2 Tutul Israél 13
13
Kwit Abidya ke Jirubuam sgida
(1 Bok Kem Tau Hol Geta 15:1-8)
1Yóm kbut Abidya kmamal bè Juda, deng sfolò wolu halay Jirubuam ne mogot bè Israél. 2Tlu halay Abidya kmamal benwu ne bè Jirusalim gónón gel nô. Yó boluy yéen, Mikaya ngà Uryél lemwót bè Gibya.
Omin le sgida Abidya ne Jirubuam. 3Mundug Abidya, mung du yóm fat latu libu kem sendalù deng layam bè gida. Deng htifes se ke Jirubuam, botong wolu latu libu kem sendalù Israél deng layam bè gida se kun nalak. 4Bè yóm kegdek le ta yó kem bulul lemnek bè tonok Ifraim yó kem sendalù Juda, lemwót Abidya mdà ta Buntud Simaraim, mensag ebè Jirubuam ne ebè yó kem sendalù Israél mung du, monen, “Hol hnungol ye ou. 5Là klifót ye du kô yóm deng fasad Dwata ke Dabid yóm Dwata yó kem tau Israél, du ne yó kem kun ktol laen kô dù tul sónen yóm kogot le bè Israél? Yóm Fasad yó, là kô gbek tau mkó du. 6Okóm ke Jirubuam yóm ngà Nibat, yóm tóbóng lówó Selumun ngà Dabid, deng mom natuen yóm amohen. 7Mung le béléen yó kem tau laen dù muhen, hohon le Rihubuam ngà Selumun bè yóm hanà tolo klomihen tau, ne laen kô dù deng glanen, ne là se deng gbeken gemmò bélê le. 8Mone yó kô hendem ye gbek ye gemmò yóm kun knamal Dwata deng nô bè yó kem sfu Dabid lemwót bè yóm tey kwen yó kem sendalù ye, ne kwit ye yóm safì tahu blówón hmò Jirubuam mò dwata ye? 9Deng gotu lo ye lu yó kem tau gel blóng ebè Dwata, kem sfu Aron ne yó kem sfu Libay. Ne deng wen kem tau nélék ye mò blóng ye ebè dwata kéng, lómón yóm gel nmò yó kem tólóng tau bè dumu benwu. Kihu tau sut bélê ye ke wen safì tuduhen duhen ke wen hitu ubihahen, gbek ye ne hembaling du mò blóng ye ebè yóm dwata kéng ye là tahuhen.
10Okóm bélê me kum, Dwata se yóm sana kum gónó mogot, ne là kô knogol me du. Tek són yó kem sfu Aron yó kem kum tau blóng ebè Dwata, ne tek són kem sfu Libay yóm mò tmóbóng kul bè yó kem nmò le. 11Ket hlafus ne kimel demsù le ebè Dwata yó kem dsù hkekeb le ne mtem ebéléen yóm insinsu tilob boohen. Lu fen hemsù yóm mambang ta yóm lemisa hono tahu blówón. Ne ket kifu le hemtom yó kem solok tahu blówón nô bè yóm gónó le hemsù kul. Tendo lolò me kum yóm hloloen kum yóm sana kum Dwata hol gónó mogot, okóm kuy fen knogol ye. 12Ngem, Dwata se nô bélê me. Du se malak kum. Yó kem tau gel blóng me ebéléen gotu le mféw, nalak le mi gmida kuy. Ó kem tau Israél, bê ye nwit sfatay Dwata yóm Dwata yó kem tehe fù ye, abay se là kô ye na a gemmò.”
13Blaem deng wen kem sendalù lifut hógów Jirubuam seblà bè kwang yó kem sendalù Juda mò hmékét kul. 14Tikóng le beklil yó kem sendalù Juda, ton le deng snibut le lu. Omin le hkodu bè Dwata yó kem sendalù Juda, ne gotu le mféw se yó kem tau gel blóng ebè Dwata. 15Tódô hendlà le mensag mundug yó kem sendalù Juda. Bè yóm kehsag le yó, gemmò Dwata bè le Jirubuam ne bè yó kem sendalù Israél. Ktes Abidya lu ne yó kem sendalù Juda. 16Mlóy yó kem sendalù Israél là kô le gemmò, sù Dwata lu lem hólól yó kem sendalù Juda. 17Tey dê hnatay Abidya ne yó kem sendaluen, botong limu latu libu sendalù Israél deng layam bè gida hnatay le. 18Bè yóm kdaw yó, gemmò yó kem sendalù Juda, abay se snalig le Dwata, yóm Dwata yó kem tehe fù le. 19Ktes Abidya ne yó kem sendaluen Jirubuam mung du yó kem sendaluen, ne wen kem syudad gwa le Abidya béléen, duhen yóm benwu Bétél ne Jisana ne Ifron, gomong yó kem benwu snakuf le hmilol kul.
20Duhen yó, laen du bud kfasang Jirubuam ne bè yóm igò Abidya kmamal benwu, tnafak Dwata ne matay. 21Okóm ke Abidya, tey kbegelen. Sfolò fat yehenen ne lewu folò lewu ngaen logi ne sfolò nem ngaen libun. 22Yó kem dumu gendeng Abidya bè yóm kogoten benwu, gomong yó kem udélen ne yó kem deng nmoen, deng gotu nô bè yóm bok boluyen Tutul Snulat Ido yóm Tugod Dwata.
Currently Selected:
2 Tutul Israél 13: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
2 Tutul Israél 13
13
Kwit Abidya ke Jirubuam sgida
(1 Bok Kem Tau Hol Geta 15:1-8)
1Yóm kbut Abidya kmamal bè Juda, deng sfolò wolu halay Jirubuam ne mogot bè Israél. 2Tlu halay Abidya kmamal benwu ne bè Jirusalim gónón gel nô. Yó boluy yéen, Mikaya ngà Uryél lemwót bè Gibya.
Omin le sgida Abidya ne Jirubuam. 3Mundug Abidya, mung du yóm fat latu libu kem sendalù deng layam bè gida. Deng htifes se ke Jirubuam, botong wolu latu libu kem sendalù Israél deng layam bè gida se kun nalak. 4Bè yóm kegdek le ta yó kem bulul lemnek bè tonok Ifraim yó kem sendalù Juda, lemwót Abidya mdà ta Buntud Simaraim, mensag ebè Jirubuam ne ebè yó kem sendalù Israél mung du, monen, “Hol hnungol ye ou. 5Là klifót ye du kô yóm deng fasad Dwata ke Dabid yóm Dwata yó kem tau Israél, du ne yó kem kun ktol laen kô dù tul sónen yóm kogot le bè Israél? Yóm Fasad yó, là kô gbek tau mkó du. 6Okóm ke Jirubuam yóm ngà Nibat, yóm tóbóng lówó Selumun ngà Dabid, deng mom natuen yóm amohen. 7Mung le béléen yó kem tau laen dù muhen, hohon le Rihubuam ngà Selumun bè yóm hanà tolo klomihen tau, ne laen kô dù deng glanen, ne là se deng gbeken gemmò bélê le. 8Mone yó kô hendem ye gbek ye gemmò yóm kun knamal Dwata deng nô bè yó kem sfu Dabid lemwót bè yóm tey kwen yó kem sendalù ye, ne kwit ye yóm safì tahu blówón hmò Jirubuam mò dwata ye? 9Deng gotu lo ye lu yó kem tau gel blóng ebè Dwata, kem sfu Aron ne yó kem sfu Libay. Ne deng wen kem tau nélék ye mò blóng ye ebè dwata kéng, lómón yóm gel nmò yó kem tólóng tau bè dumu benwu. Kihu tau sut bélê ye ke wen safì tuduhen duhen ke wen hitu ubihahen, gbek ye ne hembaling du mò blóng ye ebè yóm dwata kéng ye là tahuhen.
10Okóm bélê me kum, Dwata se yóm sana kum gónó mogot, ne là kô knogol me du. Tek són yó kem sfu Aron yó kem kum tau blóng ebè Dwata, ne tek són kem sfu Libay yóm mò tmóbóng kul bè yó kem nmò le. 11Ket hlafus ne kimel demsù le ebè Dwata yó kem dsù hkekeb le ne mtem ebéléen yóm insinsu tilob boohen. Lu fen hemsù yóm mambang ta yóm lemisa hono tahu blówón. Ne ket kifu le hemtom yó kem solok tahu blówón nô bè yóm gónó le hemsù kul. Tendo lolò me kum yóm hloloen kum yóm sana kum Dwata hol gónó mogot, okóm kuy fen knogol ye. 12Ngem, Dwata se nô bélê me. Du se malak kum. Yó kem tau gel blóng me ebéléen gotu le mféw, nalak le mi gmida kuy. Ó kem tau Israél, bê ye nwit sfatay Dwata yóm Dwata yó kem tehe fù ye, abay se là kô ye na a gemmò.”
13Blaem deng wen kem sendalù lifut hógów Jirubuam seblà bè kwang yó kem sendalù Juda mò hmékét kul. 14Tikóng le beklil yó kem sendalù Juda, ton le deng snibut le lu. Omin le hkodu bè Dwata yó kem sendalù Juda, ne gotu le mféw se yó kem tau gel blóng ebè Dwata. 15Tódô hendlà le mensag mundug yó kem sendalù Juda. Bè yóm kehsag le yó, gemmò Dwata bè le Jirubuam ne bè yó kem sendalù Israél. Ktes Abidya lu ne yó kem sendalù Juda. 16Mlóy yó kem sendalù Israél là kô le gemmò, sù Dwata lu lem hólól yó kem sendalù Juda. 17Tey dê hnatay Abidya ne yó kem sendaluen, botong limu latu libu sendalù Israél deng layam bè gida hnatay le. 18Bè yóm kdaw yó, gemmò yó kem sendalù Juda, abay se snalig le Dwata, yóm Dwata yó kem tehe fù le. 19Ktes Abidya ne yó kem sendaluen Jirubuam mung du yó kem sendaluen, ne wen kem syudad gwa le Abidya béléen, duhen yóm benwu Bétél ne Jisana ne Ifron, gomong yó kem benwu snakuf le hmilol kul.
20Duhen yó, laen du bud kfasang Jirubuam ne bè yóm igò Abidya kmamal benwu, tnafak Dwata ne matay. 21Okóm ke Abidya, tey kbegelen. Sfolò fat yehenen ne lewu folò lewu ngaen logi ne sfolò nem ngaen libun. 22Yó kem dumu gendeng Abidya bè yóm kogoten benwu, gomong yó kem udélen ne yó kem deng nmoen, deng gotu nô bè yóm bok boluyen Tutul Snulat Ido yóm Tugod Dwata.
© 2007, Wycliffe Bible Translators, Inc. All rights reserved.