MAZMUR 79
79
Do'a mongkakase da bansa opobebasmo mae
1 #
2Raj. 25:8-10, 2Taw. 36:17-19, Yer. 52:12-14 Mazmur i Asaf.
O Tumpu Allah, bansa anu madi' monsumbu'i Belento
nonjojoongimo tano' pusaka' nu Belento.
Aha nongkotonimo Laigan nu Belento,
Yerusalem binaumo tambulan nu anu singkapmo na'idek.
2Bangke' nu to posa-posaihon nu Belento pinala'ianmo nu aha,
binaumo kaanon nu to tomu-tomonsi' anu lumahap i langa.
Bangke' nu to mia-mian anu, nu kalibosi nu Belento pinojohokmo nu aha
binaumo kaanon nu binatang anu ma'ela'.
3I kota' nu Yerusalem songko-songko
baso' nu aha nobubusmo susumo uee; madi'mo ko anu nolamun aha.
4Kami tinimbalimo han anu lewa' o aluu ka' okokojoi nu to bansa-bansa anu mompaha ohani,
aha lewa' mongkokojoi ka' mongalu kami.
5O, Tumpu, sampemo toka sidu-sidutu' na Belento motambuha'
ka' kinyonyoa nu Belento anu saja' madi' sanang
hi kami sabole-bolehmo mook susumo apu?
6Baumo totu-totu'u, na Belento motambuha' hi to bansa-bansa
anu madi' monsumbu'i Belento
ka' hi aha to kala-kalaja'an
anu madi' monsombah Belento.
7Kalana aha nompateimo mian anu palesayamo hi Belento,
ka' nohansuhimo tampat kajojoongan nu aha.
8Boli mohukum mae kami kalana dosa' nu mompolee' mami.
Sampamo mae kalibosi na kami kalana madi'mo koanu otaha'imani mami.
9Tulungiakon mae na kami o, Tumpu, Anu momposalamat mae kami,
ampuniakon mae na dosa' mami iwi-iwi' ka' pobebasmo mae na kami
da Belento o holomati.
10Boli opobee' na bansa sangga'at mompokilawa mae kami
“Iya mae na Tumpu nu aha?”
Bakas da kami montoa to bansa-bansa obalosakon
anu mompateimo to posa-posaihon nu Belento.
11Potombihingakon mae na tando' nu to mia-mian anu i uno nu talungku';
o'amalakon da to mia-mian anu tinantukanmo osilakai
opobee'mo da boli osilakai kalana kakuasa'an nu Belento.
12O, Tumpu, balosakonmo na to bansa-bansa haha aijo' pimpitun lipat,
kalana iwi-iwi' na alu anu mompopo'ise' Belento binaumo nu aha.
13Sahingga kami mian anu palesayamo hi Belento, domba anu, nulaya' nu Belento
montalima kasemo hi Belento sampe toka sidu-sidutu',
ka' mompuji'mo Belento sampe molundu-lundu na tulunan.
Currently Selected:
MAZMUR 79: LAILOE
Highlight
Copy
Compare
Share
Want to have your highlights saved across all your devices? Sign up or sign in
