JABUR 112
112
Kapojuranna oreng se becce'
1Molja'agi PANGERAN!
Pojur oreng alem,
se atoro' ka papakonna PANGERAN.
2Na'-ana'na bakal kobasa'a e nagara reya,
toronanna oreng becce' bakal eberkadana.
3Sabalana bakal sogiya ban ma'mora,
odhi'na bakal nyamana salanjangnga.
4Tera' nyonar e pettengnga kaangguy oreng se jujur atena
kaangguy oreng se adil, se bellas ase.
5Pojur oreng se lamba' atena ban lebur jam-maenjam,
sarta jujur e dhalem orosan.
6Oreng becce' masthe ahasel saterrossa,
aba'na bakal ekaenga'ana salanjangnga.
7Oreng jareya ta' tako' narema kabar juba',
atena koko lantaran parcaja ka PANGERAN.
8Oreng jareya ta' kobater otaba tako' atena,
sabab yakin mosona tanto epakala.
9 #
2Kor. 9:9
Dhi'-andhi'na egi-bagi,
ban asandhekka ka oreng se ta' andhi';
se elakone pera' barang se becce',
daddi aba'na kobasa ban ehormat oreng.
10Oreng jahat nangale'e, laju peggel atena;
gigina ngaret dhari baji'na.
Reng-oreng jareya pas padha mate;
pangarebbanna elang mosna salanjangnga.
Currently Selected:
JABUR 112: MAD
Highlight
Copy
Compare
Share
Want to have your highlights saved across all your devices? Sign up or sign in
