DANIEL 10

Paite Daniel intu Sungei Tigris

1Intu nyelo katelo metoh Raja Kores marentah Persia, ije peteh insanan akan Daniel alias Beltsasar. Peteh te toto, tapi bahali toto maharatie.#10:1: tapi bahali toto maharatie atawa: iete tahiu parang hai. Metoh mancoba maharatie, Daniel manarima pansanan tahiu riman peteh te intu ije paite.

2Metoh te aku kanjeran batapa telo minggo katahie. 3Katahin te aku dia kuman panginan je mangat atawa isin meto; aku dia mihop anggor, tuntang dia kea manyarak balau.

4Hong tanggal due puluh epat bulan je solake nyelo te, aku metoh mendeng intu saran Sungei Tigris je hai te. 5#Pang. 1:13-15, 2:18, 19:12 Aku mananggera, palus gitangku ije biti je mahapan pakaian bara lena tuntang panding bara amas tulen. 6Bitie hapancar sama kilau permata, baue balawa kilau kalawan kilat, tuntang matae hanyala kilau apui. Penange tuntang paie mangilat kilau tambaga je inggosok, tuntang auh tarahininge kilau auh oloh are.

7Baya aku kabuat je mite paite te. Kare oloh je hayak dengangku dia mitee, tapi ewen mikeh sampai hadari manyahokan. 8Aku ilihi intu hete kabuat, sambil manampayah paite je manarewen te. Aku palus halelek tuntang baungku balalu kalas mucat. 9Metoh aku mahining auhe, aku palus tujah sampai aku tapahingkep intu petak. 10Limbah te aton lenge manigong aku tuntang mawi aku misik hayak mendeng hapan lenge tuntang ututku.

11Malekat te hamauh dengangku, “Daniel, ikau inyinta awi Hatalla. Harikas tuntang mendeng palus seneh auhku toh bua-buah. Aku toh jari inyoho manalih ikau.” Metoh ie hamauh te, aku palus mendeng hayak hagenjeh.

12Balalu koae dengangku, “Daniel, ela mikeh, Hatalla jari mahining lakudoam bara andau je solake ikau manukas akan mamparandah arepm uka jadi pintar harati. Aku jari dumah kilau panombah akan lakudoam. 13#Pang. 12:7 Malekat kalindong karajaan Persia malawan aku katahin due puluh ije andau. Palus Mikhael, ije bara kare kapalan malekat, dumah mandohop aku. Ilihiku ie intu kanih, hong Persia. 14Aku dumah uka mawi ikau tau maharati narai je akan manjadi taharep bangsam. Paite toh tahiu andau je naharep.

15Metoh ie mansanan auh te, aku sontop tuntang dia olih hakotak. 16Limbah te malekat je kilau olon te manjuju lengee tuntang manigong biwihku. Aku hamauh dengae, “Tuan, paite toh mawi aku paham mikeh sampai aku halelek. 17Aku kilau ije rewar intu taharep tempoe. Kilen ampie aku tau hakotak dengam? Kaabasku lepah tuntang tahasengku seke.”

18Palus sinde tinai ie manigong aku, palus kameangku kaabasku mandahang. 19Ie hamauh, “Hatalla sinta dengam, awi te ela bagalabah atawa mikeh, ayo, keleh abas!”

Metoh ie mansanan auh te, aku mangkeme labih abas tinai tuntang hamauh, “Keleh hakotak, Tuan. Tuan jari mandahang kaabasku.”

20-21Palus ie tombah, “Katawam mbuhen aku manalih ikau? Maksud aie iete uka mansanan akam taloh je tarasurat intu huang Buku Katoto. Toh aku haluli uka parang malawan malekat kalindong#10:20-21: Hai kemungkinan riman auh te iete: malekat kalindong. Ibrani malekat kalindong. Tuntang Aku, hong nyelo je solake Darius oloh Madai te marentah. Persia. Limbah te malekat kalindong Yunani akan dumah. Jaton je akan mandohop aku, baya Mikhael, malekat kalindong Israel, lewun ayum.

Currently Selected:

DANIEL 10: NIJ

Highlight

Copy

Compare