne Sif, 9ne Adoraim ne Lakis ne Asika, 10ne Sora ne Aydyalon ne Hibron. Ni se yó kem syudad hbegelen bè Juda ne bè tonok Bindyamin. 11Tey kehbegelen du yó kem gónô hofin bè yó, ne wen kem kmandér suen bè yó kem ket benwu. Ne ket benwu, wen ken ne hnolo ulib ne tifas grép henyuhen bè yó. 12Eles wen se kem klung lembang ne kem buyus suen bè yóm kdê syudad yó, ne tey bud kehbegelen kul. Duhen yó, du mogot yóm benwu Juda ne benwu Bindyamin.
13Okóm yóm kdê tau gel blóng ebè Dwata, ne yó kem sfu Libay menwu lem blóng yó kem tbong Israél fi bwak, gotu le mfi bè Rihubuam ne mógów le ebéléen. 14Tódô tebel yó kem sfu Libay yó yóm tonok le ne yó kem dumu nfun le, mógów le ebè Juda ne bè Jirusalim ne nô le bè yó, abay se deng kenbê Jirubuam lu ne yó kem ngà le ke bud le tau blóng ebè Dwata.#11:14 Yóm Jirubuam tulónen yó, du se ngà Nibat hol mbut mit kul tmaba ebè dwata kéng yó kem tau Israél.Wen kem kun tau blóng ebè dwata kéng nélék Jirubuam mò tmaba dwata ta yó kem bulul, tmaba le ebè yó kem kambing lennged ne bè yó kem safì lennged hmoen lemwót gu bè tahu blówón. 15Wen kem kun tau blóng ebè dwata kéng nélék Jirubuam mò tmaba dwata ta yó kem bulul, tmaba le ebè yó kem kambing lennged ne bè yó kem safì lennged hmoen lemwót gu bè tahu blówón. 16Bè klamang Israél, yóm tau hol nô bè nawahen lemolò ke Dwata yóm Dwata yó kem tau Israél, mung le bè yó kem sfu Libay ebè Jirusalim, bè yó gónó le demsù ebè Dwata yóm Dwata yó kem tehe fù le. 17Yóm nmò le yó, hbegelen yóm benwu Juda, ne tlu halay le temgel ke Rihubuam yóm ngà Selumun. Lolò le Dwata, lómón yóm gel nmò le bè yóm kogoten kul Dabid ne Selumun.
Là gomongen bè nili yóm bérs 18 kól bè bérs 23. Yó tulónen bè ni kem bérs ni yóm kdê libun yehen Rihubuam, wen se yehenen ngà kem dumun setwoli maen. Yó kdê yehen Rihubuam, sfolò wolu ne nem folò kem libun nmuhen. Yó kwen kem ngà Rihubuam bè kdê yó kem yehenen yó, botong wolu folò wolu, lewu folò wolu logi ne nem folò libun. Deng eles nélék Rihubuam yóm sotu ngaen boluyen Ahidya mò tles tau hol geta. Yó kem dumu ngaen, suen lu bè yó kem benwu deng hbegelen.
Currently Selected:
2 Tutul Israél 11: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 11
11
Yóm eles htugod Dwata ke Simaya
(1 Bok Kem Tau Hol Geta 12:21-24)
1Timbow gdek bè Jirusalim Rihubuam, botong lematu wolu folò libu kem sendalù alì mbegel bè Juda ne Bindyamin sentifunen mò gmida yó kem sendalù Israél anì bud gwahen yóm benwu Israél fi bwak. 2Okóm wen udél Dwata ebè Simaya yóm tau Dwata, monen mò du, 3“Tulónem ke Rihubuam yóm tau hol geta bè Juda yóm ngà Selumun, ne bè yóm kdê tau Israél bè Juda ne bè tonok Bindyamin, 4‘ni se udél Dwata. Bê ye abay mit sgida bè yó kem kuy dumu. Semfulék ye ebè benwu ye, abay se yóm keskó benwu ye yó, hono lemwót béléu.’ ” Tahu se, nimón le yóm udél Dwata yó, ne gotu le mulék, là dog dohò gnida le ke Jirubuam.
Kehbegel Rihubuam yóm benwu Juda
5Tódô nô bè Jirusalim Rihubuam, ne wen kem syudad bè Juda bud hbegelen mò gónó le hofin. 6Hbegelen Bitlihim ne Itan ne Tikwa, 7ne Bit-sur ne Soko ne Adulam, 8ne Gat ne Marisa ne Sif, 9ne Adoraim ne Lakis ne Asika, 10ne Sora ne Aydyalon ne Hibron. Ni se yó kem syudad hbegelen bè Juda ne bè tonok Bindyamin. 11Tey kehbegelen du yó kem gónô hofin bè yó, ne wen kem kmandér suen bè yó kem ket benwu. Ne ket benwu, wen ken ne hnolo ulib ne tifas grép henyuhen bè yó. 12Eles wen se kem klung lembang ne kem buyus suen bè yóm kdê syudad yó, ne tey bud kehbegelen kul. Duhen yó, du mogot yóm benwu Juda ne benwu Bindyamin.
13Okóm yóm kdê tau gel blóng ebè Dwata, ne yó kem sfu Libay menwu lem blóng yó kem tbong Israél fi bwak, gotu le mfi bè Rihubuam ne mógów le ebéléen. 14Tódô tebel yó kem sfu Libay yó yóm tonok le ne yó kem dumu nfun le, mógów le ebè Juda ne bè Jirusalim ne nô le bè yó, abay se deng kenbê Jirubuam lu ne yó kem ngà le ke bud le tau blóng ebè Dwata.#11:14 Yóm Jirubuam tulónen yó, du se ngà Nibat hol mbut mit kul tmaba ebè dwata kéng yó kem tau Israél.Wen kem kun tau blóng ebè dwata kéng nélék Jirubuam mò tmaba dwata ta yó kem bulul, tmaba le ebè yó kem kambing lennged ne bè yó kem safì lennged hmoen lemwót gu bè tahu blówón. 15Wen kem kun tau blóng ebè dwata kéng nélék Jirubuam mò tmaba dwata ta yó kem bulul, tmaba le ebè yó kem kambing lennged ne bè yó kem safì lennged hmoen lemwót gu bè tahu blówón. 16Bè klamang Israél, yóm tau hol nô bè nawahen lemolò ke Dwata yóm Dwata yó kem tau Israél, mung le bè yó kem sfu Libay ebè Jirusalim, bè yó gónó le demsù ebè Dwata yóm Dwata yó kem tehe fù le. 17Yóm nmò le yó, hbegelen yóm benwu Juda, ne tlu halay le temgel ke Rihubuam yóm ngà Selumun. Lolò le Dwata, lómón yóm gel nmò le bè yóm kogoten kul Dabid ne Selumun.
Là gomongen bè nili yóm bérs 18 kól bè bérs 23. Yó tulónen bè ni kem bérs ni yóm kdê libun yehen Rihubuam, wen se yehenen ngà kem dumun setwoli maen. Yó kdê yehen Rihubuam, sfolò wolu ne nem folò kem libun nmuhen. Yó kwen kem ngà Rihubuam bè kdê yó kem yehenen yó, botong wolu folò wolu, lewu folò wolu logi ne nem folò libun. Deng eles nélék Rihubuam yóm sotu ngaen boluyen Ahidya mò tles tau hol geta. Yó kem dumu ngaen, suen lu bè yó kem benwu deng hbegelen.
© 2007, Wycliffe Bible Translators, Inc. All rights reserved.