AMOS 8
8
Paite tahiu karanjang bua
1Aku mandino ije paite tinai bara Pangkahai Tuhan. Aku mite ije karanjang basuang bua je masak. 2Tuhan misek, “En taloh je gitam, Amos?”
Aku tombah, “Ije karanjang bua je masak.”
Tuhan hamauh, “Sama kilau bua je jari masak, kalote kea katikae jari sampai akan ungkup-Ku Israel. Aku dia tinai mobah rencana aing-Ku tuntang batantu Aku akan mahukum ewen. 3Hong andau te kare auh nyanyi intu istana akan hobah manjadi auh tangis. Intu hete-hete hakalampah hantu je jari inganan suni-suni.”
Israel ihukum
4Hining, o keton je mangapehe oloh je belom susah hong lewu toh sampai ewen binasa! 5Keton hamauh dengan arep keton kabuat, “Lalehan katahie kare andau pesta. Itah handak bagulong manjual tinai gandom itah, tapi pesta te dia hapu-hapus. Hamprea andau Sabat hapus, mangat itah tau nampara badagang tinai? Itah mipen toto handak mampandai rega, mampakorik takar, tuntang mahapan timbangan je tau mamikir. 6Itah tau menjual gandom je rusak mahapan rega je gantong. Itah manggau oloh je belom susah je dia olih mambayar utange, aloh utange te tumon regan ije kapasang sarumpah, tuntang itah mamili ie manjadi rewar ain itah.”
7 Tuhan, Hatallan oloh Israel, jari sumpah, “Aku samasinde dia akan mangalapean gawin ewen je papa. 8Petak akan hagerek tuntang uras oloh kapehe ateie. Hapus petak akan hagulak tuntang hongge sama kilau batang danum Nil. 9Katikae akan sampai Aku mambelep matanandau amon jari bentok andau tuntang kalunen manjadi kaput kanjeran andau balawa. Aku Tuhan Je Pangkahai jari hakotak. 10Kare pestan keton akan iobah-Ku manjadi kajake, tuntang kare auh nyanyin keton manjadi auh tangis tatum. Aku akan mawi keton manggundul takolok keton tuntang mawi keton makaian arep keton hapan kampil tanda kapehen atei. Keton manjadi sama kilau indu bapa je manangis tagal pampatei anake je tonggal. Andau te akan hapus dengan kapehen atei je paham.”
11 Tuhan Je Pangkahai hamauh, “Katikae kareh akan sampai aku magah bahaya lau akan lewu toh. Oloh akan balau tapi dia balau tagal panginan. Oloh teah belaie tapi dia teah belaie tagal danum. Ewen te akan balau tuntang teah belaie dengan auh peteh-Ku. 12Oloh akan manamuei bara hila utara akan hila salatan, bara timor akan hila barat mangat mandino auh peteh-Ku, tapi ewen dia akan sondau. 13Hong andau te kare oloh tabela je balinga mahin akan tujah awi teah belaie. 14Kare oloh je sumpah mahapan aran dewan oloh Samaria sambil hamauh, ‘Huang aran Dewan oloh Dan’ atawa ‘Hong aran Dewan oloh Berseba’ – akan balongkang tuntang dia olih hingkat tinai.”
Currently Selected:
AMOS 8: NIJ
Highlight
Copy
Compare
Share
Want to have your highlights saved across all your devices? Sign up or sign in
