JABUR 19
19
Kaagunganna PANGERAN e dhalem cepta'anna ban e dhalem hokomma
1Kaangguy pamimpinna koor. Jaburra Daud.
Kaagunganna PANGERAN e dhalem cepta'anna
2Langnge' anyata'agi kaagunganna Allah,
ban aberta'agi sabarang se elampa'agi Salerana.
3Are se settong manapa' ka are kalagguwanna;
malem se settong nyareta'agi ka malem laenna.
4Tadha' se acaca otaba ca'-ngoca',
tadha' monye tadha' sowara.
5 #
Rm. 10:18
Tape ro-sarowanna ekaedhing daddi sadunnya,
pessenna napa' ka co'-konco'na bume sabalattrana.
Pangeran abadhi bengko e langnge' menangka kennengnganna are,
6se moncar e baja laggu
akantha pangantan lake' se kalowar dhari kamarra,
akantha pahlawan se perak amolae parjalananna.
7Are jareya ajalan e langnge' dhari konco' se settong ka konco' settongnga;
tadha' se lopot dhari panassa.
Hokomma PANGERAN
8Hokomma PANGERAN reya samporna,
masegger ate ban sokma.
Papakonna PANGERAN reya ekenneng parcaja,
madhateng hekmat ka oreng se majja.
9Atoranna PANGERAN reya teppa',
masenneng atena oreng se ta'at.
Kateptebbanna PANGERAN reya morne,
andaddiyagi oreng padha ngarte.
10Abakte ka PANGERAN reya bagus,
ajalan terros salanjangnga.
Hokomma PANGERAN reya teppa',
ban adil sakabbinna.
11Hokomma PANGERAN lebbi aji dhari emmas morne,
lebbi manes dhari maddu asli.
12Abdidalem epaemot sareng kom-hokom ka'dhinto;
ganjaran raja esadhiya'agi ka oreng se atoro'.
13Tadha' se apangrasa ka kasala'anna;
GUSTE, palopottagi abdidalem dhari kasala'an se ta' katengal.
14Pajauwagi abdidalem dhari dusa se etengnget,
ja' kantos dusa gapaneka ngobasane abdidalem.
Daddi abdidalem pas tadha' calena,
lopot dhari kasala'an se berra'.
15Moga ca'-oca' sareng pekkeran abdidalem katarema'a ka Junandalem,
GUSTE, Junandalem se ajaga sareng nebbus abdidalem.
Currently Selected:
JABUR 19: MAD
Highlight
Copy
Compare
Share
Want to have your highlights saved across all your devices? Sign up or sign in
