MAZMUR 70
70
Do'a mongkakase da otulungi mae
(Mzm. 40:13-17)
1Anu mongkapalai panyanyi. Nyanyian i Daud tempo'nyo nonsombahkonmo koloban monginau' apa-apaa na balakat nu Tumpu anu binee'Nyomo mae.
2O, Tumpu, posalamatakon mae na aku,
O, Tumpu, sampamo tulungi mae na aku!
3Bakas da mian anu kahanda'mo mae, monsilakai aku
opatundu'mo ka' mopalaimo sahingga madi'mo nusumbu-sumbu' na popalaiannyo.
Bakas da mian anu nohagaimo mae aku anu nohumpakmo kasusa'an sumo aiya
opatundu'mo ka' opopo'ambangmo.
4Bakas da mian anu mongkokojoimo mae aku
tolokengkengmo ka' ma'ambangmo.
5O'amalakon da iwi-iwi' na mian anu nonsombahmo Belento
sanangmo na kinyonyoanyo ka' lame'mo;
ka' iwi-iwi' na anu mongka'ima'i kasalamatan anu lengkat mae hi Belento,
balomo motatae, “Totu-totu'u Tumpu talasanggo!”
6Aku aiya kasiasi ka' madi'mo moko ala mombau apa-apaa;
tokamo mae lia-lia', o, Tumpu.
Belentomo na anu montulungi mae ka' momposalamat aku,
boli mae pin, o, Tumpu.
Currently Selected:
MAZMUR 70: LAILOE
Highlight
Copy
Compare
Share
Want to have your highlights saved across all your devices? Sign up or sign in
