ROMA 9
9
Hatalla dengan ungkup Ayue je iintih
1Taloh je akan insanangku toh jete toto awi aku oloh ain Kristus. Aku dia mananjaro. Pangingat atei ayungku je ingagalan awi Hatalla mayakin aku kea je auhku te toto. 2Ateiku paham kapehe tuntang susah 3tagal kare paharingku je sama bangsae dengangku. Basa tagal ewen, aku kabuat hakon buah sapa awi Hatalla tuntang imisah bara Kristus. 4#Eks. 4:22 Ewen te ungkup je iintih tuntang Hatalla manjadian ewen anak Ayue kabuat, tuntang mamparahan kuasan Aie akan ewen. Ie manampa janji#9:4: janji: pire-pire naskah jaman horan: kare janji. dengan ewen tuntang manenga akan ewen hukum agama. Hatalla mansanan akan ewen kilen ampie ewen musti manyembah Hatalla tuntang ewen jari manarima kea kare janjie. 5Ewen te turonan bara tato hiang itah. Manumon cara olon, Kristus kea puna asale bara bangsa ewen. Ie labih gantong bara taloh handiai. Tara akan Hatalla sampai katatahie!#9:5: Tara akan Hatalla sampai katatahie!: atawa Ie wei Hatalla je manguasa taloh handiai; keleh tara aran Aie palus katatahie. Amen.
6Aku dia handak mansanan je janjin Hatalla jari dia ihapan tinai tapi dia urase oloh Israel te ungkup je iintih awi Hatalla. 7#Gen. 21:12 Dia urase turonan Abraham te anak Hatalla. Basa Hatalla hamauh dengan Abraham, “Baya turonan Isaak bewei je akan inyewut turonam.” 8Jete rimae turonan Abraham je manjadi anak Hatalla, jete baya turonae je inakan tagal janjin Hatalla; tuntang dia uras turonan ayue. #9:8: dia uras turonan ayue: Jetoh manujok akan turonan Abraham je inakan bara Ismael, anake je inakan awi Hagar (ite Gal. 4:22-23). 9#Gen. 18:10 Basa janjin Hatalla te kalotoh, “Hong katika je jari inukas,#9:9: Hong katika je jari inukas: atawa Hong katika sama kilau toh nyelo rahian. Aku kareh haluli, tuntang Sarah kareh mandino ije biti anak hatue.”
10Tuntang jetoh kea: Rebeka manak due biti anak hatue bara ije bapa, iete Isaak tato hiang itah. 11Helo bara kadadue anak te inakan, Hatalla jari manukas paintih Ayue palus sampai akan katika je rahian. Paintih Hatalla te dia bahapang dengan taloh je ilalus oloh, tapi awi kahandak Hatalla kabuat. Basa katika due anak hatue ain Rebeka te hindai tau malalus taloh je bahalap atawa papa, 12#Gen. 25:23 Hatalla jari mansanan akan Rebeka, “Ije bakas kareh mamenda je tabela.” 13#Mal. 1:2-3 Huang Surat Barasih aton tarasurat, Hatalla hamauh kalotoh, “Yakob inyintaku, tapi Esau inyingiku.”
14Toh, en kabulat auh itah? En Hatalla te dia adil? Batantu haliai Hatalla te adil. 15#Eks. 33:19 Basa Hatalla hamauh dengan Moses, “Aku kareh mamparahan asi akan oloh je Aku handak mamparahan asi, tuntang Aku handak mamparahan sinta akan oloh je Aku handak mamparahan sinta.” 16Jadi katukas atei Hatalla te dia bahapang dengan kahandak olon atawa gawin olon, tapi awi kahalap atei Hatalla kabuat dengan oloh je iintih Awie te. 17#Eks. 9:16 Basa hong Surat Barasih tarasurat, “Hatalla hamauh dengan Raja Misir, ‘Aku mangkat ikau manjadi raja, awi Aku handak, uka mahapan ikau, Aku mamparahan kuasang-Ku tuntang mawi arang-Ku manjadi basewut hong hapus kalunen.’ ” 18Jadi Hatalla masi dengan olon amon Hatalla mangahandak kalote. Tuntang Hatalla mawi oloh manjadi badungil, amon Hatalla mangahandak kalote kea.
Kalait Hatalla tuntang kahalap atei Hatalla
19Nah, Pahari akan hamauh dengangku. “Amon kalote, mbuhen Hatalla magon handak manyalan olon? En diakah ije mahin jaton oloh je olih mangahana kahandak Hatalla?” 20#Yes. 29:16, 45:9 Tapi, Pahari! Pahari baya olon bewei. Tuntang pahari dia tau bahanyi-hanyi manyoal Hatalla! En tau pot kambang misek dengan oloh je manampa ie, “Mbuhen ikau manampa aku kilau toh?” 21En diakah oloh je manampa pot kambang aton hak manampa petak liat te sakahandak ateie? Bara ije kakumpal petak liat, oloh te aton hak manampa due pot kambang: ije te bahalap, je beken te dia lalau bahalap.
22Kalote kea dengan oloh je inampa Hatalla. Ie bara kahandak uka mampalua kasangite tuntang mamparahan kuasan Aie. Tapi ie sabar dengan ewen je musti ihukum tagal gawin ewen je mawi ie balait. 23Hatalla kea bara kahandak uka mamparahan akan itah kasanang je hakutoh je imparahan Awie akan itah je inyinta Awie. Itah jari inatap Awie uka manarima kasanang te. 24Itah toh jari intehau Awie, dia baya bara bangsa Yehudi, tapi bara kare bangsa beken kea. 25#Hos. 2:23 Basa huang surat Nabi Hosea, Hatalla hamauh,
“Kare oloh je dia ungkup ayung-Ku,
kareh inyewut ‘Ungkup ayung-Ku’.
Bangsa je dia inyinta-Ku,
kareh inyewut ‘Je inyinta-Ku’.
26 #
Hos. 1:10
Tuntang hong kueh aton insanan akan oloh, ‘Keton beken ungkup ayung-Ku,’
Intu hete kare oloh te akan inyewut anak Hatalla je belom.”
27 #
Yes. 10:22-23
Nabi Yesaya dengan tukas auhe hamauh tahiu Israel, “Aloh oloh Israel sama kilau pasir hong tasik karee, baya isut bewei je akan inyalamat; 28Basa Tuhan bajeleng handak mahukum kare taloh handiai hong hapus kalunen.” 29#Yes. 1:9 Yesaya hamauh kea kalotoh, “Paribasa Hatalla je Pangkahain Kuasae te dia mampelai turonae akan itah, pasti kajarian itah handiai jari sama kilau Sodom tuntang Gomora.”
Hubungan ungkup ain Hatalla dengan Barita Bahalap bara Hatalla
30Jadi, kabulat auh te kalotoh: kare bangsa beken je dia Yehudi: dia manggau jalan mawi hubungan manjadi bahalap haluli dengan Hatalla. Tapi awi ewen percaya, maka Hatalla mawi hubungan ewen Dengae manjadi bahalap haluli. 31Huang katambalike, kare oloh Yehudi harajur mawi gawi uka mamenda hukum mangat hubungan ewen dengan Hatalla manjadi bahalap haluli. Tapi ewen sasar dia bahasil haream. 32En sababe ewen dia bahasil? Awi ewen malalus hal te dia mahalau kapercaya dengan Hatalla, malengkan dengan gawin ewen kabuat. Maka ewen lawo tantarang buah “Batu Panantarang”. 33#Yes. 28:16 Tahiu batu te huang Surat barasih aton tarasurat kalotoh,
“Ite toh: Hong Sion jari iingkes-Ku
ije batu je kareh mawi oloh tantarang; ie te batu hai je kareh mawi oloh balawo;
Tapi oloh je percaya Dengae
kareh dia manyasal.”
Currently Selected:
ROMA 9: NIJ
Highlight
Share
Copy
Want to have your highlights saved across all your devices? Sign up or sign in
