EKSODUS 34

Due batu basurat je taheta

(Deu. 10:1-5)

1Limbah te Tuhan hamauh dengan Moses, “Pahat due bindang batu kilau je helo. Intu batu te Aku kareh manyurat kare auh je sama auhe dengan je aton intu batu je jari imusitm te. 2Tata-tatap hanjewu jewu uka mandai Bukit Sinai tuntang manaharep Aku intu tantan bukit te. 3Jaton ije biti oloh tau omba dengam atawa aton intu hila kueh bewei bara bukit te. Kare sapi tuntang tabiri hatue ela inalua kuman oru intu pain bukit te. 4Palus Moses mamahat due bindang batu tinai, hayak jajewu tinai ie mimbite mandai tinai akan Bukit Sinai kilau irentah Tuhan dengae.

5Palus Tuhan#34:5: Tuhan: Ite 3:14. mohon akan ije baunandau; ie mendeng dengan Moses intu eka te, tuntang manyewut arae je barasih, iete Tuhan, 6#Eks. 20:5-6; Num. 14:18; Deu. 5:9-10, 7:9-10 limbah te Tuhan mahalau bara hila baun Moses tuntang hamauh, “Aku Tuhan, iete Hatalla je kontep katau tuntang asi. Asing-Ku malabien, Aku baketep tuntang dia murah balait. 7Aku tetep masi bakoya-koyan turonan#34:7: bakoya-koyan turonan atawa bakoya-koyan biti oloh. hayak mampun kasalan tuntang dosa. Tapi oloh je basala samasinde dia ilapas-Ku bara hukum, tuntang ihukum-Ku kea kare anak esoe sampai turonan je katelo tuntang kaepat tagal dosan oloh bakas ewen.”

8Hemben te kea Moses sontop manyembah. 9Koae, Tuhan amon ikau toto-toto mangilak aku, aku balaku, keleh Tuhan omba dengan ikei. Bangsa te puna badungil, tapi ampun kapapa tuntang dosan ikei kilau ungkup Ayum kabuat.”

Janji inaheta

(Eks. 23:14-19; Deu. 7:1-15, 16:1-17)

10Koan Tuhan dengan Moses, “Toh aku mampendeng janji dengan bangsa Israel. Intu taharep bau matan ewen Aku handak mawi taloh heran je hindai puji ilalus intu marak bangsa je kueh bewei hong kalunen. Hapus bangsa kareh mite kare taloh heran je iawi-Ku, tagal Aku, Tuhan kareh mawi taloh je manarewen akam. 11Haga kare hukum je inenga-Ku akam andau toh. Aku kareh maharak bangsa Amori, Kanaan, Het, Peris, Hewi tuntang Yebusi metoh keton miar. 12Ela pakat dengan oloh intu tanah je kareh inamem, awi tau jadi jarat mawi pampatei akam. 13#Deu. 16:21 Awi te ela malalus jete, tapi derep kare mesbeh ewen, pahancor kare tugu bagana ain ewen tuntang teweng kare tihang Asera, dewan ewen.

14Ela manyembah Hatalla beken, awi aku Tuhan, iete Hatalla je dia maku inyama dengan en bewei. 15Ela pakat dengan bangsa tanah te, karana metoh ewen manyembah tuntang maluput parapah akan kare dewan ewen, ewen handak mimbit ikau, tuntang ikau kareh omba. 16Amon kare anakm kawin dengan kare bawin bangsa beken, ewen kareh ingatau awi kare bawi te uka malihi Aku tuntang manyembah kare dewan ewen.

17 # Eks. 20:4; Lew. 19:4; Deu. 5:8, 27:15 Ela manampa atawa manyembah kare dewa toangan.

18 # Eks. 12:14-20; Lew. 23:6-8; Num. 28:16-25 Haga Pesta Rote Je Dia Iragi. Kilau jari irentah-Ku dengam, ikau patut kuman rote dia iragi katahin uju andau hong bulan Abib, awi hong bulan te ikau balua bara Misir.

19 # Eks. 13:2 Genep anak hatue je tambakase tuntang kare meto hatuee je solake inakan jete ayung-Ku, 20#Eks. 13:13 tapi ikau patut manewus anak kalidai je solake inakan dengan maluput ije kongan anak tabiri indu gantie. Amon ikau dia maku manewuse, uyat kalidai te musti imelek. Genep anakm hatue je tambakase musti inewusm.

Jaton ije biti tau dumah talih Aku amon dia mimbit parapah.

21 # Eks. 20:9-10, 23:12, 31:14-15, 35:2; Lew. 23:3; Deu. 5:13-14 Aton jahawen andau akan bagawi; ela bagawi intu andau je kauju, aloh intu wayah maluku atawa manggetem.

22 # Lew. 23:15-21, 39-43; Num. 28:26-31 Haga Pesta Manggetem metoh keton nampara manggetem hasil je solake bara gandom. Haga kea Pesta Tingkap Dawen intu lawin nyelo, metoh keton mamutik bua.

23Hantelo intu ije nyelo oloh hatue ela dia dumah manyembah Aku, Hatallan Israel. 24Limbah Aku maharak kare bangsa bara taharepm tuntang impalombah-Ku tanahm, jaton ije je bahanyi marampas lewum metoh keton haguet mahaga Pesta Rote Je Dia Iragi, Pesta Manggetem tuntang Pesta Tingkap Dawen.

25 # Eks. 12:10 Metoh keton maluput parapah meto je inyambalih, ela maluput en-en je inampa hewoi ragi. Meto je inyambalih indu parapah Pesta Paska ela dia impalepah alem te kea; dia tau aton tisae sampai andau jewue.

26 # Deu. 14:21, 26:2 Sining nyelo ikau ela dia mimbit akan Human Tuhan, Hatallam hasil je solake bara petakm.

Isin-meto anak tabiri atawa anak kambing dia tau impakasak hapan danum tuson indue.”

27Koan Tuhan dengan Moses, “Surat kare bawak kotak te, awi hagalang kotak te Aku mandehen janjing-Ku dengam tuntang dengan bangsa Israel.” 28Epat puluh andau epat puluh alem Moses melai intu hete dengan Tuhan; katahin te dia kuman atawa mihop. Kare auh janji te iete sapuluh parentah Hatalla, inyurat intu bindang batu.

Moses mohon bara Bukit Sinai

29 # 2 Kor. 3:7-16 Metoh Moses mohon bara Bukit Sinai mimbit sapuluh parentah te, baue balawa awi ie jari hakotak dengan Tuhan; tapi Moses kabuat dia katawan je baue balawa. 30Aron tuntang hapus rayat mite je Moses balawa baue, ewen palus mikeh manokep ie. 31Tapi Moses mantehau ewen, balalu Aron tuntang kakare pamimpin ewen manokep ie, tuntang Moses hakotak dengan ewen. 32Limbah te hapus rayat Israel hapumpong mangaliling ie; Moses manyampai akan ewen hapus parentah je inenga Tuhan akae intu hunjun Bukit Sinai. 33Limbah hakotak dengan ewen Moses manutup baue hapan benang. 34Genep katika Moses tame akan huang Kemah Tuhan, benang te imbukae sampai ie balua. Limbah ie manyampai akan bangsa Israel kakare peteh Tuhan, 35tuntang ewen mite baue balawa. Palus inutupe tinai baue sampai gilir katika je rahian amon ie hakotak tinai dengan Tuhan.

Currently Selected:

EKSODUS 34: NIJ

Highlight

Copy

Compare