JABUR 113
113
Amolja'agi kabecce'anna PANGERAN
1Molja'agi PANGERAN!
Para abdina PANGERAN,
mara molja'agi asmana PANGERAN!
2Asmana bakal epakalonta'a
sateya ban saterrossa.
3Dhari temor sampe' ka bara'
asmana PANGERAN kodu emolja'agi.
4PANGERAN kobasa ka sakabbinna bangsa,
kaagunganna ngongkole langnge'.
5Sapa se nandhinge PANGERAN Allahna sengko' ban ba'na?
Se alenggi e kennengngan se tenggi?
6Tape Salerana ngendha',
ngoladana langnge' ban bume.
7Oreng mesken epajaga dhari dhalem abu,
oreng malarat eangkes dhari dhalem cellot.
8Reng-oreng jareya epatoju' epapolong ban reng-oreng se neggu' kakobasa'an,
epakompol ban oreng agung e dhalem bangsana.
9Babine'an se jubeng eparenge ana',
epadaddi ebu se gumbira atena ban ehormat e bengkona.
Molja'agi PANGERAN!
Currently Selected:
JABUR 113: MAD
Highlight
Copy
Compare
Share
Want to have your highlights saved across all your devices? Sign up or sign in
