JABUR 106
106
Kabecce'anna PANGERAN ka ommadda
1 #
1Bbd. 16:34; 2Bbd. 5:13, 7:3; Ezr. 3:11; Jab. 100:5, 107:1, 118:1, 136:1; Yer. 33:11 Molja'agi PANGERAN!
Mara asokkor ka PANGERAN, sabab Pangeran reya sae;
kataresna'anna langgeng saterrossa.
2Sapa se bisa aberta'agi kakowadanna PANGERAN,
ban amolja'agi Salerana sapantessa?
3Pojur oreng se atoro' ka kon-papakonna,
sarta se ros-terrosan teppa' tengka gulina.
4Kaemodi abdidalem, GUSTE, lantaran kabecce'annepon Junandalem ka ommadda,
abdidalem jugan nyo'ona tolong manabi Junandalem masalamet reng-oreng ka'dhissa'.
5Moga abdidalem nengalana kama'moranna reng-oreng peleyannepon Junandalem
tor anga-bunga asareng ommattepon Junandalem.
Moga abdidalem noro'a perak tor gumbira
asareng reng-oreng kaagungannepon Junandalem.
6Abdidalem sadaja padha dusa akadi para bangatowa;
abdidalem sadaja ampon padha alako jahat sareng daraka.
7 #
Kal. 14:10-12
E bakto badha e Messer bangatowa abdidalem sadaja padha ta' ngarte;
padha tadha' se pahama ka karyaepon Junandalem se makasambu' ate.
Reng-oreng gapaneka loppa ka kataresna'annepon Junandalem se tadha' batessa,
ban e seddi'anna Tase' Galagas
reng-oreng gapaneka aberonta' ka Se Mahatenggi.
8Tape PANGERAN masalamet reng-oreng jareya
bit Salerana dibi',
sopaja kaparjuga'anna daddiya nyata.
9 #
Kal. 14:21-31
Kalaban dhabuna Tase' Galagas daddi kerreng,
Pangeran abakta ommadda epajalan lebat e tase'
se dhasarra kerreng akantha sagara beddhi.
10Kalaban cara se kantha jareya Allah masalamet reng-oreng jareya dhari mosona,
epalopot dhari kobasana reng-oreng se baji' ka aba'na.
11Tape e dhalem aeng para mosona epatasellem,
settonga tadha' karena.
12 #
Kal. 15:1-21
Ommadda laju parcaja ka janjina,
pas anyanye amolja'agi asmana.
13Tape ta' abit dhari jareya reng-oreng jareya la loppa ka se elampa'agi PANGERAN,
pas ngala' karebba dibi'na ta' kalaban nyo'on babala'anna.
14 #
Et. 11:4-34
E sagara beddhi reng-oreng jareya ta' kellar ngampet napsona
laju ba'-nyoba' Allah.
15Allah marenge reng-oreng jareya sabarang se epenta
etambai wabah panyaket se ce' berra'na.
16 #
Et. 16:1-35
E sagara beddhi reng-oreng jareya ere ka Mosa
ban ka Harun abdina se socce atena.
17Bume pas maroka ngoldek Datan,
notobi Abiram ban la-balana.
18Apoy toron ngolap e kennengnganna reng-oreng jareya,
potthon katonon reng-oreng se padha daraka.
19 #
Kal. 32:1-14
E Gunong Sinay reng-oreng jareya agabay budhu'na pe-sapeyan dhari emmas,
pas nyemba arca gabayanna tanangnga.
20Reng-oreng jareya morobi Allahna se agung molja
egante'e arcana sape se ngakanan rebba.
21Reng-oreng jareya loppa ka Allah panyalamedda aba'na
se alampa'agi sabarang lalakon raja e Messer rowa.
22Nako'e onggu se elampa'agi Allah e jadhiya,
makasambu' ate kadaddiyan e Tase' Galagas.
23Daddi Allah aneyat mateyana ommadda,
tape elanglang bi' Mosa, oreng peleyanna.
Mosa daddi panengnga e antarana Allah ban ommadda,
daddi Allah pas terep dukana.
24 #
Et. 14:1-35
Saellana jareya reng-oreng buru nolak nagara se bagus rowa
polana ta' parcaja ka janjina Allah.
25Reng-oreng jareya aseddhiyan e dhalem kemahna,
ta' endha' ngedhingngagi dhabuna PANGERAN.
26Allah laju asompa ban ajanji
mateyana reng-oreng jareya e sagara beddhi.
27 #
Im. 26:33
Toronanna reng-oreng jareya ebuwanga e antarana sa-bangsa,
epabalessudana e ra-nagara manca.
28 #
Et. 25:1-13
Saellana jareya e Peyor reng-oreng jareya nyemba Ba'al,
ban ngakan tor-ator se ebagi ka ba-dibana.
29Tengkana reng-oreng jareya andaddiyagi dukana PANGERAN,
daddi laju epadhatengnge panyaket se nako'e parana.
30Tape Pinehas kalowar ngokom reng-oreng se sala,
daddi panyaket jareya laju ambu.
31Jareya eanggep jasana,
se ekaenga'e salanjangnga.
32 #
Et. 20:2-13
E mor-somor Meriba reng-oreng jareya mapeggel PANGERAN,
masossa Mosa polana tengka polana.
33Reng-oreng jareya mapeggel panggaliyanna Mosa,
kantos adhabu ta' kalaban epekker sabellunna.
34 #
Kim. 2:1-3, 3:5-6 Sa-bangsa laen bi' reng-oreng jareya ta' epamosna
akantha se epakonnagi PANGERAN.
35Reng-oreng jareya la'-mala' acampor ban sa-bangsa jareya,
nerowe ra-carana oreng se ta' kennal ka Allah.
36Reng-oreng jareya laju nyemba la-brahala,
jareya se daddi lantaranna gaggarra aba'na.
37 #
2To. 17:17
Na'-ana'na dibi' ekagabay kurban
ka la-brahala Kana'an.
38 #
Et. 35:33
Reng-oreng jareya magili dharana oreng se ta' sala,
dharana na'-ana'na dibi',
se ekurbannagiya ka la-brahala,
sampe' reng-oreng jareya makocem nagarana.
39Lantaran tengka polana jareya reng-oreng jareya daddi najjis,
ban ta' esto ka Allah.
40 #
Kim. 2:14-18
PANGERAN laju ce' dukana ka ommat jareya,
ce' baji'na ka ommat kaagunganna dibi'.
41Daddi reng-oreng jareya eparengngagi ka sa-bangsa,
epanneng ekobasae so-mosona.
42Ommat jareya pas etendhes bi' so-mosona,
epatellok e dhalem kakobasa'anna.
43Li-baliyan PANGERAN masalamet reng-oreng jareya,
tape reng-oreng jareya asoka'an aberonta'
sampe' kabbi padha mate e dhalem sa-dusana.
44Tape PANGERAN meyarsa cerrengnga reng-oreng jareya,
Salerana ngoladi ka kasossa'anna.
45Kaangguy kaparlowanna reng-oreng jareya Pangeran emot ka parjanjiyanna,
arassa neser lantaran kataresna'anna se ce' rajana.
46Sakabbinna oreng se nawan reng-oreng jareya
epaneser kabbi ka ommat jareya.
47 #
1Bbd. 16:35-36
Adhu Guste ALLAH, parenge salamet abdidalem sadajana,
pakompollagi abdidalem sadajana dhari antarana sa-bangsa
sopaja abdidalem sadaja kengenga asokkor
sareng amolja'agi asmana Junandalem se socce.
48Molja'agi PANGERAN, Allahna Isra'il,
sateya ban salanjangnga.
Dina reng-oreng me' padha ngoca', “Amin!”
Molja'agi PANGERAN!
Currently Selected:
JABUR 106: MAD
Highlight
Copy
Compare
Share
Want to have your highlights saved across all your devices? Sign up or sign in
