JABUR 105
105
Allah ban ommadda
(1Bbd. 16:8-22)
1Mara asokkor ka PANGERAN, berta'agi kaagunganna,
careta'agi lalampa'anna ka sa-bangsa.
2Mara nyanye pojiyan kaagem ka PANGERAN,
berta'agi sakabbinna karyana se makasambu' pekkeran.
3Salerana jareya Pangeran Se Settong;
mara paperak sabab sengko' ban ba'na reya kaagunganna,
kabbi se abakte ka Salerana mara pagumbira.
4Nyo'on kakowadan dhari Salerana,
semba Salerana salanjangnga.
5-6He toronanna Ibrahim, abdina Allah,
para toronanna Yakub, peleyanna Pangeran,
kaenga'e sakabbinna kaajiban se elampa'agi Salerana,
ja' kaloppae kapotosan-kapotosanna.
7PANGERAN reya Allahna sengko' ban ba'na,
kapotosanna kaangguy saantero dunnya.
8Salerana terros emot ka parjanjiyanna,
dhabuna kaangguy salanjangnga.
9 #
Kad. 12:7, 17:8, 26:3 Parjanjiyan jareya ebadhi Pangeran ban Ibrahim,
saellana pas epaterros ban Ishak.
10 #
Kad. 28:13
Saellana jareya pas epakoko bi' Yakub,
epadaddi parjanjiyan se langgeng ban ommat Isra'il.
11Ca'na dhabuna, “Tana Kana'an bi' Sengko' ebagiya ka ba'na,
epadaddiya sangkolan andhi'na ba'na.”
12Lamba' ommadda Allah daddi oreng manca e dhissa',
bannya'na orengnga ta' saapa.
13Reng-oreng jareya alalana dhari bangsa se settong ka settonga,
ngalle dhari nagara se settong ka settonga.
14 #
Kad. 20:3-7
Tape Pangeran ta' ngedine sapa'a bai nendhes ommadda jareya,
kaangguy masalamedda ommadda, to-rato padha epaenga',
15“Ja' la-nyala ka ommat Tang peleyan,
Tang bi-nabbi ja' ca-anca!”
16 #
Kad. 41:53-57
PANGERAN madhateng laep ka nagara jareya,
parsadhiya'anna kakanan epondhut epatadha' karena.
17 #
Kad. 37:28, 45:5 Tape Pangeran ngotos oreng ajangadha'i ommadda jareya,
Yusup, se ejuwal egabay dunor odhi'na.
18 #
Kad. 39:20–40:23
Sokona ekalenthong,
le'erra etale'e rantay besse.
19Dhi-budhina kadaddiyan keya se eramallagi salerana,
Yusup eanggep ta' sala polana dhabuna PANGERAN.
20 #
Kad. 41:14
Rato Messer se ngobasane sa-bangsa
makalowar salerana dhari penjara.
21 #
Kad. 41:39-41
Yusup laju epangoros karaja'anna,
eparenge kakobasa'an marenta nagarana;
22bariya keya kakobasa'an ngator para ponggabana rato,
ban mimpin kaom towa.
23 #
Kad. 46:6, 47:11 Yakub pas meyos ka Messer,
neptep e jadhiya daddi oreng manca.
24 #
Kal. 1:7-14
Bi' PANGERAN ommadda epatamba bannya',
sampe' daddi akowadan dhari mosona.
25Atena oreng Messer epabaji' ka ommadda,
para abdina padha eco-koco.
26 #
Kal. 3:1–4:17
Pangeran laju ngotos Mosa abdina
sarta Harun oreng peleyanna.
27E nagara Messer se kadhuwa jareya mabadha kaajiban sabannya'na,
lalakon ja-raja se elampa'agi Pangeran,
28 #
Kal. 10:21-23
Mosa ban Harun ta'at ka papakonna.
Nagara jareya laju epapetteng calemodan bi' Pangeran.
29 #
Kal. 7:17-21
Songayya eoba epadaddi dhara,
sampe' mate kabbi ko'-juko'na.
30 #
Kal. 8:1-6
Kata' mossa'e nagara jareya,
la'-mala' sampe' maso' ka karatonna.
31 #
Kal. 8:16-17, 8:20-24 Kalaban dhabuna Allah laju dhateng lala' sabannya'na,
rengnge' ngaromo' saantero nagara.
32 #
Kal. 9:22-25
Pangeran matoron es menangka gantena ojan,
kelap epadhateng patang galirap.
33Pangeran marobbu bungkana anggur ban bungkana ara,
bariya keya ju-kajuwan laenna.
34 #
Kal. 10:12-15
Kalaban dhabuna pas dhateng balang,
bannya'na ta' ekenneng bitong, ta' ekenneng bilang.
35Balang jareya ngakan sakabbinna men-tamennan e teggal,
hasella bume ekakan epatadha'.
36 #
Kal. 12:29
Saellana jareya Pangeran mate'e
sakabbinna ana' sareyang e Messer.
37 #
Kal. 12:33-36
Saellana jareya bangsa Isra'il pas eater ka lowar,
reng-oreng jareya ngeba emmas ban salaka,
kabbi padha baras ban kowat.
38Oreng Messer tako' ka bangsa Isra'il jareya,
daddi padha perak atena e bakto oreng Isra'il ondur dhari nagarana.
39 #
Kal. 13:21-22
Bi' Pangeran ommadda epajunge ondhem,
eparenge apoy se matera' e baja malem.
40 #
Kal. 16:2-15
Reng-oreng jareya nyo'on, Pangeran madhateng mano' gemmek,
ommadda eparenge roti dhari sowarga sampe' padha kennyang.
41 #
Kal. 17:1-7; Et. 20:2-13 Gunong bato eseba' pas kalowar aeng se agili
akantha songay e ra-ara beddhi.
42Sabab Pangeran emot ka janjina
se edhabuwagi ka Ibrahim, abdina.
43Daddi Pangeran ngater ommat peleyanna,
se nyanye sambi asorak, kaperagen atena.
44 #
Yus. 11:16-23
Tanana sa-bangsa laen eparengngagi ka ommat jareya,
gal-teggalla epadaddi andhi'na,
45sopaja ommadda ta'ada ka kom-hokomma
ban atoro' ka papakonna.
Molja'agi PANGERAN!
Currently Selected:
JABUR 105: MAD
Highlight
Copy
Compare
Share
Want to have your highlights saved across all your devices? Sign up or sign in
