EKSODUS 37
37
Manampa Patin Janji
(Eks. 25:10-22)
1Basaleel manampa Patin Janji bara kayu panaga, kapanjange 110 sentimeter, kalombahe tuntang kagantonge 66 sentimeter. 2Hila huang ingalukop hapan amas tulen, palus inampa bingkai amas kalilinge. 3Limbah te inampa epat galang amas akan kayu pikule tuntang imasang intu kaepa-epat pain pati te, due galang intu genep dindinge. 4Inampae kea pikule bara kayu panaga, tuntang ngalukope hapan amas; 5palus kayu pikule inameae akan huang galang intu genep dinding pati te. 6Limbah te inampae ije tutup bara amas tulen, kapanjange 110 sentimter tuntang kalombahe 66 sentimeter. 7Inampa kea due kerub#37:7: kerub: Ite 25:18. bara amas masak, 8ije intu genep tapakan tutup te. Due-due kerub te leket intu tutupe 9tuntang inampa hataharep, dengan palapas je hambirang matep tutup pati te.
Mawi meja akan rote parapah
(Eks. 25:23-30)
10Basaleel mawi meja bara kayu panaga, je kapanjange 88 sentimeter, kalombahe 44 sentimeter tuntang kagantonge 66 sentimeter. 11Meja te ingalukop hapan amas tulen tuntang hakalilinge imasang bingkai amas. 12Palus ie manampa saran meja 7,5 sentimeter kalombahe, saran meja te inampae bingkai amas hakalilinge. 13Inampae epat galang akan kayu pikul, palus ingkepae intu kaepa-epat puting pain meja. 14Galang hapa manahan kayu pikule, imasang tokep saran meja. 15Kayu pikul te inampa bara kayu panaga je ingalukop hapan amas. 16Ie kea manampa kare piring, kare sangkir kare kandi tuntang kare mangkok akan parapah danum anggor. Uras pakakas meja te inampae bara amas tulen.
Gawi manampa tantahan sumbo
(Eks. 25:31-40)
17Besaleel mawi tantahan sumbo bara amas tulen. Lapik tuntang tantahae inampa bara amas masak. Kambang hiasan, tamput kudop tuntang dawen kambange, impahinje dengan tantahae.
18Intu tantahan sumbo te inampae jahawen cakang, telo cakang hasansila. 19Intu genep cakange inampa hiasan kilau telo kambang kanari dengan kudop tuntang dawen kambange. 20Intu tantahae inampa hiasan kilau epat kambang kanari dengan kudop tuntang dawen kambange. 21Intu penda genep kapasang cakang te inampa ije kudop. 22Uras pain sumbo te dengan kare kudop tuntang kare cakange inampa bara ije kabutop amas masak tulen. 23Intu pain sumbo te inampa uju sumbo dengan taloh hapa marasih hampulor sumbo tuntang sangkulepe bara amas tulen. 24Akan manampa pain sumbo tuntang pakakase ihapan 35 kilogram amas tulen.
Manampa mesbeh eka mamapui garo
(Eks. 30:1-5)
25Besaleel manampa bara kayu panaga ije mesbeh akan eka mamapui garo. Mesbeh te lapak epat; panjang tuntang kalombahe sama iete 45 sentimter tuntang kamboe 90 sentimter. Intu kaepa-epat puting hunjue inampa tandok je leket dengan mesbeh te. 26Hila hunjun, kaepa-epat dinding tuntang kare tandoke ingalukop hapan amas tulen tuntang hakalilinge inampa bingkai amas. 27Inampae kea due galang intu penda bingkai amas hong due dindinge akan manahan kayu pikul mesbeh te. 28Kayu pikul te inampa bara kayu panaga je ingalukop hapan amas.
Manampa minyak upacara tuntang garo
(Eks. 30:22-38)
29 #
Eks. 30:22-38
Besaleel kea manampa minyak upacara tuntang garo tulen je mangat ewaue, iewoi kilau minyak mangat ewaue.
Currently Selected:
EKSODUS 37: NIJ
Highlight
Copy
Compare
Share
Want to have your highlights saved across all your devices? Sign up or sign in
