NYANYIAN ANU TALASANGGO 6
6
To bou-boune
1Nambamo noya na sindua'an nu beleyum,
o, langkoyang anu tingkai'on hondo?
Namba noya na sindua'an nu beleyum,
da kami suele mompaha lio?
Boune
2Sindua'anku namba i ale'nyo,
i ale' nu to lampa-lampa,
da molaya' to domba-dombanyo i ale',
ka' montipu mae sinin na bunga bakung.
3Aku aiya sindua'ankumo na tumpunyo, ka' mule' ia akumo an tumpunyo,
ia nolaya'mo to domba-domba,
aijo' i totonga' nu bunga bakung.
Nyanyian ko olima'nyo
Mo'ane
4Beleyum handa hondo, sintangku,
sumo ko handanyo nu kota' Yerusalem,
sumo ko ima'nyo nu kota' Tirzah.
Beleyum talalo hondo momposanang nyawa,
sumomo suludadu tiba bandela'nyo.
5Posiloian na ohup nu beleyum, boli montonto'i mae aku,
kalana pontonto'i mae nu beleyum mompobingong aku.
Bulu nu ubak nu beleyum sumomo sanggombu na mee'
anu nintuamo mae lengkat i bungkutnyo nu Gilead.
6Bese' nu beleyum mopute' sumomo sanggombu na domba,
anu sala'je kiniis ka' pinindi';
mojajalan toto ohua' susumo anak nu domba anu hapi',
sa'angu' pe'e madi' ko anu nolapus.
7Gagising nu beleyum sumomo biha'an nu bua' nu dalima,
anu sulu-suluk isambiha' nu kukumbung nu beleyum.
8Maumo daagi ko anom pulu' na bengkele' nu Tomundo',
ka' mule' ualumpulu' na ambahue' tiba to lalangkoyang majoo',
9Panyo ola ahi' sa'angu' na malapati'ku na anu lewa' ku indi,
anak sa'a-sa'angu'nyo anu nu kalibosi hondo nu tinanyo.
To lalangkoyang montoa ia ka' mompuji ia,
to bengke-bengkele' nu Tomundo' tiba to amba-ambahue' bangang na montoa ia.
10ihe na ia anu tinoka mae aijo' mimimbalu-balu' jingka anu bete'mo mae,
sumomo bitu'on tumba na ko ima'nyo, ka' mule' sumomo jingka nu batu nu sinaa?
Ia talalo hondo momposanang nyawa,
sumomo suludadu tiba bandela'nyo.
11Aku nambamo i ale' nu kanali',
montoa bunga-bunga i bangka'nyo.
Ugaat anggur daagimo ko buha'nyomo
ka' mule' kau' dalima nimbungamo.
12Talalo hondo ku indi na beleyum mongka'ima'i mae,
susumo mongindi na aku sumake i kareta anu opake
mahampate sama-sama tiba to tu'a-tu'anyo anu talasanggo.
To bou-boune
13Ponsaleleimo na belemiu langkoyang nu aha Sulam,
pimpio-pio'mo da okabangangi mami.
Boune
Kadaka' belemiu mongka'imai mae montonto'i aku,
hau-haunyo aku sinumalelemo itotonga' nu aha mian anu mompopiakon?
Currently Selected:
NYANYIAN ANU TALASANGGO 6: LAILOE
Highlight
Copy
Compare
Share
Want to have your highlights saved across all your devices? Sign up or sign in
