Popular Bible Verses from ROMA 9

Share

Jadi katukas atei Hatalla te dia bahapang dengan kahandak olon atawa gawin olon, tapi awi kahalap atei Hatalla kabuat dengan oloh je iintih Awie te.

Basa Hatalla hamauh dengan Moses, “Aku kareh mamparahan asi akan oloh je Aku handak mamparahan asi, tuntang Aku handak mamparahan sinta akan oloh je Aku handak mamparahan sinta.”

Tapi, Pahari! Pahari baya olon bewei. Tuntang pahari dia tau bahanyi-hanyi manyoal Hatalla! En tau pot kambang misek dengan oloh je manampa ie, “Mbuhen ikau manampa aku kilau toh?”

Jadi Hatalla masi dengan olon amon Hatalla mangahandak kalote. Tuntang Hatalla mawi oloh manjadi badungil, amon Hatalla mangahandak kalote kea.

En diakah oloh je manampa pot kambang aton hak manampa petak liat te sakahandak ateie? Bara ije kakumpal petak liat, oloh te aton hak manampa due pot kambang: ije te bahalap, je beken te dia lalau bahalap.