1 Tutul Israél 12
12
Là gomongen bè nili yóm tsaptér 12. Yó tulónen bè nim tsaptér ni gu laan Dabid là deng kmamal bè Israél, ne gu laan Sól là deng matay, tódô dilô yóm kdéen sendalù Israél yóm kélék Dwata ke Dabid mò tau hol geta bélê le. Yó gónó le mógów ebéléen anì mung le béléen.
Yóm tanay bung sendalù mógów ebè Dabid, hono semfu gu bè Bindyamin, kem kun dumu Sol.
Ne yó kem dumu sendalù kemtes ke Dabid, semfu le gu bè yóm sfolò lewu kem ngà Israél. Yó tulónen bè bérs 22 ne bérs 23, monen,
“Tódô ket kdawen temnù yó kem tau mung ke Dabid efet baling tey wen sendaluen, lómón sendalù Dwata. Tey kóyô le ke géhél ton le yóm kehbaling Dwata ke Dabid tau hol geta tles Sol, lómón yóm deng fasad Dwata.”
Tulónen bè nim tsaptér ni snéen yó kem hilu libu sendalù lemwót bè ket tbong Israél mung ke Dabid, hono le semfu gu bè yóm sfolò lewu kem ngà Israél.
Currently Selected:
1 Tutul Israél 12: tbl
Highlight
Copy
Compare
Share
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
